ADផ្ទាំងផ្សព្វផ្សាយពាណិជ្ជកម្ម

Picture

កម្មករ​រ៉ែ​មាស​​៩​នាក់​ជាប់​ក្នុង​អណ្ដូង​​រ៉ែ​បាក់​ រក​ឃើញ​បាត់​បង់​ជីវិ​ត​ទៅហើយ​(វីដេអូ)

3 ឆ្នាំ មុន

ប្រទេស​ចិន ៖ អាជ្ញាធរ​មូលដ្ឋាន​រាយការណ៍​កាលពី​ថ្ងៃ​ទី​២៥ ខែ​​មក​រា ឆ្នាំ២០២១ ​ថា កម្មករ​រ៉ែ​មាស​​ចំនួន​៩​នាក់​ដែល​ជាប់​ក្នុង​អណ្ដូងរ៉ែ​មាស​មួយ ចាប់តាំងពី​២​ស​ប្ដា​ហ៍​មក​ហើយ ត្រូវ​បាន​រក​ឃើញ​​បាន​បាត់​បង់​ជីវិ​ត​ទៅ​ហើយ​។ ការ​ផ្ទុះ​មួយ​កើត​មាន​កាលពី​ថ្ងៃ​ទី​១០…

ប្រទេស​ចិន ៖ អាជ្ញាធរ​មូលដ្ឋាន​រាយការណ៍​កាលពី​ថ្ងៃ​ទី​២៥ ខែ​​មក​រា ឆ្នាំ២០២១ ​ថា កម្មករ​រ៉ែ​មាស​​ចំនួន​៩​នាក់​ដែល​ជាប់​ក្នុង​អណ្ដូងរ៉ែ​មាស​មួយ ចាប់តាំងពី​២​ស​ប្ដា​ហ៍​មក​ហើយ ត្រូវ​បាន​រក​ឃើញ​​បាន​បាត់​បង់​ជីវិ​ត​ទៅ​ហើយ​។

ការ​ផ្ទុះ​មួយ​កើត​មាន​កាលពី​ថ្ងៃ​ទី​១០ ខែ​មក​រា ក្នុង​អណ្ដូង​រ៉ែមាស ​QIXIA ក្នុង​ខេត្ត​សាន​ដុ​ង​ភាគ​ខាងកើត​ចិន ដោយ​ខ្ទប់​កម្មករ​រែ​៉​​ចំនួន​២២​នាក់​ជាប់​នៅ​ក្រោម​ដី ក្នុង​ជម្រៅ​ច្រើន​រយ​ម៉ែត្រ​។ ការ​ផ្ទុះ​បង្ក​ការ​ខូ​ត​ខាត​ធ្ងន់ធ្ងរ ជា​ពិសេស​ខ្ទប់​បណ្ដា​កម្មករ មិន​អាច​ឡើង​មក​ខាងលើ​វិញ​បាន ។

ប្រតិបត្តិការ​ជួយ​សង្គ្រោះ​ជួប​ការ​ពិបាក ក្នុង​ការ​បើក​ច្រកចូល​ក្នុង​អណ្ដូងរ៉ែ​ដែល​បិទ ក្រោយ​ការ​ផ្ទុះ​​តែ​ទើប​នា​ថ្ងៃ​ទី​២៤​មក​រា ផ្ទាំង​ដី​ដែល​បិទ​អណ្ដូង​បាន​ធ្លាក់​ទៅ​ក្រោម ទើប​ពួក​អ្នក​ជួយ​សង្គ្រោះ​អាច​​ចូល​ទៅ​ដល់​កម្មករ​ដែល​ជាប់​ក្រោម​ដី​យូរថ្ងៃ​មក​ហើយ​។

កាលពី​ស​ប្ដា​ហ៍​មុន​កម្មករ​រ៉ែ​ម្នាក់​ដែល​រង​របួស ធ្ងន់​បាន​បាត់​បង់​ជីវិត​​នៅ​ក្រោម​ដី​។ ហើយ​នា​ថ្ងៃ​ទី​២៤ ​មក​រា ​កម្មករ​រ៉ែ​១១​នាក់ បាន​ត្រូវ​រក​ឃើញ​នៅ​រស់​នាំ​មក​ខាងលើ​។ ក៏​ប៉ុន្តែ​កម្មករ​រ៉ែ​៩​នាក់​ទៀត ​គួរ​ឲ្យ​សោកស្ដាយ​ដោយ​ពួក​គេ​រក​ឃើញថា បាន​បាត់​បង់​ជីវិត​ទៅហើយ ហើយ​សាកសព​ពួក​គេ​នាំ​មក​ខាងលើ​។ ការ​រុករក​នៅ​បន្ត ដើម្បី​តាម​រក​កម្មករ​ចុង​ក្រោយ​ម្នាក់​ទៀត​​ដែល​នៅ​បាត់​ខ្លួន តែ​ក្ដី​សង្ឃឹម​រក​ឃើញ​ថា​គេ​នៅ​រស់​នោះ ​ពិតជា​មាន​តិច​​តួចបំផុត​៕ ដកស្រង់​ចេញពី​វេ​ប​សាយ ៖ yahoo

អត្ថបទសរសេរ ដោយ

កែសម្រួលដោយ