រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា នឹងធ្វើការអភិវឌ្ឍភាគខាងត្បូង រាជធានីភ្នំពេញឲ្យក្លាយជាទីក្រុងមួយថ្មីទៀត ទោះបីជាមានការរិះគន់ពីមតិមួយចំនួនក៏ដោយ។ ថ្លែងក្នុងពិធីសម្ពោធ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា នឹងធ្វើការអភិវឌ្ឍភាគខាងត្បូង រាជធានីភ្នំពេញឲ្យក្លាយជាទីក្រុងមួយថ្មីទៀត ទោះបីជាមានការរិះគន់ពីមតិមួយចំនួនក៏ដោយ។
ថ្លែងក្នុងពិធីសម្ពោធ សមិទ្ធផលថ្មីរបស់ក្រសួងសាធារណការ និងដឹកជញ្ជូន រួមមានអគារទីស្តីការថ្មី និងវិទ្យាស្ថាន «តេជោសែន សាធារណការ និងដឹកជញ្ជូន» នាព្រឹកថ្ងៃទី២២ ខែមករា ឆ្នាំ២០២១ ថា«គេថាអភិវឌ្ឍន៍ខាងត្បូងរាជធានីភ្នំពេញ ជាតំបន់ដីសើម អីញ្ចឹងចាំលោកមកដឹកនាំវាយកម្រេចអគារនឹងទៅ តែខ្ញុំមិនទុកទេ គឺធ្វើហើយ អាលូវភាគខាងត្បូងរាជធានីភ្នំពេញ ដែលផ្លូវ៦០ម៉ែត្រទៅជាទីក្រុងមួយថ្មីហើយ ។ ភាគត្បូងផ្លូវទៅផ្ទះខ្ញុំនឹងរីកហើយ» ។
សម្តេចក៏បានលើកឡើងថា មិនថាតែភាគីខាងត្បូងមានការអភិវឌ្ឍទេ គឺនៅភាគខាងលិចខាងកើត រួមទាំងតំបន់អរិយក្សក៏នឹងអភិវឌ្ឍន៍ឲ្យមានការរីកផងដែរ ។ សម្តេចបញ្ជាក់ថា៖«តើភ្នំពេញមានដីប៉ុន្មានពិតប្រាកដ សូម្បីតែអតីតព្រះគោរណា ព្រះអង្គកសាងវិមានឯករាជ្យក៏មានទឹកដែរ ។ ផ្ទះខ្ញុំនៅក្បែរនឹងពេលខូងឃើញស្មាច់ ដែលគេបុកជំនាន់មុន ។
អីញ្ចឹងទេគេជេរចុះឡើង តែអត់ទេ គឺយើងធ្វើនៅតែធ្វើ ។ ខ្ញុំនៅតែនិយាយដដែល មានតែអ្នកឈ្នះប៉ុណ្ណោះដែលមានសិទ្ធិសរសេរប្រវត្តិសាស្ត្រ យើងធ្វើនោះមិនមែន ប្រើអំណាចខុសនោះទេ ។ សម្តេចក៏បានលើកឡើងថា ការរីកចម្រើនរបស់អ្វីៗទាំងអស់ គឺជាការរីកចម្រើនប្រទេសជាតិទាំងអស់គ្នា ៕
ចែករំលែកព័តមាននេះ