ទោះចាក់វ៉ាក់សាំងរួចក៏អ្នកដំណើរមកពីក្រៅប្រទេសត្រូវធ្វើចត្តា ឡីស័ក – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ទោះចាក់វ៉ាក់សាំងរួចក៏អ្នកដំណើរមកពីក្រៅប្រទេសត្រូវធ្វើចត្តា ឡីស័ក

4 ខែ មុន
  • Phnom Penh

រាជធានី​ភ្នំពេញ ៖ លោកស្រី ឱ វណ្ណ​ឌី​ន រដ្ឋលេខាធិការ​ និង​ជា​អ្នកនាំពាក្យ​ក្រសួងសុខាភិបាល​បាន​មាន​ប្រសាសន៍​ថា រាល់​អ្នកដំណើរ​ពី​ក្រៅប្រទេស​ទាំងអស់ បើ​ទោះបីជា​បាន​ចាក់​វ៉ាក់សាំង​ប្រឆាំង​កវី​ដ១៩ រួចរាល់​ហើយ…

រាជធានី​ភ្នំពេញ ៖ លោកស្រី ឱ វណ្ណ​ឌី​ន រដ្ឋលេខាធិការ​ និង​ជា​អ្នកនាំពាក្យ​ក្រសួងសុខាភិបាល​បាន​មាន​ប្រសាសន៍​ថា រាល់​អ្នកដំណើរ​ពី​ក្រៅប្រទេស​ទាំងអស់ បើ​ទោះបីជា​បាន​ចាក់​វ៉ាក់សាំង​ប្រឆាំង​កវី​ដ១៩ រួចរាល់​ហើយ ​ក៏​ដោយ ក៏​ត្រូវ​ឲ្យ​អនុវត្ត​វិធានការ​សុខាភិបាល ​និង​ការ​ធ្វើ​ច​ត្តា​ឡី​ស័ក​ឲ្យ​បាន​ត្រឹមត្រូវ​ដដែល ។

Picture

ឆ្លើយ​តប​នឹង​សំណួរ​របស់​សារព័ត៌មាន​កោះសន្តិភាព ថា តើជនជាតិ​ខ្មែរ និង​ជនបរទេស ដែល​បាន​ចាក់​វ៉ាក់សាំង​កូ​វី​ដ ១៩ បាន​ចំនួន ២ ដង​រួចរាល់​ហើយ ដោយ​មាន​លិខិតបញ្ជាក់​ត្រឹមត្រូវ​ថា បាន​ចាក់​វ៉ាក់សាំង​ពិតប្រាកដ​មែន និង​ធ្វើ​ដំណើរ​មក​កម្ពុជា ។ តើ​ពួក​គាត់​នឹង​ត្រូវ​តម្រូវ​ឲ្យ​ធ្វើ​ច​ត្តា​ឡី​ស័ក​រយៈពេល ១៤ ថ្ងៃ​ដដែល ពេល​ធ្វើ​ដំណើរ​មក​ដល់​កម្ពុជា ឬ​យ៉ាងណា ?

Picture

លោកស្រី ឱ វណ្ណ​ឌី​ន បាន​បញ្ជាក់​ប្រាប់​ថា «​អ្នក​ដែល​បាន​ចាក់​វ៉ាក់សាំង​រួច ក៏​ចាំបាច់​ត្រូវ​បន្ត​អនុវត្ត​វិធានការ​សុខាភិបាល​ឲ្យ​បាន​ខ្ជាប់ខ្ជួន​ដែរ រួម​ទាំង​ការ​ធ្វើ​ច​ត្តា​ឡី​ស័ក​ផង​ដែរ ប្រសិនបើ​ចូល​មក​កម្ពុជា » ។

សូម​បញ្ជាក់​ផង​ថា សម្រាប់​វ៉ាក់សាំង​ប្រឆាំង​ជំងឺ​កូ​វី​ដ​១៩ របស់​ក្រុមហ៊ុន​ស៊ី​ណូ​ហ្វា​ម ដែល​ជា​ជំនួយ​របស់​ប្រទេស​ចិន នឹង​មក​ដល់​កម្ពុ​ជានា​កំលុង​ខែកុម្ភៈ ឆ្នាំ​២០២១ ចំនួន ៣០​ម៉ឺន​ដូ​ស សម្រាប់​ដំណាក់កាល​ដំបូងនៃ​ជំនួយ​សរុប​១​លាន​ដូ​ស ៕