រាជធានីភ្នំពេញ ៖ ស្ងាត់ៗស្រាប់តែតារាសម្តែង និងជាតារាម៉ូដែលល្បីឈ្មោះមួយដួង គឺកញ្ញា សូដា នីតា បានលាតត្រដាងនូវរឿងរ៉ាវមួយដែលធ្វើឲ្យរូបនាងត្រូវខាតបង់ប្រាក់អស់សន្ធឹកក្នុងឆ្នាំ២០២០នេះ ហើយចំនួនទឹកប្រាក់នេះ គឺច្រើនខ្លាំងដែលរូបនាងមិនធ្លាប់ពើបប្រទះនូវការខាតបង់ធ្ងន់ធ្ងរបែបនេះពីមុនមកទេ…
រាជធានីភ្នំពេញ ៖ ស្ងាត់ៗស្រាប់តែតារាសម្តែង និងជាតារាម៉ូដែលល្បីឈ្មោះមួយដួង គឺកញ្ញា សូដា នីតា បានលាតត្រដាងនូវរឿងរ៉ាវមួយដែលធ្វើឲ្យរូបនាងត្រូវខាតបង់ប្រាក់អស់សន្ធឹកក្នុងឆ្នាំ២០២០នេះ ហើយចំនួនទឹកប្រាក់នេះ គឺច្រើនខ្លាំងដែលរូបនាងមិនធ្លាប់ពើបប្រទះនូវការខាតបង់ធ្ងន់ធ្ងរបែបនេះពីមុនមកទេ ។
ក្រោយពីតារាសម្តែងស្រី សូដា នីតា ទម្លាយចេញនូវរឿងរ៉ាវនៃការបាត់បង់លុយយ៉ាងច្រើនសន្ធឹកនេះ ក៏មានអ្នកគាំទ្រជាច្រើនចាប់អារម្មណ៍យ៉ាងខ្លាំង ព្រោះកន្លងមកស្រីស្រស់រូបនេះកម្រនឹងត្អូញត្អែររឿងលុយកាក់ខ្លាំងណាស់ តែលើកនេះស្រីស្អាតដែលមានសាច់សខ្ចី និងមានរូបរាងស្លីមខ្ពស់ស្រឡះបានត្អូញត្អែរពីការចំណាយអស់ប្រាក់ជាច្រើននៅក្នុងឆ្នាំ២០២០នេះ ដែលឆ្នាំនេះ គឺមានអាជីវកម្មធំៗ នៅកម្ពុជាក៏ដូចជាពិភពលោកជាច្រើនបានច្រើនត្រូវខាតបង់ និងមនុស្សជាច្រើនក៏បានបាត់បង់ការងារធ្វើដោយសារតែការវាយប្រហារនៃជំងឺរាតត្បាតកូវីដ១៩ ។
ជាក់ស្តែង កញ្ញា សូដា នីតា ដែលកន្លងមកមានគម្រោងបើកហាងរបស់នាងនៅចុងឆ្នាំនេះក៏ត្រូវបង្ខំចិត្ត ពន្យារពេលដោយសារតែស្ថានភាពកូវីដ១៩ មិនទាន់ធូរស្បើយ ហើយហាក់មានសភាពធ្ងន់ធ្ងរផងដែរ ក្រោយពីកម្ពុជាបានរកឃើញនូវករណីឆ្លងចូលសហគមន៍ជាលើកដំបូង ដែលគិតមកដល់ព្រឹកថ្ងៃទី០៤ ខែធ្នូនេះ គឺរកឃើញអ្នកកើតកូវីដ ១៩ ឡើងដល់២៣ រូបសម្រាប់ព្រឹត្តិការណ៍ឆ្លងក្នុងសហគមន៍២៨ វិច្ឆិកា ឆ្នាំ ២០២០ ។
បន្ថែមពីលើការមិនអាចបើកហាងតាមគម្រោងហើយនោះ តារាសម្តែងស្រី កញ្ញា សូដា នីតា ក៏បានបង្ហើបឲ្យដឹងផងដែរថា កញ្ញាបានការខាតបង់ចំណាយប្រាក់ជិត ២០ម៉ឺនដុល្លារអាមេរិក ដោយសារតែគ្មានចំណូលជិត១ឆ្នាំ ២០២០នេះ ។ ស្រីស្រស់ សូដា នីតា បានពោលត្អូញត្អែរយ៉ាងដូច្នេះថា «ដោយសារតែឯង លោកកូវីដចង្រៃ ខ្ញុំខាតបង់ការងាររកស៊ី កប់លុយគាំងគ្រប់កន្លែងទាំងត្រៀមបើកហាងថ្មី ទាំងចំណាយ គ្មានចំណូល១ឆ្នាំនេះជិត២០ម៉ឺនដុល្លារ បើឯងនៅទៀតងាប់គេអស់ហើយ អ្នកណាខ្លះខាតបង់ដូចខ្ញុំជួបប្រាប់ផង?» ។
យ៉ាងណាមិញ បើទោះជាខាតបង់អស់ប្រាក់ជាច្រើនក៏ដោយ ក៏មហាជនសង្កេតឃើញថា តារារូបនេះនៅតែប្រើប្រាស់ជីវិតរស់នៅធូរធារមិនធម្មតាដដែល ថែមទាំងបង្ហាញគម្រោងការងារជាបន្តបន្ទាប់ ជាពិសេសក្រោយពីនាងមានគូដណ្តឹងជាតារាសម្តែងរូបសង្ហាលោក យុទ្ធ ឋានៈ ចាំជួយគាំទ្រពីក្រោយនោះ ៕
ចែករំលែកព័តមាននេះ