ខេត្តកោះកុង ៖ បើតាមសេចក្តីរាយការណ៍បឋមបានឲ្យដឹងថា មានការភ្ញាក់មួយបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី២៥ ខែមករា ឆ្នាំ២០២១ ដោយប្រជាពលរដ្ឋបានប្រទេះឃើញមនុស្សស្រីម្នាក់ដេកបាត់បង់ជីវិតនៅក្នុងព្រៃក្បែរមាត់ព្រែក នៅចំណុចដីខ្មៅ ស្ថិតក្នុងភូមិទំនាប…
ខេត្តកោះកុង ៖ បើតាមសេចក្តីរាយការណ៍បឋមបានឲ្យដឹងថា មានការភ្ញាក់មួយបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី២៥ ខែមករា ឆ្នាំ២០២១ ដោយប្រជាពលរដ្ឋបានប្រទេះឃើញមនុស្សស្រីម្នាក់ដេកបាត់បង់ជីវិតនៅក្នុងព្រៃក្បែរមាត់ព្រែក នៅចំណុចដីខ្មៅ ស្ថិតក្នុងភូមិទំនាប ឃុំត្រពាំងរូង ស្រុកកោះកុង ខេត្តកោះកុង ។
សេចក្តីរាយការណ៍បន្តថា ករណីខាងលើនេះ ត្រូវបានគេសង្ស័យថា អាចជារឿងបំពានសេព សន្ថវៈ រួចផ្តាច់ជីវិតចោល ។ ហើយនៅកន្លែងកើតហេតុ គឺជាតំបន់ទេសចរណ៍ដែលមានភ្នំព្រៃជុំវិញ និងឡានឈប់មើលខ្លះៗពេលដែលធ្វើដំណើរទៅមកតាមបណ្តោយផ្លូវជាតិលេខ៤៨ នោះ។ ចំណែកសាកសពស្ត្រីរងគ្រោះ គឺដេកបាត់បង់ជីវិតនៅក្បែរមាត់បឹង ទាំងអាក្រាតកាយពុំមានស្លៀកខោនោះទេ ហើយមានពាក់អាវទ្រនាប់ ពាក់អាវដៃវែង ពណ៌ខៀវ និងមានពាក់អារងារដៃវែងរោមសត្វពណ៌ស ព្រមទាំងមានកាបូបស្ពាយពណ៌លឿងទាំងខ្សែនៅជាប់នឹងខ្លួនស្ត្រីរងគ្រោះទៀតផង ។
សេចក្តីរាយការណ៍បន្តថា សពស្ត្រីរងគ្រោះ គឺមានស្លាកស្នាមដូចជា ៖ នៅលើផ្ទៃមុខមានស្នាមជាំខ្មៅជាច្រើន, បែកគ្រាប់ភ្នែកខាងស្តាំ និងស្នាមដាច់ស្បែកនៅចុងភ្នែកខាងស្តាំ, ស្នាមដាច់រលាត់សាច់នៅផ្នែកថ្គាមខាងឆ្វេង, ស្នាមយកអាវយឺតមកចងត្រឹម.កស្ត្រីរងគ្រោះជាដើម។ ចំណែកផ្នែកដងខ្លួនវិញ គឺមានស្នាមដាច់រលាត់ស្បែកនៅពោះ, ដាច់រលាត់សាច់នៅលើខ្នងដៃខាងធ្វេង ចំណែកដៃស្តាំវិញមានពាក់ស្រោមដៃពណ៌ខ្មៅ ប៉ុន្តែដៃខាងឆ្វេងអត់មានពាក់ស្រោមដៃនោះទេ។
សេចក្តីរាយការណ៍បន្តថា មុនពេលកើតហេតុ និងមើលតាមកាមេរ៉ា គឺឃើញជនសង្ស័យម្នាក់បានជិះមកដឹកស្ត្រីរងគ្រោះអាយុ២៨ឆ្នាំ ជនជាតិខ្មែរ មុខរបរកម្មការិនីរោងចក្រ នៅក្នុងតំបន់សេដ្ឋកិច្ចពិសេសកោះកុង។ ដោយបានដឹកនាងចេញពីផ្ទះជួលនៅក្បែររោងចក្រ ស្ថិតក្នុងឃុំចាំយាម ស្រុកមណ្ឌលសីមា ខេត្តកោះកុង ឆ្ពោះមកតាមផ្លូវជាតិ៤៨ មកដល់ចំណុចកើតហេតុ ។
បន្ទាប់ពីក៏មានការភ្ញាក់ផ្អើលតែម្តង ហើយសមត្ថកិច្ចបានចុះទៅធ្វើការពិនិត្យសាកសពស្ត្រីរងគ្រោះ និងបានធ្វើការសេចក្តីសន្និដ្ឋានជាជំហានដំបូងតាមស្លាកស្នាមលើខ្លួនជនរងគ្រោះនោះថា ជាករណីករណីបំពានសេពសន្ថវៈ រួចផ្តាច់ជីវិត ៕
ចែករំលែកព័តមាននេះ