រាជធានីភ្នំពេញ ៖ កម្មករ២នាក់ក្រោយចេញពីធ្វើការដើរទៅរកទិញបាយហូបនៅខាងក្រៅរោងចក្រ ស្រាប់តែមានមនុស្សមួយក្រុមដែលគេដឹងថា អ្នកធ្វើកូដកម្មទាមទារលក្ខខណ្ឌការងារដែលដឹកនាំដោយសហព័ន្ធសហជីពចំនួន៥នាក់ ធ្វើសកម្មភាពព្រួតគ្នាចាប់ចងដៃចងជើងដូចជាសត្វធាតុ និងប្រើដែកបំពង់ទីបវាយធ្វើបាបឥតមេត្តា ហើយអ្នកទាំងនោះបានចោទថា ជនរងគ្រោះទាំង២នាក់ខាង
រាជធានីភ្នំពេញ ៖ កម្មករ២នាក់ក្រោយចេញពីធ្វើការដើរទៅរកទិញបាយហូបនៅខាងក្រៅរោងចក្រ ស្រាប់តែមានមនុស្សមួយក្រុមដែលគេដឹងថា អ្នកធ្វើកូដកម្មទាមទារលក្ខខណ្ឌការងារដែលដឹកនាំដោយសហព័ន្ធសហជីពចំនួន៥នាក់ ធ្វើសកម្មភាពព្រួតគ្នាចាប់ចងដៃចងជើងដូចជាសត្វធាតុ និងប្រើដែកបំពង់ទីបវាយធ្វើបាបឥតមេត្តា ហើយអ្នកទាំងនោះបានចោទថា ជនរងគ្រោះទាំង២នាក់ខាងលើ គឺជាក្រុមជើងកាងដែលត្រូវថៅកែជួលឱ្យទៅវាយកម្មករដែលកំពុងធ្វើការតវ៉ា ។
ហេតុការណ៍នេះបានបង្កការភ្ញាក់ផ្អើលកាលពីវេលាម៉ោង១០ និង៥០នាទីព្រឹកថ្ងៃទី១៦ ធ្នូ ២០១៣ ស្ថិតនៅខាងមុខរោងចក្រកាត់ដេរ អែភល អឺភើរ៉ើល ដែលមានទីតាំងស្ថិតនៅបណ្តោយផ្លូវអូរដឹមកប់ស្រូវស្ថិតក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
ប្រភពបានឱ្យដឹងថា ជនរងគ្រោះទាំង២នាក់មានឈ្មោះញ៉ ដារ៉ា អាយុជាង២០ឆ្នាំ ស្នាក់នៅផ្ទះជួលក្នុងភូមិកើតហេតុខាងលើ និងម្នាក់ទៀតឈ្មោះកែត រ៉ា អាយុជាង២០ឆ្នាំ ស្នាក់នៅផ្ទះជួលក្នុងភូមិជាមួយគ្នា ហើយពួកគេទាំង២នាក់បានរងរបួសយ៉ាងដំណំ ។ នៅភ្លាមៗនោះ កម្លាំងប៉ូលិសបានចុះទៅដល់បម្រុងនាំជនរងគ្រោះទៅសង្គ្រោះបន្ទាន់ ប៉ុន្តែខណៈនោះត្រូវក្រុមអ្នកវាយបានចោមរោមមិនព្រមឱ្យកម្លាំងប៉ូលិសនាំជនរងគ្រោះទៅកាន់មន្ទីរពេទ្យនោះទេ ។
ដោយពួកគេបាននិយាយថា ជនរងគ្រោះមានគ្នាដល់ទៅជាង១០នាក់ ដែលត្រូវបានថៅកែរោងចក្រជួលឱ្យទៅវាយកម្មករ កម្មការិនីដែលកំពុងធ្វើការតវ៉ាទាមទារលក្ខខណ្ឌការងារ ទើបពេលនោះបង្កឱ្យមានការប៉ះទង្គិចគ្នាកើតឡើង ហើយត្រូវបានក្រុមកម្មករវាយតបតវិញតែម្តង ។
ចំណែកខាងតំណាងរោងចក្រវិញបានបដិសេធទាំងស្រុងនិងបាននិយាយថា ជនរងគ្រោះគឺជាកម្មករស្លូតត្រង់ដែលពួកគេត្រូវបានថៅកែឱ្យនៅបង្ហើយការងារក្នុងរោងចក្រ ហើយដល់ម៉ោងហូបបាយ ពួកគេបានចេញទៅរកទិញបាយហូប ក៏ត្រូវក្រុមសហជីពដែលដឹកនាំដោយកម្មកររោងចក្រកាត់ដេរប៊ើរីព្រួតវាយ បណ្តាលឱ្យរបួសបែបនេះតែម្តង ។
ចែករំលែកព័តមាននេះ