រាជធានីភ្នំពេញ ៖ ឈានចូលប្រមាណជាង ៣ ខែនៃការរាតត្បាតជំងឺ Covid-19 ធ្វើអោយប្រជាជនជាច្រើននៅក្នុងប្រទេសកម្ពុជាបានផ្លាស់ប្តូរបែប បទនៃការរស់នៅ ។ ជីវិត…
រាជធានីភ្នំពេញ ៖ ឈានចូលប្រមាណជាង ៣ ខែនៃការរាតត្បាតជំងឺ Covid-19 ធ្វើអោយប្រជាជនជាច្រើននៅក្នុងប្រទេសកម្ពុជាបានផ្លាស់ប្តូរបែប បទនៃការរស់នៅ ។ ជីវិត និងការងាររបស់យើងទាំងអស់គ្នាគឺពិតជាបានផ្លាស់ប្តូរយ៉ាងខ្លាំង តាមរយៈការរក្សាគម្លាត, ការពាក់របាំងមុខការពារ និងការរឹតបណ្តឹងទៅលើចំណុចសំខាន់ៗ ដើម្បីជួយទប់ស្កាត់ និងជាប្រយោជន៍ដល់សង្គម ។ ដើម្បីទប់ស្កាត់ការរីករាលដាលនៃជំងឺកូវីដ ១៩ រាជរដ្ឋាភិបាលបានសម្រេចចិត្តធ្វើការបែងចែកតំបន់មួយចំនួននៅទីក្រុងភ្នំពេញជា ៣ តំបន់ គឺ (តំបន់ លឿង តំបន់លឿងទុំ និងតំបន់ក្រហម) ។ ដូច្នេះ អាជីវកម្មជាច្រើនបានកំពុងកាត់បន្ថយបុគ្គលិកដោយការធ្វើការពីផ្ទះ ។
ក្រុមហ៊ុន TF Motors គឺជាក្រុមហ៊ុនដ៏ធំដែលទទួលបានសិទ្ធិចែកចាយផ្តាច់មុខក្នុងការនាំចូលរថយន្តល្បីៗមកប្រទេសកម្ពុជា ហើយផលិតផលទាំងអស់ដែលបាននាំចូលត្រូវបានផ្តល់ជូនយ៉ាងទំនើប និងទំទុកចិត្ត ។ ផលិតផលដែលស្ថិតក្រោមការនាំចូលរបស់ក្រុមហ៊ុន TF Motors Cambodia មានដូចជា ៖ រថយន្តMG, រថយន្តMaxus និងម៉ូតូ Royal Enfield ។
ថ្មីៗនេះ ដើម្បីសម្រួលដល់ជីវភាពប្រចាំថ្ងៃរបស់បុគ្គលិកក្នុងអំឡុងពេលរីករាលដាលនៃជំងឺកូវីដ-១៩ ក្រុមហ៊ុន TF Motors Cambodia បានរៀបចំកញ្ចប់ស្បៀងអាហារដើម្បីចែកជូនទៅដល់បុគ្គលិកដែលស្ថិតក្នុងតំបន់ហានិភ័យ (តំបន់ក្រហម និងតំបន់លឿងទុំ) និងដើម្បីជាការរួមចំណែកមួយនៃការកាត់បន្ថយចំណាយប្រចាំថ្ងៃ ព្រមទាំងកាត់បន្ថយការចេញទៅក្រៅដើម្បីទិញស្បៀងរបស់បុគ្គលិកផងដែរ ។ ក្រុមហ៊ុន TF Motors បានមើលឃើញពីតម្រូវការរបស់បុគ្គលិក ហើយនេះ គឺជាសកម្មភាពដ៏សំខាន់មួយដើម្បីបង្ហាញថាក្រុមហ៊ុន TF Motors គឺពិតជាគិតគូរនិងយកចិត្តទុកដាក់ដល់បុគ្គលិករបស់ពួកគេ ។
នៅក្នុងកម្មវិធីសប្បុរសធម៌នេះក្រុមហ៊ុន TF Motors បានគាំទ្រជាមួយហាងអាហារសេរីរាង្គ និងសុខភាពក្នុងស្រុកមួយ ដើម្បីរៀបចំកញ្ចប់គ្រឿងទេសនិងដឹកជញ្ផូនទៅដល់ផ្ទះរបស់បុគ្គលិករបស់ពួកគេ ។ ចំណុចដ៏ល្អបំផុតដែលក្រុមហ៊ុន TF Motors អាចធ្វើបានដើម្បីគាំទ្រដល់ក្រុមរបស់ពួកគេ គឺផ្តល់ជូននូវសុវត្ថិភាព និងការយកចិត្តទុកដាក់ដល់ការរស់នៅរបស់ពួកគេ ។
លោក ពុំ សូរិយា នាយកប្រតិបត្តិក្រុមហ៊ុន TF Motors Cambodia បានមានប្រសាសន៏ថា ៖ «ក្នុងនាមយើងជាថ្នាក់ដឹកនាំក្រុមហ៊ុនឯកជន យើងត្រូវតែរៀបចំអ្វីដែលជាតម្រូវការរបស់បុគ្គលិក រក្សាសុវត្ថិភាពនៅកន្លែងធ្វើការ និងគាំទ្រដល់ហាងអាហារសេរីរាង្គនិងសុខភាព អំឡុងពេលដ៏ពិបាកនេះ ។ ប្រសិនបើយើងយល់ពីអ្វីដែលបុគ្គលិកត្រូវការ នោះយើងនឹងក្លាយជាក្រុមមួយដ៏រឹងមាំ ហើយរួមគ្នាឆ្ពោះទៅរកគោលដៅដ៏ជោគជ័យទាំងអស់គ្នា» ៕ ដោយសហការ
ចែករំលែកព័តមាននេះ