វិតាល់ និងមីជាតិ ប្រគល់ជូនសម្ភារបរិក្ខារ ដល់វិទ្យាស្ថានជាតិពហុបច្ចេកទេសកម្ពុជា
រាជធានីភ្នំពេញ៖ កាលពីព្រឹកថ្ងៃទី២១ ខែមករា ឆ្នាំ ២០២២ ក្រុមហ៊ុន វ័នម៉រ លីមីធីត ដែលមានទឹកពិសា វីតាល់…
រាជធានីភ្នំពេញ៖ កាលពីព្រឹកថ្ងៃទី២១ ខែមករា ឆ្នាំ ២០២២ ក្រុមហ៊ុន វ័នម៉រ លីមីធីត ដែលមានទឹកពិសា វីតាល់ និងផលិតផល មីជាតិ បានធ្វើការប្រារព្ធ ពិធីប្រគល់-ទទួលសម្ភារបរិក្ខារ ជូនទៅដល់វិទ្យាស្ថានជាតិពហុបច្ចេកទេសកម្ពុជា (NPIC) ក្រោមអធិបតីភាព លោកជំទាវ ជឹង សុគន្ធាវី អគ្គនាយិកា ក្រុមហ៊ុន វ័នម៉រ លីមីធីត និង ឯកឧត្តម ប៊ុន ភារិន នាយកវិទ្យាស្ថានជាតិពហុបច្ចេកទេសកម្ពុជា ព្រមទាំងមានការចូលរួមពី សំណាក់សាស្ត្រាចារ្យ គណៈគ្រប់គ្រង បុគ្គលិក នៃក្រុមហ៊ុន ទឹកពិសាវីតាល់ មីជាតិ និងនិស្សិតជាច្រើននាក់ ។
ការផ្តល់ជូនសម្ភារបរិក្ខារ រួមមានម៉ាស៊ីនត្រជាក់ ៦គ្រឿង និងប៉ាដារពាក្យស្លោកជាច្រើនផ្ទាំង លម្អជុំវិញបរិវេណទីធ្លាវិទ្យាស្ថាន ត្រូវបានធ្វើឡើងដើម្បីឆ្លើយតប នឹងតម្រូវការចាំបាច់របស់វិទ្យាស្ថាន និងជាចំណែកនៃការអភិវឌ្ឍគុណភាព អប់រំនៅកម្ពុជា តាមរយៈការបំពាក់ជូននូវសម្ភារបរិក្ខារទំនើបៗ ដែលផ្តល់នូវអំណោយផលដល់ការប្រជុំ និងសិក្សារបស់និស្សិតដែលកំពុងសិក្សានៅ វិទ្យាស្ថានជាតិពហុបច្ចេកទេសកម្ពុជា (NPIC) ។
លោកជំទាវ ជឹង សុគន្ធាវី អគ្គនាយិកាក្រុមហ៊ុន បានមានប្រសាសន៍ថា “ ដោយមើលឃើញពីតម្រូវការចាំបាច់ទាំងនេះ ទើបក្រុមហ៊ុន វ័នម៉រ លីមីធីត ដែលមានទឹកពិសាវីតាល់ និងមីជាតិ បានរៀបចំបំពាក់ជូនវិទ្យាស្ថាន តាំងពីឆ្នាំ២០២១ មកម្ល៉េះ ប៉ុន្តែដោយការរីករាលដាល នៃជំងឺកូវីដ១៩ ក្នុងសហគមន៍ បានធ្វើអោយយើងពន្យារការជួបជុំរហូតមកដល់ពេលនេះ ទើបយើងមានឱកាសបានរៀបចំពិធីប្រគល់-ទទួលជាផ្លូវការស្របតាមបែបបទ គន្លងប្រក្រតីភាពថ្មី ។
ក្នុងកម្មវិធីនោះផងដែរ ឯកឧត្តម ប៊ុន ភារិន នាយកវិទ្យាស្ថានជាតិពហុបច្ចេកទេសកម្ពុជា បានមានប្រសាសន៍ថា “ក្នុងនាមវិទ្យាស្ថានជាតិពហុបច្ចេកទេសកម្ពុជា ដែលជាគ្រឹះស្ថានបណ្តុះបណ្តាលសាធារណៈមួយនៃក្រសួងការងារ និងបណ្តុះបណ្តាលវិជ្ជាជីវៈ យើងខ្ញុំសូមឆ្លៀតឱកាសនេះសំដែងនូវអំណរគុណ ជាពិសេសចំពោះ ក្រុមហ៊ុនទឹកពិសា វីតាល់ និងមីជាតិ ដែលបានចូលរួមគាំទ្រ ដល់វិទ្យាស្ថានជាតិបច្ចេកទេសជាដរាប មិនថាការផ្តល់ជូននូវសម្ភារ និងការឧបត្ថម្ភផ្សេងៗ តួយ៉ាងដូចថ្ងៃនេះ ការផ្តល់ជូននូវម៉ាស៊ីនត្រជាក់នេះ ពិតជាបានជួយសម្រួលដល់តម្រូវការចាំបាច់របស់វិទ្យាស្ថាន និងស្តែងចេញពីការយកចិត្តទុកដាក់របស់វិស័យឯកជន ក្នុងចូលរួមសកម្មភាពសង្គម ជាពិសេសលើវិស័យអប់រំ ។
គូសបញ្ជាក់ផងដែរថា ក្រុមហ៊ុនវីតាល់ ជាក្រុមហ៊ុនផលិតទឹកពិសា ដែលមានគុណភាពខ្ពស់ស្របតាមស្តង់ដារ និងឆ្លងកាត់ការត្រួតពិនិត្យត្រឹមត្រូវ។ វីតាល់ ត្រូវបានទទួលស្គាល់និងពេញនិយមពីសំណាក់បងប្អូនប្រជាពលរដ្ឋខ្មែរទូទាំងប្រទេស ដែលមានវត្តមានក្នុងទីផ្សារតាំងពីឆ្នាំ២០១០ មកម្ល៉េះ។ ចំណែក ផលិតផលមីជាតិ ជាផលិតមីកញ្ចប់ឆ្អិនស្រាប់ ដែលមានរសជាតិបែបខ្មែរដំបូងគេ ផលិតដោយជនជាតិខ្មែរ និងត្រូវបានទទួលស្គាល់លើគុណភាព អនាម័យ ជាផលិតផលមីកញ្ចប់ក្នុងស្រុក ដែលមានរសជាតិឆ្ងាញ់ពិសា ៕ ដោយសហការ
ចែករំលែកព័តមាននេះ