រាជធានីភ្នំពេញ ៖ បន្ទាប់ពីទទួលបានអំណោយសប្បុរសធម៌របស់តំណាងស្ថានទូតកូរ៉េខាងត្បូងអំពីគ្រឿងសំភារៈបរិក្ខារសំរាប់ហ្វឹកហាត់ក្បាច់គុនតេក្វាន់ដូ ជាបន្តបន្ទាប់រួចមក ទីបញ្ជាការអាវុធហត្ថបានចាប់ផ្តើមបង្ហាត់បង្រៀនក្បាច់គុនតេក្វាន់ដូដល់កងកម្លាំង
រាជធានីភ្នំពេញ ៖ បន្ទាប់ពីទទួលបានអំណោយសប្បុរសធម៌របស់តំណាងស្ថានទូតកូរ៉េខាងត្បូងអំពីគ្រឿងសំភារបរិក្ខារសំរាប់ហ្វឹកហាត់ក្បាច់គុនតេក្វាន់ដូ ជាបន្តបន្ទាប់រួចមក ទីបញ្ជាការអាវុធហត្ថបានចាប់ផ្តើមបង្ហាត់បង្រៀនក្បាច់គុនតេក្វាន់ដូដល់កងកម្លាំងអាវុធហត្ថរាជធានីភ្នំពេញទាំងអស់បន្ថែមលើការហ្វឹកហាត់ជំនាញផ្សេងៗជាប្រចាំថ្ងៃ។
អំណោយសប្បុរសធម៌របស់តំណាងទូតកូរ៉េខាងត្បូងនេះបានធ្វើឡើងចំនួន២លើកហើយ គឺនៅល្ងាចថ្ងៃទី២៣ មិថុនា និងព្រឹកថ្ងៃទី២៣ ធ្នូ ២០១៤ នៅទីបញ្ជាការដ្ឋានកងរាជអាវុធហត្ថរាជធានីភ្នំពេញតែម្តង ដែលមានវត្តមានតំណាងស្ថានទូតកូរ៉េខាងត្បូង និងលោកឧត្តមសេនីយ៍ទោ រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការអាវុធហត្ថរាជធានី ព្រមទាំងវត្តមានមេបញ្ជាការរង នាយរងសេនាធិការអាវុធហត្ថចូលរួមក្នុងពិធីនោះដែរ ។
តាមការបញ្ជាក់ពីលោកឧត្តមសេនីយ៍ រ័ត្ន ស្រ៊ាង បានឲដឹងថា Kim Hye Won តំណាងស្ថានទូតកូរ៉េខាងត្បូងបានផ្តល់អំណោយជាសម្ភារហ្វឹកហាត់ ដែលបានផ្តល់ជូនអាវុធហត្ថរាជធានីភ្នំពេញនាពេលកន្លងមកជាច្រើន ហើយពេលនេះនឹងមានសម្ភារជាច្រើនទៀតដូចជា តាពី (Mat ) ១០០ម៉ែត្រការ៉េ សម្លៀកបំពាក់ហ្វឹកហាត់១០០កំផ្លេ ថាហ្គិត ២០កំផ្លេ និងសម្ភារៈហ្វឹកហាត់តេក្វាន់ដូមួយចំនួនទៀត៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ