ខេត្តកំពង់ឆ្នាំង ៖ បុរសពោះម៉ាយវ័យក្មេងម្នាក់បានចង.កធ្វើអត្តឃា.ត ក្រោយពីបានវាយកូនអាយុ២ឆ្នាំរួច និងតូចចិត្តមានជីវិតក្រីក្រ ដោយប្រពន្ធចុះចោល ដែលហេតុការណ៍នេះ បង្កឱ្យភ្ញាក់ផ្អើលកាលពីម៉ោង៧ និង៣០នាទីយប់ថ្ងៃទី០៣ កញ្ញា ២០១៥ ស្ថិតនៅក្នុងភូមិត្រពាំងចឹកសារ សង្កាត់កំពង់ឆ្នាំង ក្រុងកំពង់ឆ្នាំង ។
ខេត្តកំពង់ឆ្នាំង ៖ បុរសពោះម៉ាយវ័យក្មេងម្នាក់បានចង.កធ្វើអត្តឃាត ក្រោយពីបានវាយកូនអាយុ២ឆ្នាំរួច និងតូចចិត្តមានជីវិតក្រីក្រ ដោយប្រពន្ធចុះចោល ដែលហេតុការណ៍នេះ បង្កឱ្យភ្ញាក់ផ្អើលកាលពីម៉ោង៧ និង៣០នាទីយប់ថ្ងៃទី០៣ កញ្ញា ២០១៥ ស្ថិតនៅក្នុងភូមិត្រពាំងចឹកសារ សង្កាត់កំពង់ឆ្នាំង ក្រុងកំពង់ឆ្នាំង ។
ប្រភពបានឱ្យដឹងថា បុរសធ្វើអត្តឃាតឈ្មោះម៉េង សុខគា អាយុ២៧ឆ្នាំ ជាកម្មករសំណង់ (គ្មានផ្ទះសម្បែងទេ) ស្នាក់នៅផ្ទះម្តាយធំក្នុងភូមិកើតហេតុខាងលើ មានប្រពន្ធឈ្មោះដា បានចុះចោលជិត១ឆ្នាំមកហើយ មានកូន២នាក់ កូនស្រីបងអាយុ៤ឆ្នាំ (ម្តាយយកទៅជាមួយ) និងកូនប្រុសពៅអាយុ២ឆ្នាំ រស់នៅជាមួយក្នុងភាពក្រីក្រ និងបានអ្នកជិតខាងជួយចិញ្ចឹម ។
ប្រភពបន្តថា មុនពេលកើតហេតុ បុរសពោះម៉ាយរូបនេះបានផឹកស្រាថ្នាំជាមួយមិត្តភក្តិ៣នាក់ ក្នុងពេលព្រលប់ៗ ពេលនោះដែរកូនប្រុសតូចនោះឈឺបានអ្នកជិតខាងជួយកោសខ្យល់ឱ្យ ។ បន្ទាប់មកបុរសជាឪពុកបានទិញថ្នាំបញ្ច្រកកូន កូនយំក៏បានវាយកូនជ្រុលដៃបន្តិច បណ្តាលឱ្យបែកមាត់ចេញឈាម រួចបានយកលុយ២ម៉ឺនរៀលប្រគល់ឱ្យស្ត្រីរស់នៅជិតខាងម្នាក់ ដោយផ្តាំថា ជួយយកកូនខ្ញុំទៅព្យាបាលផង ហើយក៏ត្រឡប់មកផឹកជាមួយមិត្តភក្តិវិញ។
ក្នុងពេលផឹក បុរសរូបនេះបានផ្តែផ្តាំមិត្តភក្តិថា សូមជួយមើលកូនឱ្យគ្នាផងពេលអត់ពីគ្នាទៅ ហើយដោយសារតូចចិត្តវាយកូនជ្រុលដៃ រូបគេក៏បានយកកន្ត្រៃធំមួយមកចាក់កដៃខាងស្តាំរបស់ខ្លួនបង្ហូរឈាម ហើយពេលនោះមិត្តភក្តិ ក៏បានឃាត់ និងស្តីបន្ទោសឱ្យតិចតូច ។
បន្ទាប់មករូបគេ ក៏បានយំហើយរត់ឡើងចូលក្នុងខ្ទមដែលខ្លួនស្នាក់នៅហើយបិទទ្វារជិត ដោយបាត់យូរពេក មិត្តភក្តិគេក៏បានទៅរុញទ្វារហៅ ក៏ស្រាប់តែឃើញគេចង.ក និងខ្សែអង្រឹងជាប់ជាមួយមេដំបូលខ្ទម ។ ពេលនោះមិត្តភ័ក្រ និងអ្នកជិតខាងឆោឡោឡើង ហើយនាំគ្នាកាត់ខ្សែអង្រឹងទម្លាក់មកក្រោយ បំណងយកគេទៅសង្គ្រោះនៅមន្ទីរពេទ្យខេត្ត ប៉ុន្តែរូបគេបានស្លាប់បាត់ទៅហើយ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ