ហុងកុង៖តាមប្រភពព័ត៌មាន Bangkok Post បានឱ្យដឹងថា អ្នកគ្រប់គ្រងអាកាសចរណ៍របស់ហុងកុង បានហាមឃាត់ការហោះហើររវាងទីក្រុង និងកូឡាឡាំពួ រយៈពេលពីរសប្តាហ៍ បន្ទាប់ពីអ្នកដំណើរ៥នាក់ដែលធ្វើដំណើរតាមជើងហោះហើរ Cathay…
ហុងកុង៖តាមប្រភពព័ត៌មាន Bangkok Post បានឱ្យដឹងថា អ្នកគ្រប់គ្រងអាកាសចរណ៍របស់ហុងកុង បានហាមឃាត់ការហោះហើររវាងទីក្រុង និងកូឡាឡាំពួ រយៈពេលពីរសប្តាហ៍ បន្ទាប់ពីអ្នកដំណើរ៥នាក់ដែលធ្វើដំណើរតាមជើងហោះហើរ Cathay Dragon ពីប្រទេសឥណ្ឌា និង ប្តូរជើងយន្តហោះនៅកូឡាឡាំពួ ហើយបន្តមកហុងកុង មានកើតជម្ងឹកូវីដ។
ការសម្រេចនេះបានធ្វើឡើងមួយខែ បន្ទាប់ពីក្រុមហ៊ុន Air India ត្រូវបានគេបិទសម្រាប់ពលរដ្ឋឥណ្ឌារាប់ពាន់នាក់ដែលនៅតែព្យាយាមវិលត្រឡប់ទៅហុងកុងវិញ បន្ទាប់ពីបានជាប់គាំងនៅឯបរទេសអស់រយៈពេលជាច្រើនខែ។
ប្រទេសឥណ្ឌាមានករណីកូវីដ ច្រើនជាងគេទី២ នៅលើពិភពលោក បន្ទាប់ពីសហរដ្ឋអាមេរិកដែលមានចំនួន ៥.៣លាននាក់ និងកំពុងកើនឡើង។ ជាសរុប ៣០.៥ លានករណី និង ស្លាប់ ៩៥៣,០០០នាក់ ត្រូវបានរាយការណ៍ទូទាំងពិភពលោកគិតត្រឹមថ្ងៃអាទិត្យ។
អ្នកនាំពាក្យរបស់ក្រុមហ៊ុន Cathay Dragon បាននិយាយថា៖ «គេបានជូនដំណឹងនៅយប់ថ្ងៃសៅរ៍ពីការបិទជើងហោះហើរនេះ ដោយអាជ្ញាធរសុខាភិបាលហុងកុងថា អ្នកដំណើរចំនួន ៥នាក់ដែលជិះយន្តហោះ KA734 ពីទីក្រុងកូឡាឡាំពួកាលពីថ្ងៃសុក្រសប្តាហ៍មុន មានផ្ទុកវីរុសនេះ»។
ក្រុមហ៊ុនអាកាសចរណ៍បាននិយាយថា អ្នកដំណើរដែលរងផលប៉ះពាល់នឹងត្រូវបានសងប្រាក់វិញឬផ្តល់ជូនការរៀបចំដំណើរកម្សាន្តផ្សេងទៀត។ រីឯយន្តហោះដែលមានផ្ទុកអ្នកជំងឹកូវីដនោះ នឹងត្រូវគេសម្អាតល្អិតល្អន់ ហើយនឹងកំពុងតែធ្វើការស្រាវជ្រាវពីអ្នកដែលមានប៉ះពាល់ក្នុងហេតុការណ៍នេះ៕
ចែករំលែកព័តមាននេះ