ខេត្តបន្ទាយមានជ័យ ៖ តាមប្រភពព័ត៌មានពីប្រទេសថៃបានឲ្យដឹងថា ពលករខ្មែរ, ថៃនិងភូមាជាច្រើននាក់បានរងរបួសធ្ងន់ស្រាលក្នុងហេតុការណ៍បាក់ស្ពានអាកាសដ៏ធំមួយ នៅខេត្តណាខនរាជសីម៉ា កាលពីរសៀលថ្ងៃទី២៣ មករា ឆ្នាំ២០២១។
តាមប្រភពខាងលើបានឱ្យដឹងបន្តថា ក្នុងហេតុការណ៍នោះដែរមានពលករខ្មែរយ៉ាងតិច៧នាក់ ភូមាម្នាក់ និងថៃម្នាក់រងរបួសធ្ងន់ស្រាល ដោយអ្នកខ្លះបាក់ដៃ អ្នកខ្លះបាក់ជើងនិងរបួសក្បាល ។
ការបាក់ស្ពានអាកាសដែលកំពុងសាងសង់ខាងលើនេះ គេមិនទាន់ដឹងពីមូលហេតុនៅឡើយទេ ហើយពេលនេះមន្ត្រីជំនាញពាក់ព័ន្ធរបស់ថៃកំពុងចុះស្រាវជ្រាវរកមូលហេតុថាតើបណ្តាលមកពីសំណង់មិនរឹងមាំ ឬជាកំហុសរបស់វិស្វករ។
ជុំវិញប្រភពព័ត៍មានខាងលើនេះដែរ កោះសន្តិភាពមិនទាន់អាចសុំការអត្ថាធិប្បាយពីមន្ត្រីស្ថានទូតកម្ពុជាប្រចាំក្រុងបាងកកបាននៅឡើយទេ ព្រោះមិនស្គាល់លេខទូរស័ព្ទ៕
![](https://kohsantepheapdaily.com.kh/wp-content/images/2021/01/6f4922f45568161a8cdf4ad2299f6d23-33.jpg)
![](https://kohsantepheapdaily.com.kh/wp-content/images/2021/01/70efdf2ec9b086079795c442636b55fb-35.jpg)
![](https://kohsantepheapdaily.com.kh/wp-content/images/2021/01/c74d97b01eae257e44aa9d5bade97baf-36.jpg)
ចែករំលែកព័តមាននេះ