រាជធានីភ្នំពេញ ៖ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអនុញ្ញាតឱ្យក្រុមអ្នកស្រាវជ្រាវនៃកម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា…
រាជធានីភ្នំពេញ ៖ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានអនុញ្ញាតឱ្យក្រុមអ្នកស្រាវជ្រាវនៃកម្មវិធីអភិវឌ្ឍន៍សហប្រជាជាតិ (UNDP) ប្រចាំកម្ពុជា ដែលដឹកនាំដោយលោកបណ្ឌិត Ivan Gonzalez de Alba សេដ្ឋវិទូជាន់ខ្ពស់ នៃ UNDP ធ្វើបទបង្ហាញពីលទ្ធផលនៃការស្រាវជ្រាវចំនួនពីរ នារសៀលថ្ងៃទី ២៤ ខែកុម្ភៈ ឆ្នាំ ២០២៥ នៅធនាគារជាតិនៃកម្ពុជា អគារវត្តភ្នំ ។
ការស្រាវជ្រាវទាំងពីរនេះ រួមមាន ៖ ១. ដុល្លារូបនីយកម្ម និងផលប៉ះពាល់លើវិស័យកាត់ដេរ ផលិតផលស្បែកជើង ផលិតផលធ្វើដំណើរ និងកាបូបនៅកម្ពុជា និង ២. ការបង្កើនឱ្យដល់កម្រិតអតិបរមានៃលំហូរការផ្ទេរប្រាក់ពីប្រទេសថៃមកកម្ពុជា ៖ ឧបសគ្គ និងអនុសាសន៍ដើម្បីជំរុញការផ្ទេរប្រាក់តាមរយៈប្រព័ន្ធឌីជីថល ។
ក្រោយបទបង្ហាញ លោកជំទាវ ទេសាភិបាល បានផ្តល់ជាអនុសាសន៍បន្ថែម ដើម្បីឱ្យការសិក្សាលើប្រធានបទទាំងពីរខាងលើកាន់តែមានភាពស៊ីជម្រៅ និងគ្រប់ជ្រុងជ្រោយ ។ ទន្ទឹមនេះ លោកជំទាវ ទេសាភិបាល ក៏បានឯកភាព ធ្វើការផ្សព្វផ្សាយរួមគ្នានូវលទ្ធផលនៃការសិក្សាស្រាវជ្រាខាងលើជូនដល់ភាគីពាក់ព័ន្ធ ផងដែរ ៕ អត្ថបទសហការ
ចែករំលែកព័តមាននេះ