កូន​សត្វ​ខ្លាឃ្មុំ​តូច​១​ក្បាល ​ត្រូវ​ប្រគល់​ឱ្យ​ក្រុមការងារ​អនុវត្ត​ច្បាប់​ចល័ត (វីដេអូ​)


ខេត្តមណ្ឌលគិរី ៖ បើ​តាម​មន្ត្រី​មន្ទីរ​បរិស្ថាន​ខេត្ត បាន​ឲ្យ​ដឹង​ថា កាលពី​ល្ងាច​ថ្ងៃ​ទី​១៧ ខែកុម្ភៈ ឆ្នាំ​២០២០ ក្រុមការងារ​អនុវត្ត​ច្បាប់​ចល័ត បាន​ទទួល​កូន​សត្វ​ខ្លាឃ្មុំ​តូច​ចំនួន​១​ក្បាល ពី​អង្គការ​ការ​ពារ​សត្វព្រៃ​អូរ​តាំង​ឡាំង ដែល​ប្រជាពលរដ្ឋ​រស់នៅ​ភូមិ​មេ​ម៉​ង់ ឃុំ​មេ​ម៉​ង់ ស្រុក​កែវ​សីមា យក​ទៅ​ប្រគល់​ឲ្យ​អង្គការ​នេះ ក្នុង​បំណង​បន្ត​ការពារ និង​អភិរក្ស​។

បើ​តាម​ការ​បញ្ជាក់​ពី​មន្ទីរ​បរិស្ថាន​កូន​សត្វ​ខ្លាឃ្មុំ​នេះ​ប្រគល់​ឲ្យ​អង្គការ សម្ព័ន្ធមិត្ត​សត្វព្រៃ ដើម្បី​បន្ត​ការ​ថែទាំ​។

គួរ​បញ្ជាក់​ថា តាម​សៀវភៅ​ថនិកសត្វ​កម្ពុជា​បាន​សរសេរ​ថា ខ្លាឃ្មុំ​តូច​អាច​រស់នៅ​តាម​ព្រៃស្រោង និង​ព្រៃ​ពាក់កណ្តាល​ស្រោង​។ ខ្លាឃ្មុំ​តូច​ជា​សត្វ​ពូកែ​ឡើងដើមឈើ ហើយ​វា​ក៏​មាន​លក្ខណៈ​ជីវសាស្ត្រ​ដូច​ខ្លាឃ្មុំ​ធំ ទាំង​ការ​បន្ត​ពូជ និង​ការ​រក​ចំណី​ផង​ដែរ​។

ចំណែកឯ​ប្រភេទ​ចំណីអាហារ​របស់​វា​មាន​ដូច​ជា សត្វល្អិត ផ្លែ​ឈើ រុក្ខជាតិ ឃ្មុំ ព្រួត ម្រោម និង​ពពួកសត្វ​កកេរ ព្រមទាំង​សត្វ​ស្លាប​ដូច​ជា​មាន់ព្រៃ​ជាដើម​។ រីឯ​ក្រ​ញ៉ាំ​ជើង​មុខ​ទាំង​ពីរ​របស់​វា អាច​កាយ​ដំបូក​កណ្តៀរ​រហូត​ដល់​ជម្រៅ​លិចខ្លួន​បាត់​។

ហើយ​ជា​ទូទៅ​ខ្លាឃ្មុំ​តូច ញី​បង្កើតកូន​ម្តង​បាន​ពី ១-២​ក្បាល​ក្នុង​មួយ​ឆ្នាំ ហើយ​កូន​រស់នៅ​ជាមួយ​មេ​រហូត​ដល់​ពេញវ័យ​។ ភិនភាគ​របស់​ខ្លាឃ្មុំ​តូច វា​ជា​ប្រភេទ​ខ្លាឃ្មុំ​ដែល​មាន​មាឌតូច​ជាងគេ​នៅ​លើ​ពិភពលោក ដែល​មាន​ទម្ងន់​ពី ២៧-៦៥​គ​.​ក​។ រីឯ​ដងខ្លួន​របស់​វា​គ្របដណ្តប់​ទៅ​ដោយ​រោម​ខ្លី​ក្រាស់​ពណ៌​ខ្មៅ​រលោង លើកលែងតែ​ផ្ទៃមុខ​មាន​រោម​ពណ៌​ស និង​ឆ្នូត​ពណ៌ លឿងខ្ចី​រាង​អក្សរ U នៅ​ខាងក្រោម​ក ត្រចៀក​មូល​ខ្លី ហើយ​មាន​ដានជើង​ប្រហាក់ប្រហែល​ទៅ​នឹង​មនុស្ស​ដែរ​៕ (​កែ​សម្រួល​ដោយ ៖ បុប្ផា​)

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ