វេជ្ជបណ្ឌិតថា លោក Trump គ្មានគ្រុនក្តៅទេ ហើយអាការៈក៏ល្អប្រសើរដែរ
អាមេរិក ៖ តាមប្រភពព័ត៌មាន Reuters បានឱ្យដឹងថា វេជ្ជបណ្ឌិតនៅសេតវិមាន លោក Sean Conley បាននិយាយនៅថ្ងៃសៅរ៍ថា…
អាមេរិក ៖ តាមប្រភពព័ត៌មាន Reuters បានឱ្យដឹងថា វេជ្ជបណ្ឌិតនៅសេតវិមាន លោក Sean Conley បាននិយាយនៅថ្ងៃសៅរ៍ថា លោកប្រធានាធិបតីអាមេរិក Donald Trump កំពុងតែមានអាការៈល្អប្រសើរ ហើយមិនមានគ្រុនក្តៅទេ ក្នុងរយៈពេល ២៤ ម៉ោងចុងក្រោយ បន្ទាប់ពីរកឃើញថាមានផ្ទុកជំងឺកូវីដ១៩ កាលពីថ្ងៃសុក្រ។
លោកវេជ្ជបណ្ឌិត Conley បានមានប្រសាសន៍ថា៖ «ក្រុមការងារនិងខ្ញុំបាទផ្ទាល់ ពិតជារីករាយណាស់ជាមួយនឹងអាការៈល្អប្រសើររបស់លោកប្រធានាធិបតី»។
លោក Conley រួមជាមួយក្រុមគ្រូពេទ្យដទៃទៀត ដែលកំពុងព្យាបាលប្រធានាធិបតីនៅមជ្ឈមណ្ឌលវេជ្ជសាស្ត្រយោធាជាតិ Walter Reed បានថ្លែងនៅក្នុងសន្និសីទខ្លីមួយនៅមុខមន្ទីរពេទ្យ។
បុគ្គលិកពេទ្យរបស់លោកប្រធានាធិបតី Trump បាននិយាយថា លោកប្រធានាធិបតីមិនមានប្រើប្រាស់អុកស៊ីសែន ឬ ប្រើថ្នាំ Hydroxychloroquine ទេ។ លោក Conley បាននិយាយថា លោក Trump បានចាប់ផ្តើមព្យាបាលជាមួយថ្នាំ Remdesivir ដែលត្រូវបានគេស្គាល់ថា ជួយឱ្យអ្នកជម្ងឺបានធូរស្បើយពីជំងឺកូវីដ៕ ដកស្រង់ចេញពីវេបសាយ ៖ reuters
ចែករំលែកព័តមាននេះ