ADផ្ទាំងផ្សព្វផ្សាយពាណិជ្ជកម្ម

ឯកឧត្តម ជា ចាន់​តូ ៖ សេដ្ឋកិច្ច​កម្ពុជាត្រូវ​បាន​ប៉ាន់​ស្មានថា ​បន្ត​ងើបឡើង​ក្នុង​អត្រា ៥,១% ខ្ពស់​ជាង​ឆ្នាំ ​២០២១

1 អាទិត្យ មុន

រាជធានីភ្នំពេញ ៖ នៅក្នុង​ពិធី​បើក​សន្និបាត​បូក​សរុប​លទ្ធផល​ការងារ​ប្រចាំឆ្នាំ ​២០២២ និង​ទិស ដៅ ​ការងារ​ឆ្នាំ ​២០២៣ របស់​ធនាគារជាតិ​នៃ​កម្ពុជា នៅថ្ងៃ​ទី​…

រាជធានីភ្នំពេញ ៖ នៅក្នុង​ពិធី​បើក​សន្និបាត​បូក​សរុប​លទ្ធផល​ការងារ​ប្រចាំឆ្នាំ ​២០២២ និង​ទិស ដៅ ​ការងារ​ឆ្នាំ ​២០២៣ របស់​ធនាគារជាតិ​នៃ​កម្ពុជា នៅថ្ងៃ​ទី​ ១៩ ខែមករា ឆ្នាំ ​២០២៣ នេះឯកឧត្តម ជា ចាន់​តូ ទេសាភិបាល​ធនាគារជាតិ​នៃ​កម្ពុជា បានមានប្រសាសន៍ថា នៅ​កម្ពុជា សេដ្ឋកិច្ច​ត្រូវ​បាន​ប៉ាន់​ស្មានថា ​បន្ត​ងើបឡើង​ក្នុង​អត្រា ៥,១% ខ្ពស់​ជាង​ឆ្នាំ ​២០២១ ដែល​គាំទ្រ​ដោយ​ការ​នាំ​ចេញ ជា​ពិសេស វិស័យ​វាយ​ន​ភណ្ឌ ភាព​ប្រសើរ​ឡើងជា​លំដាប់​នៃ​វិស័យ​សេវាកម្ម និង​ប្រក្រតី​ភាព​នៃ​សកម្មភាព​សេដ្ឋកិច្ច​ក្នុងស្រុក បើ​ទោះបីជា​វិស័យ​កសិកម្ម សំណង់ និង​អចលនទ្រព្យ​កើន​ទាប​ក៏​ដោយ ។

ឯកឧត្តមបន្តថា ការ​ងើបឡើង​នៃ​កំណើន បន្ត​សម្រេច​បាន​គឺ​ដោយសារ​ការ​គ្រប់គ្រង​ការ​រាលដាល​ជំងឺ​កូ​វី​ដ​-១៩ ប្រកបដោយ​ប្រសិទ្ធភាព​ខ្ពស់​របស់​រាជរដ្ឋាភិបាល​និង​ភាពរឹងមាំ​នៃ​ទំនុកចិត្ត​របស់​វិនិយោគិន ។ ជាមួយ​គ្នា​នេះ វិធានការ​សេដ្ឋកិច្ច​ និង​ហិរញ្ញវត្ថុ​ដែល​ត្រូវ​បាន​ដាក់​ចេញ​ជា​បន្តបន្ទាប់ គួប​ផ្សំ​នឹង​ការ​បន្ធូរបន្ថយ​បទ​ប្បញ្ញត្តិ​ក្នុង​វិស័យ​ធនាគារ បាន​ជួយ​គាំទ្រ​បន្ថែម​ទៀត​ដល់​សន្ទុះ​កំណើន និង​កាត់​បន្ថយ​ប៉ះពាល់​រយៈពេល​មធ្យម​ និង​វែង​នៃ​វិបត្តិ ។

ឯកឧត្តមបន្ថែមទៀតថា ក្រោម​ឥទ្ធិពល​នៃ​ការ​ឡើងថ្លៃ​ប្រេងឥន្ធនៈ​នៅ​លើ​ពិភពលោក អតិផរណា​កម្ពុជា​ក៏​បាន​កើនឡើង​ផង​ដែរ ជា​ពិសេស​ចាប់ពី​ខែមីនា ដល់​ខែមិថុនា ដល់ ៧,៨% ប៉ុន្តែ​បាន​ថយ​ចុះ​មក​វិញ​ជា​បន្តបន្ទាប់​នៅ​ឆមាស​ទី ​២ ហើយ​គិត​ត្រឹម​ខែធ្នូ​នេះ អតិផរណា​មាន​កម្រិត​ត្រឹមតែ ២,៩% ប៉ុណ្ណោះ ។ អត្រា​អតិផរណា​មធ្យម​ប្រចាំឆ្នាំ​ ២០២២ មាន​កម្រិត ៥,៤% ដែល​ជា​កម្រិត​មធ្យម​និង​មិន​ប៉ះពាល់​ខ្លាំង​ដល់​ការ​វិនិយោគ ផលិតកម្ម និង​ការ​ប្រើប្រាស់ ក៏​ដូច​ជា​ជីវភាព​រស់នៅ​របស់​ប្រជាជន​កម្ពុជា ។ ស្ថិរភាព​អត្រា​ប្តូរ​ប្រាក់​រៀល​ធៀប​នឹង​ដុល្លារ​អា​មេ​រិ​កបាន​រួមចំណែក​យ៉ាង​សំខាន់ ក្នុង​ការ​កាត់​បន្ថយ​ការ​កើនឡើង​នៃ​អតិផរណា តាម​រយៈ​ការ​ការពារ​អំណាច​ទិញ​នៃ​ប្រាក់​រៀល និង​ការ​ថយ​ចុះ​អតិផរណា​នាំ​ចូល​នា​ពេល​ដែល​ប្រាក់​ដុល្លារ​អា​មេ​រិ​ក​ឡើងថ្លៃ ។

ការ​សម្រេច​បាន​ស្ថិរភាព​អត្រា​ប្តូរ​ប្រាក់ គឺ​អាស្រ័យ​ដោយ​ការ​អនុវត្ត​នយោបាយ​រូបិយ​វត្ថុ​និង​អត្រា​ប្តូរ​ប្រាក់​ប្រកបដោយ​ភាព​ប្រុង​ប្រយ័ត្ន ជាមួយនឹង​ការ​ថ្លឹងថ្លែង​ពី​ការ​ផ្គត់ផ្គង់​រូបិយ​វត្ថុ​ក្នុង​កម្រិត​សម​ស្រប ដើម្បី​រួមចំណែក​គាំទ្រ​ការ​ងើបឡើង​នៃ​សេដ្ឋកិច្ច ។ ការ​ស្រូប​យក​និង​ការ​ចាក់​បញ្ចូល​សន្ទនីយ​ភាព​នៅ​ក្នុង​ប្រព័ន្ធ​ធនាគារ តាម​រយៈ​ឧបករណ៍​នយោបាយ​រូបិយ​វត្ថុ ដូច​ជា មូល​ប​ត្រ​អាច​ជួញដូរ​បាន (NCD) និង ប្រតិបត្តិការ​ផ្តល់​សន្ទនីយ​ភាព​ដោយ​មានការ​ធានា (LPCO) ត្រូវ​បាន​ធ្វើ​ឡើង​ដោយ​សកម្ម និង​កាន់តែ​មាន​ប្រសិទ្ធភាព ។

ឯកឧត្តម បញ្ជាក់ថា ប្រព័ន្ធ​ធនាគារ​កម្ពុជា​រក្សា​បាន​ស្ថិរ​ភាពរឹងមាំ និង​បាន​ដើរតួ​នាទី​យ៉ាង​សកម្ម​ក្នុង​ការ​គាំទ្រ​ការ​ងើបឡើង​នៃ​សេដ្ឋកិច្ច​និង​ការ​រក្សា​ស្ថិរភាព​ហិរញ្ញវត្ថុ ។ អត្រា​ប្រាក់​បម្រុង​កាតព្វកិច្ច​ត្រូវ​បាន​រក្សា​ក្នុង​កម្រិត​ទាប ដើម្បី​ផ្តល់​សន្ទនីយ​ភាព​ដល់​គ្រឹះស្ថាន​ធនាគារ​និង​ហិរញ្ញវត្ថុ សម្រាប់​ការ​ផ្តល់​ឥណទាន និង​គ្រប់គ្រង​សន្ទនីយ​ភាព ។ លើស​ពី​នេះ គ្រឹះស្ថាន​ធនាគារ​ និង​ហិរញ្ញវត្ថុ ត្រូវ​បាន​អនុញ្ញាត​ឱ្យ​ប្រើប្រាស់​ទ្រនាប់​ដើមទុន​ខន​ស៊ើ​វេ​សិន​ទាំងស្រុង សម្រាប់​ធ្វើ​សំ​វិធាន​ធន​លើ​ឥណទាន​រៀបចំ​ឡើង​វិញ ។ ដោយសារ​សេដ្ឋកិច្ច​កម្ពុជា​បាន​ងើប​ឡើងជា​លំដាប់ បទ​ប្បញ្ញត្តិ​ម៉ា​ក្រូ​និង​មីក្រូ​ប្រុង​ប្រយ័ត្ន​ដែល​បាន​បន្ធូរបន្ថយ​ចាប់តាំងពី​ឆ្នាំ​ ២០២០ ​មក ត្រូវ​បាន​ពង្រឹង​ឡើង​វិញ​ស្រប​តាម​ស្ថានភាព​ទីផ្សារ ៕ អត្ថបទសហការ

SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023