អាល្លឺម៉ង់ ៖ អធិការបតីអាល្លឺម៉ង់ លោកស្រី Angela Merkel បានប្រកាសនៅក្នុងសន្និសីទសារព័ត៌មានមួយនៅថ្ងៃពុធនេះថា ប្រទេសអាឡឺម៉ង់នឹងអូសបន្លាយការចាក់សោរដោយផ្នែកនៅទូទាំងប្រទេសរបស់ខ្លួន យ៉ាងហោចណាស់រហូតដល់ថ្ងៃទី២០ ខែធ្នូ ឬ អាចដល់ខែមករាដោយរក្សាការទប់ស្កាត់ដែលមានស្រាប់ជាមធ្យោបាយមួយ ដើម្បីបន្ថយការរីករាលដាលនៃមេរោគឆ្លង។

លោកស្រី Merkel មានប្រសាសន៍ថា «ចំនួនអ្នកឆ្លងជម្ងឺនៅតែស្ថិតក្នុងកម្រិតមួយដែលខ្ពស់ពេក» ។

ការចាក់សោរដោយផ្នែកនៅទូទាំងប្រទេស មានន័យថារដ្ឋាភិបាលអាល្លឺម៉ង់តម្រូវឱ្យបិទភោជនីយដ្ឋាននិងរង្គសាល ដើម្បីចៀសវាងការធ្វើដំណើរឱ្យនៅកម្រិតអប្បបរមា និងកំណត់មិនឱ្យមានការជួបជុំជាសាធារណៈទ្រង់ទ្រាយធំ។ សាលារៀននិងហាងនានានៅតែបើកដំណើរការ។

លោកស្រី Merkel បាននិយាយថា «ទោះបីមានការពន្យារពេលក៏ដោយ ការរំពឹងទុកត្រូវបានគេរំពឹងថា នឹងបន្ធូរបន្ថយចាប់ពីថ្ងៃទី២៣ ខែធ្នូ ដល់ថ្ងៃទី១ ខែមករា​ ដោយមានក្រុមគ្រួសារឬមិត្តភាពជិតស្និទ្ធបំផុត ដែលត្រូវបានអនុញ្ញាតឱ្យជួបគ្នាជាក្រុមដែលមានគ្នារហូតដល់ ១០នាក់ដោយមិនរាប់បញ្ចូលកុមារ» ។

លោកស្រីបានប្រកាសផងដែរថា ការពាក់ម៉ាស់នៅពេលនេះគឺចាំបាច់នៅក្នុងតំបន់ដែលមានចរាចរណ៍ខ្ពស់និងក្នុងចំនោមអ្នកធ្វើដំណើរក្នុងក្រុង។

ទីភ្នាក់ងារ Robert Koch (RKI) ដែលជាភ្នាក់ងារនិងគ្រប់គ្រងជម្ងឺរបស់ប្រទេសអាល្លឺម៉ង់ បាននិយាយនៅថ្ងៃពុធនេះថា ការប្រកាសទាំងនេះធ្វើឡើងបន្ទាប់ពីប្រទេសអាល្លឺម៉ង់បានកត់ត្រាការស្លាប់ចំនួន ៤១០នាក់ ដែលទាក់ទងនឹងកូវីដ ក្នុងរយៈពេល ២៤ម៉ោងកន្លងមក៕