ខេត្តឧត្តរមានជ័យ ៖ ជនជាតិអូស្ត្រាលីម្នាក់បានស្លា.ប់បាត់បង់ជីវិតនៅក្នុងមន្ទីរពេទ្យបង្អែកស្រុកអន្លង់វែង ស្ថិតនៅភូមិអូរចិញ្ជៀន ឃុំអន្លង់វែង ស្រុកអន្លង់វែង កាលពីវេលាម៉ោង៣ទៀបភ្លឺ ឈានចូលថ្ងៃទី២២ កក្កដា ២០១៥ ដោយសារមានជម្ងឺប្រចាំកាយ ។
ខេត្តឧត្តរមានជ័យ ៖ ជនជាតិអូស្ត្រាលីម្នាក់បានស្លាប់បាត់បង់ជីវិតនៅក្នុងមន្ទីរពេទ្យបង្អែកស្រុកអន្លង់វែង ស្ថិតនៅភូមិអូរចិញ្ជៀន ឃុំអន្លង់វែង ស្រុកអន្លង់វែង កាលពីវេលាម៉ោង៣ទៀបភ្លឺ ឈានចូលថ្ងៃទី២២ កក្កដា ២០១៥ ដោយសារមានជម្ងឺប្រចាំកាយ ។
ស្ត្រីម្នាក់ឈ្មោះ អួ សារ៉េន អាយុ៣២ឆ្នាំ ជនជាតិកម្ពុជា ត្រូវជាភរិយាសពបានអះអាងថា ប្តីរបស់នាងមានឈ្មោះ សេម សាវ៉ាតូរ៉េ អាយុ៥២ឆ្នាំ ជាជនជាតិអូស្ត្រាលី ទាំង២នាក់ប្តីប្រពន្ធស្នាក់នៅផ្ទះជួលក្នុងភូមិស្លែងព័រ ឃុំត្រពាំងតាវ ស្រុកអន្លងវែង ខេត្តឧត្តរមានជ័យ ។
ស្ត្រីដដែលបានបន្តថា ប្តីរបស់នាងមានជម្ងឺប្រចាំកាយ និងកើតជម្ងឺខ្សោយបេះដូងផង ។ មុនពេលកើតហេតុ ប្តីរបស់នាងបានប្រកាច់ រូបនាងបាននាំយកមកព្យាបាលនៅក្នុងមន្ទីរពេទ្យបង្អែកស្រុកអន្លង់វែង ហើយក្រុមគ្រូពេទ្យក៏បានធ្វើការសង្គ្រោះផងដែរ តែប្តីរបស់នាងនៅតែស្លាប់បាត់បង់ជីវិត ។
បន្ទាប់ពីប្តីរបស់នាងស្លាប់ រូបនាងមិនមានលុយសម្រាប់ធ្វើបុណ្យទេ គឺរូបនាងបាននាំសពប្តីរបស់នាងទៅវត្តជ័យទឹកជុំ ហៅវត្តអន្លង់វែង ហើយត្រូវបានព្រះសង្ឃព្រះនាម សោម សារ៉ន ជាព្រះចៅអធិកាវត្តបានជួយជាថវិកាផ្ទាល់ធ្វើម៉ុងបញ្ចុះសពនៅរសៀលនាថ្ងៃដដែលនោះ ៕
ចែករំលែកព័តមាននេះ