មិត្តហ្វូន ចូលរួមការស្ថាបនាផ្លូវថ្មីមួយខ្សែនៅស្តូប ឈ្នះ ឈ្នះ ខេត្តកោះកុង
រាជធានីភ្នំពេញ ៖ កាលព្រឹកថ្ងៃច័ន្ទ ទី ១០ ខែឧសភា ឆ្នាំ ២០២១ ក្រុមហ៊ុនមិត្តហ្វូន បានចុះហត្ថលេខាលើកិច្ចព្រមព្រៀង…
រាជធានីភ្នំពេញ ៖ កាលព្រឹកថ្ងៃច័ន្ទ ទី ១០ ខែឧសភា ឆ្នាំ ២០២១ ក្រុមហ៊ុនមិត្តហ្វូន បានចុះហត្ថលេខាលើកិច្ចព្រមព្រៀង…
រាជធានីភ្នំពេញ ៖ កាលព្រឹកថ្ងៃច័ន្ទ ទី ១០ ខែឧសភា ឆ្នាំ ២០២១ ក្រុមហ៊ុនមិត្តហ្វូន បានចុះហត្ថលេខាលើកិច្ចព្រមព្រៀង ភាពជាដៃគូរវាងអនុគណៈ កម្មការសាងសង់ស្តូបអនុស្សាវរីយ៍នយោបាយឈ្នះ ឈ្នះ ដើម្បីសាងសង់ និងស្ថាបនាផ្លូវមួយខ្សែ ដែលតភ្ជាប់ពីស្តូបអនុស្សាវរីយ៍នយោបាយឈ្នះ ឈ្នះ នៅខេត្តកោះកុង ។ ពិធីចុះហត្ថលេខាលើកិច្ចព្រមព្រៀងនេះធ្វើឡើងក្រោមអធិបតីភាព ឯកឧត្តម ប៊ុន លើត រដ្ឋលេខាធិការក្រសួងការពារជាតិ និងជាប្រធានអនុគណៈកម្មការសាងសង់ស្តូបអនុស្សាវរីយ៍នយោបាយឈ្នះឈ្នះ និងលោក ហ្វុង វ៉ាន់ គឿង នាយកប្រតិបត្តិ ក្រុមហ៊ុនមិត្តហ្វូន ដោយមានការចូលរួមពីមន្ត្រី បុគ្គលិក និងថា្នក់ដឹកនាំស្ថាប័នទាំងពីរផងដែរ ។
ពិធីចុះហត្ថលេខានេះ ក្នុងគោលបំណងលើកកម្ពស់កិច្ចសហប្រតិបត្តិការរយៈពេលវែងជាមួយនឹងរាជរដ្ឋាភិបាល ក្រសួង ស្ថាប័ន ពិសេសក្រសួងការពារជាតិទទួលបន្ទុកលើការងារសាងសង់ស្តូបឈ្នះឈ្នះ ជាមួយនឹងក្រុមហ៊ុនមិត្តហ្វូន ដែលជាបណ្តាញទូរគមនាគមន៍ដ៏ធំជាងគេនៅក្នុងប្រទេសកម្ពុជា ។
នៅក្នុងពិធីចុះហត្ថលេខានេះលោក ហ្វុង វ៉ាន់ គឿង នាយកប្រតិបត្តិក្រុមហ៊ុនមិត្តហ្វូនបានមានប្រសាសន៍ថា ៖ «ជាមួយទស្សនវិស័យរបស់យើងជាប្រតិបត្តិករ «អ្នកយកចិត្តទុកដាក់ និងច្នៃប្រឌិតខ្ពស់» ក្រៅពីអាជីវកម្មយើងបានចូលរួមកិច្ចការទំនួលខុសត្រូវសង្គមជាច្រើននាពេលកន្លងមក និងទៅអនាគត ដើម្បី រួមចំណែកគាំទ្រស្ថាប័នរដ្ឋ និងឯកជនផ្សេងៗក្នុងន័យធានាការគាំទ្ររបស់អតិថិជនទាំងអស់ចំពោះមិត្តហ្វូន ប្រៀបបានដូចជាចូលរួមជាមួយគ្នាក្នុងការជួយសង្គមផងដែរ ។ តាមរយៈផ្លូវបេតុងថ្មីមួយខ្សែនេះ ក្រុមហ៊ុនមិត្តហ្វូនមានមោទនភាពក្នុងការបរិច្ចាគជួយគាំទ្រប្រជាពលរដ្ឋរស់នៅក្នុងខេត្តកោះកុង ដើម្បីងាយស្រួលក្នុងការធ្វើដំណើរទៅទស្សនាស្តូបឈ្នះ ឈ្នះ ក៏ដូចជាតំបន់ទេសចរណ៍ វប្បធម៌ និងសាសនាផងដែរ» ។ បន្ថែមពីលើនេះលោក ហ្វុង វ៉ាន់ គឿង មានជំនឿជឿជាក់ថា ផ្លូវមួយខ្សែនេះនឹងចេញជារូបរាងឆាប់ៗនាពេលខាងមុខ សម្រាប់ប្រជាពលរដ្ឋនៅក្នុងខេត្តកោះកុង ក៏ដូចជានៅខេត្តផ្សេងៗទៀតបានធ្វើដំណើរទៅទស្សនាទេសចរណ៍កម្សាន្ត ប្រកបដោយភាពងាយស្រួល ។
ឯកឧត្តម ប៊ុន លើត រដ្ឋលេខាធិការក្រសួងការពារជាតិ និងជាប្រធានអនុគណៈកម្មការសាងសង់ស្តូប អនុស្សាវរីយ៍នយោបាយឈ្នះ ឈ្នះ បានស្វាគមន៍ចំពោះភាពជាដៃគូនេះ ។ លោកបានមានប្រសាសន៍ថា ៖ «យើងពិតជារីករាយ និងកោតសរសើរចំពោះក្រុមហ៊ុនមិត្តហ្វូន ដែលតែងតែងរួមដំណើរជាមួយរាជរដ្ឋាភិបាលក្រសួង ស្ថាប័នផ្សេងៗទៀតជាច្រើននាពេលកន្លងមក ។ ការចូលរួមបរិច្ចាគរបស់មិត្តហ្វូន សម្រាប់ផ្លូវថ្មីមួយខ្សែនេះបានកត់ជាប្រវត្តិសាស្ត្រថ្មីមួយទៀតសម្រាប់រដ្ឋាភិបាល ជាពិសេសក្រសួងការពារជាតិដើម្បីជាចលករក្នុងការសាងសង់ប្រព័ន្ធគមនាគមន៍នៅក្នុងប្រទេសកម្ពុជាឲ្យកាន់តែមានភាពប្រសើរឡើង» ។
ផ្លូវថ្មីមួយខ្សែដែលតភ្ជាប់ពីស្តូបអនុស្សាវរីយ៍នយោបាយឈ្ន ឈ្នះ ឡើងទៅកំពូលភ្នំនៃតំបន់ទេសចរណ៍ វប្បធម៌ និងសាសនា ប្រវែង ១៥០០ ម៉ែត្រ នឹងចាប់ផ្តើមសាងសង់នាពេលខាងមុខក្នុងអំឡុងពេលមានភាពធូរស្រាលពីជំងឺកូវីដ-១៩ ក្រោមការឧបត្ថម្ភពីក្រុមហ៊ុនមិត្តហ្វូន ។ បន្ទាប់ពីសាងសង់រួចផ្លូវថ្មីមួយខ្សែនេះនឹងត្រូវបានដាក់ឈ្មោះថា «វិថីមិត្តហ្វូន» ស្ថិតនៅក្នុងភូមិសាស្ត្រភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ តាមបណ្តោយផ្លូវជាតិលេខ៤៨ ៕ ដោយសហការ
ចែករំលែកព័តមាននេះ