រាជធានីភ្នំពេញ ៖ ស្ត្រីម្នាក់ខឹងប្តីពូកែប្រចណ្ឌ និងរករឿងចោទថា គាត់មានសហាយបានជិះម៉ូតូឌុបទៅលោតទឹកលើស្ពានជ្រោយចង្វារចាស់តែត្រូវបានអ្នកធ្វើដំណើរប្រទះឃើញជួយឃាត់ទាន់ពេលវេលា កាលពីវេលាម៉ោង7និង30នាទីយប់ ថ្ងៃទី18 ខែកុម្ភៈ ឆ្នាំ2020 តាមបណ្តោយផ្លូវជាតិលេខ៦…
រាជធានីភ្នំពេញ ៖ ស្ត្រីម្នាក់ខឹងប្តីពូកែប្រចណ្ឌ និងរករឿងចោទថា គាត់មានសហាយបានជិះម៉ូតូឌុបទៅលោតទឹកលើស្ពានជ្រោយចង្វារចាស់តែត្រូវបានអ្នកធ្វើដំណើរប្រទះឃើញជួយឃាត់ទាន់ពេលវេលា កាលពីវេលាម៉ោង7និង30នាទីយប់ ថ្ងៃទី18 ខែកុម្ភៈ ឆ្នាំ2020 តាមបណ្តោយផ្លូវជាតិលេខ៦ នៅចំណុចលើស្ពានជ្រោយចង្វារចាស់ ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
ស្ត្រីដែលប៉ុនប៉ងលោតទឹកសម្លាប់ខ្លួនមិនបានប្រាប់ឈ្មោះទេ អាយុ៣០ឆ្នាំ អតីតជាមេការខារ៉ាអូខេ នៅសំណង់១២ សង្កាត់ទឹកល្អក់៣ ខណ្ឌទួលគោក មានស្រុកកំណើតនៅខេត្តកណ្តាល បានស្រឡាញ់គ្នាជាមួយបុរសម្នាក់អាយុ២៧ឆ្នាំ ជាជាងជួសជុលរថយន្តរយៈពេលជាង១ឆ្នាំ ហើយបានរស់នៅជាមួយគ្នាជាប្តីប្រពន្ធដោយមិនបានរៀបការទេ និងមិន ទាន់មានកូនទេ តែបុរសជាប្តីតែងតែប្រចណ្ឌ និងរករឿងគាត់ចោទប្រកាន់ថា លួចទាក់ទងប្រុសថ្មីធ្វើឲ្យគាត់តូចចិត្តខ្លួនឯងទើបសម្រេចចិត្តជិះម៉ូតូឌុបមកពីម្តុំពោធិ៍ចិនតុងគោលបំណងទៅម្តុំសំណង់12ឱ្យគេជួយ ។
ប៉ុន្តែដោយសារតែខ្លួនគាត់ធ្វើឱ្យបងប្អូនខ្មាស់គេទើបបងប្អូនគេខឹងអត់រវល់ជាមួយក៏ជិះម៉ូតូឌុបទៅលើស្ពានជ្រោយចង្វារចាស់រួចឱ្យម៉ូតូឌុបឈប់ចុះទៅដើរផ្លោះទៅផ្លូវម្ខាងទៀតបម្រុងនឹងធ្វើសកម្មភាពលោតទឹកសម្លាប់ខ្លួនតែត្រូវបានបងប្អូនអ្នកធ្វើដំណើរជិះកាត់តាមបណ្តោយផ្លូវលើស្ពាននោះឃើញក៏នាំគ្នាឃាត់ហើយសួរនាំថា គាត់ឈ្មោះអី និងប្តីគាត់ឈ្មោះអីក៏អត់ប្រាប់ដែលគិតតែពីយំទើបផ្អើលទៅដល់សមត្ថកិច្ចប៉ុស្តិ៍ស្រះចកឃាត់យកចុះទៅរង្វង់មូលកួចកាណុងកន្លែងគោលដៅចរាចរណ៍ដើម្បីសួរនាំទើបប្រាប់ថា មកពីគាត់ខឹងប្តីគាត់រករឿងនឹងប្រចណ្ឌពេក ។ ក្រោយពេលកើតហេតុខាងលើនេះសមត្ថកិច្ចប៉ុស្តិ៍ស្រះចកសុខចិត្តហៅម៉ូតូកង់បីឥណ្ឌាឱ្យឌុបជនរងគ្រោះត្រឡប់ទៅផ្ទះវិញ ៕
កែសម្រួលដោយ ៖ សំណាង
ចែករំលែកព័តមាននេះ