ឃាត់ខ្លួនជនសង្ស័យម្នាក់ និងគ្រឿងញៀ.នជាង ៣គីឡូក្រាម នៅរាជធានីភ្នំពេញ
រាជធានីភ្នំពេញ ៖ កម្លាំងជំនាញ នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកនាយករង វ័រ វុទ្ធ និងមានការសម្របសម្រួលដោយលោក ស៊ិត វណ្ណ:…
រាជធានីភ្នំពេញ ៖ កម្លាំងជំនាញ នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកនាយករង វ័រ វុទ្ធ និងមានការសម្របសម្រួលដោយលោក ស៊ិត វណ្ណ: ព្រះរាជអាជ្ញារងអមសាលាដំបូងរាជធានីភ្នំពេញ បានស្រាវជ្រាវ និងបង្ក្រាបករណីរក្សាទុក ជួញដូរគ្រឿងញៀនដោយខុសច្បាប់ កាលវេលាម៉ោង១៤និង៣៥នាទីថ្ងៃទី២២ ខែ វិច្ឆិកា ឆ្នាំ២០២០ ស្ថិតនៅចំណុចបន្ទប់ជួល ផ្លូវលំ ភូមិព្រៃព្រីងខាងជើង សង្កាត់ចោមចៅខណ្ឌពោធិ៍សែនជ័យ រាជធានីភ្នំពេញ ។
ការបង្ក្រាបករណីជួញដូរគ្រឿងញៀនខាងលើនេះ ដោយអនុវត្តតាមបញ្ជារបស់លោកនាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងនាយឧត្ដមសេនីយ៍ ម៉ក់ ជីតូ អគ្គស្នងការរង ទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំដោយឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿងញៀន ។
ជាលទ្ធផល កម្លាំងជំនាញឃាត់ខ្លួនជនសង្ស័យម្នាក់ មានឈ្មោះ អ៊ុល ភារៈ ភេទប្រុស អាយុ២៥ឆ្នាំ ជនជាតិខ្មែរ មុខរបរ មិនពិតប្រាកដ និងដកហូតបានវត្ថុតាងមាន សារធាតុញៀន ប្រភេទមេតំហ្វេតាមីន (ICE) ទម្ងន់សុទ្ធ ៣២៩៨.៥៤ ក្រាម (ជាង០៣គីឡូក្រាម) ៕
ចែករំលែកព័តមាននេះ