រាជធានីភ្នំពេញ ៖ ក្រុមហ៊ុនអភិវឌ្ឍន៍អចលនទ្រព្យឈ្នះពានរង្វាន់ក្នុងស្រុក អឺបេនលែន (Urbanland) បានប្រារព្ធពិធីបញ្ចុះបឋមសិលាបើកការដ្ឋានសាងសង់ប្លុកថ្មីរបស់ បុរី ចន្ទគីរី និងការបើកលក់ជាផ្លូវការកាលពីថ្ងៃសៅរ៍ ទី…
រាជធានីភ្នំពេញ ៖ ក្រុមហ៊ុនអភិវឌ្ឍន៍អចលនទ្រព្យឈ្នះពានរង្វាន់ក្នុងស្រុក អឺបេនលែន (Urbanland) បានប្រារព្ធពិធីបញ្ចុះបឋមសិលាបើកការដ្ឋានសាងសង់ប្លុកថ្មីរបស់ បុរី ចន្ទគីរី និងការបើកលក់ជាផ្លូវការកាលពីថ្ងៃសៅរ៍ ទី ២៣ ខែតុលា ឆ្នាំ ២០២១ កន្លងមកនេះ ។
រចនាឡើងដោយយកតម្រូវការ និងក្តីស្រមៃរបស់អ្នករស់នៅជាចម្បង គម្រោងអភិវឌ្ឍន៍ថ្មីនេះបន្តប្រកាន់ខ្ជាប់នូវគំនិតរចនាដែលផ្តោតលើតម្រូវការចាំ បាច់សម្រាប់ការរស់នៅ ។ តាមរយៈការរចនាប្លង់មេដែលសម្បូរទៅដោយសួនរុក្ខជាតិបៃតង និងបរិក្ខារនៅតាមដងវិថីនៅក្នុងគម្រោងថ្មីនេះ អ្នករស់នៅនឹងមានសុខដុម និងភាពស្ងប់ស្ងាត់ទាំងនៅខាងក្នុង និងខាងក្រៅគេហដ្ឋានរបស់ខ្លួន ។ ការគិតគូបែបនេះហើយដែលញ៉ាំងឲ្យគម្រោងថ្មីនេះក្លាយជាកន្លែងរស់នៅមួយដែលស័ក្តិសមបំផុតសម្រាប់ការរស់នៅដែលសកម្ម ប៉ុន្តែពោរពេញដោយភាពស្ងៀមស្ងាត់ ។
ដើម្បីឆ្លើយតបទៅនឹងតម្រូវការរបស់ម្ចាស់ផ្ទះ ដែលចង់បានប្រភេទគេហដ្ឋានដែលកាន់តែធំទូលាយ ក្រុមហ៊ុនមានកិត្តិយសក្នុងការណែនាំប្រភេទគេហដ្ឋានថ្មីមួយទៀតប្រចាំបុរីចន្ទគីរីដែលមានឈ្មោះថា វីឡាឧត្តមធំ ។ វីឡានេះជាប្រភេទវីឡាទោលដែលត្រូវបានរចនាឡើងនៅលើផ្ទៃដី និងផ្ទះដែលមានទំហំកាន់តែធំជាងមុន ។
គេហដ្ឋាននេះមានលក្ខណៈល្អឥតខ្ចោះសម្រាប់គ្រួសារដែលមានសមាជិកច្រើនវ័យ ។ ការរចនាខាងក្នុងផ្ទះមានផ្ទះបាយ និងកន្លែងទទួលទានអាហារដែលបើកចំហចេញមកសួនខាងក្រោយ ផ្ទៃខាងក្រោយផ្ទះមានទីធ្លាធំទូលាយដែលអាចកែច្នៃជា អាងហែលទឹក ឬសួនរុក្ខជាតិបៃតងសម្រាប់រៀបចំកម្មវិធីគ្រួសារផ្សេងៗជាដើម ។ ទីធ្លាខាងក្រោយនេះសមស្រប សម្រាប់លម្ហែកាយជាលក្ខណៈគ្រួសារពេលល្ងាច រីឯបន្ទប់ទទួលភ្ញៀវដ៏ធំទូលាយនៅក្នុងផ្ទះវិញជាកន្លែងដ៏សមរម្យបំផុតសម្រាប់ទទួលបានភាពស្ងប់ស្ងាត់ ។
វីឡាឧត្តមធំ ភាគច្រើនមានទីតាំងនៅជាប់នឹងសួនរុក្ខជាតិបៃតងរបស់បុរី ។ គេហដ្ឋាននេះមានបន្ទប់គេង 5 ធំៗដែលមានបង្អួច និងទ្វារូតធំៗ អនុញ្ញាតឲ្យខ្យល់ និងពន្លឺចេញចូលបានគ្រប់គ្រាន់ទូទាំងផ្ទះទាំងមូល ។ ក្រុមហ៊ុនក៏បានរចនាបន្ទប់គេងមួយបន្ថែមនៅជាន់ផ្ទាល់ដីដែលមានភ្ជាប់ជាមួយនឹងបន្ទប់ទឹកស្រាប់ សមស្របសម្រាប់គ្រួសារដែលមានឪពុកម្តាយ ឬលោកតាលោកយាយដែលមានវ័យចំណាស់ ។ រីឯបន្ទប់ពហុមុខងារដែលនៅជាប់គ្នានោះ ម្ចាស់ផ្ទះអាចកែច្នៃទៅតាមមុខងារផ្សេងៗដែលខ្លួនត្រូវការ ដូចជាការិយាល័យធ្វើការនៅផ្ទះ បន្ទប់ហាត់ប្រាណ និងបន្ទប់អានសៀវភៅជាដើម ។
ដើម្បីអបអរសាទរការបើកលក់ប្លុកថ្មីនេះ បុរី ចន្ទគរី មានការលក់បញ្ចុះតម្លៃពិសេសសរុបរហូតដល់ 200,000 ដុល្លារ ក៏ដូចជាកម្មវិធីចាប់ឆ្នោតផ្សងសំណាងដែលមានតម្លៃសរុបរហូតដល់ 100,000 ដុល្លារដែលមានសុពលភាពសម្រាប់តែថ្ងៃទី 29-31 ខែតុលា ឆ្នាំ 2021 តែប៉ុណ្ណោះ ។
សូមអញ្ជើញមកទស្សនាផ្ទះគម្រូពិតនៅ បុរី ចន្ទគីរី ដែលមានទីតាំងនៅលើបណ្តោយផ្លូវជាតិលេខ 2 ចម្ងាយត្រឹមតែ 5 នាទីពីមហាវិថីសម្តេច ហ៊ុន សែន ឬចូលទៅកាន់ urbanlandasia.com ដើម្បីទទួលបានព័ត៌មានបន្ថែម ។
អំពី អឺបេនលែន ( Urbanland)
ក្រុមហ៊ុន អឺបេនលែន (Urbanland) គឺជាក្រុមហ៊ុនអភិវឌ្ឍន៍អចលនទ្រព្យក្នុងស្រុកមួយដែលមានគោលដៅបង្កើតកន្លែងដែលមានភាពច្នៃប្រឌិតខ្ពស់ដើម្បីឲ្យគ្រប់គ្នារស់នៅ ធ្វើការ និងកម្សាន្ដ ជាមួយការប្ដេជ្ញាទៅលើគុណភាព ភាពឋិតថេរ និងភាពផ្ចិតផ្ចង់។ ក្រុមហ៊ុន អឺបេនលែន (Urbanland) បានបង្កើតឡើងនៅឆ្នាំ ២០១៣ ដោយស្ថាបត្យករ កាំង ហុក ដោយលោកជឿជាក់ថា ការផ្ដោតលើតម្រូវការអ្នករស់នៅជាចម្បងគឺជាយុទ្ធសាស្ត្រដ៏ល្អដើម្បីជួយលើកកម្ពស់គុណភាពរស់នៅរបស់ពួកគេ និងបង្កើតនូវបរិយាកាសដែលមានផាសុកភាពជាងមុន ។
ក្រុមហ៊ុន អឺបេនលែន (Urbanland) ក៏ជាសមាជិកមួយនៃសហព័ន្ធក្រុមហ៊ុន ISI GROUP ដែលជាក្រុមហ៊ុនក្នុង ស្រុកខ្នាតធំមួយដែលមានបទពិសោធន៍រហូតដល់ ២២ ឆ្នាំនៅក្នុងវិស័យសំណង់ ។ ក្រុមហ៊ុន អឺបេនលែន (Urbanland) ត្រូវបានទទួលស្គាល់តាមរយៈការបង្កើតនូវគម្រោងប្រណីតៗពោរពេញដោយភាពច្នៃប្រឌិតដោយ ប្រើប្រាស់នូវការរចនាផ្ដោតលើតម្រូវការអ្នករស់នៅជាចម្បងដែលឆ្លុះបញ្ចាំងតាមរយៈគម្រោងអភិវឌ្ឍន៍ដែលជាប់ជ័យលាភីរួមមាន Raintree (អគារការិយាល័យ និងពាណិជ្ជកម្ម), Embassy Residences and Embassy Central (ខុនដូបែបប្រណីត) និងសណ្ឋាគាររចនាម៉ូដបែបប្រណីតដំបូងគេនៅក្រុងសៀមរាប Treeline Urban Resort ក៏ដូចជាគម្រោងបុរីចន្ទគីរី ដែលជាគម្រោងបុរីដំបូងគេបង្អស់របស់ក្រុមហ៊ុនដែលមានទីតាំងនៅលើផ្លូវជាតិលេខ 2 ។
សម្រាប់ព័ត៌មានបន្ថែម សូមអញ្ជើញចូលទៅកាន់ ៖ urbanlandasia.com ៕ ដោយសហការ
ចែករំលែកព័តមាននេះ