រាជធានីភ្នំពេញ ៖ ស្ថានទូតសហរដ្ឋអាមេរិកប្រចាំទីក្រុងភ្នំពេញនឹងបើកការលក់ដេញថ្លៃតាម Online នូវសម្ភារប្រើរួចដូចជា ៖ គ្រឿងសង្ហារិម, សម្ភារការិយាល័យ, កុំព្យូទ័រ, ទូទឹកកក,…
រាជធានីភ្នំពេញ ៖ ស្ថានទូតសហរដ្ឋអាមេរិកប្រចាំទីក្រុងភ្នំពេញនឹងបើកការលក់ដេញថ្លៃតាម Online នូវសម្ភារប្រើរួចដូចជា ៖ គ្រឿងសង្ហារិម, សម្ភារការិយាល័យ, កុំព្យូទ័រ, ទូទឹកកក, ម៉ាស៊ីនត្រជាក់, កង់…។ល។ រួមទាំងរថយន្តមួយចំនួនដល់សាធារណជនទូទៅ ។
ទីតាំងលក់ទំនិញដេញថ្លៃ ៖
ការដេញថ្លៃប្រព្រឹត្តទៅនៅលើវេបសាយ (Website): https://online-auction.state.gov/km-KH
កាលបរិចេ្ឆទ និងពេលវេលា ៖
ការដេញថ្លៃ Online នឹងបើកទទួលការចូលរួមពីបណ្តាសាធារណជនចាប់ពីវេលាម៉ោង ១០ព្រឹក ថ្ងៃច័ន្ទ ទី ១៩ ខែមេសា ឆ្នាំ ២០២១ រហូតដល់ថ្ងៃសុក្រ ទី ២៣ ខែមេសា ឆ្នាំ ២០២១ ម៉ោង ៥ល្ងាច បិទការដេញថ្លៃ ។ ស្ថានទូតនឹងធ្វើការសរុបលទ្ធផលនៃការដេញថ្លៃ ដោយមានការចូលរួមអង្កេតពិនិត្យពីមន្ត្រីគយរដ្ឋាករកម្ពុជា ។ អ្នកឈ្នះសម្រាប់ឡូត៍នីមួយៗនឹងត្រូវបានទាក់ទងដើម្បីជូនជាដំណឹង ។
លក្ខខណ្ឌនៃការលក់ ៖
- ទំនិញនឹងត្រូវលក់ជូនដល់អ្នកដេញថ្លៃដែលឲ្យតម្លៃខ្ពស់បំផុត ។
- ទំនិញដែលបានលក់ដូចឃើញតាមរូបភាពស្រាប់ ពុំអាចប្តូរជាប្រាក់វិញ និងគ្មានការធានាឡើយ ។ អ្នកដេញថ្លៃអាចចូលមើលរូបភាពទំនិញនីមួយៗនៅលើវេបសាយដេញថ្លៃ ។
- តម្លៃដេញថ្លៃអប្បរមាត្រូវបានកំណត់សម្រាប់ឡូត៍នីមួយៗ ។
- ស្ថានទូតសហរដ្ឋអាមេរិករក្សាសិទ្ធិក្នុងការច្រានចោលនូវការដេញថ្លៃណាមួយដែលខ្លួនយល់ឃើញថា មិនសមនឹងតម្លៃនៃទំនិញ ឬក៏មានភស្តុតាងបញ្ជាក់ថា មានការសមគំនិតគ្នា ការគប់គិត ឬការទទួលសំណូកណាមួយ ។ សេចក្តីសម្រេចរបស់ស្ថានទូតជាសេចក្តីសម្រេចចុងក្រោយ និងមិនអាចតវ៉ាបានឡើយ ។
- ការបង់ប្រាក់ ៖ អ្នកដេញថ្លៃឈ្នះត្រូវបង់ប្រាក់គ្រប់ចំនួនដែលគេមិនអាចទារយកមកវិញបានក្នុងអំឡុងពេល ១២០ម៉ោង (៥ថ្ងៃធ្វើការ) ទៅគណនេយ្យធនាគាររបស់ស្ថានទូតបន្ទាប់ពីត្រូវបានទាក់ទង ។ គេអាចយកទំនិញចេញបានដោយបង្ហាញបង្កាន់ដៃបង់ប្រាក់ និងបង្កាន់ដៃបង់ពន្ធទៅក្រុមការងារទទួលបន្ទុកការលក់ដេញថ្លៃរបស់ស្ថានទូតនៅក្នុងកំឡុងពេល ២សប្តាហ៍បន្ទាប់ពីការលក់ ។ អង្គការមិនមែនរដ្ឋាភិបាល អង្គការអន្តរជាតិ ឬក្រសួងមន្ទីរនានាអាចសាកសួរទៅកាន់មន្ត្រីគយកម្ពុជាអំពីនីតិវិធីលើកលែងពន្ធអាករផ្សេងៗ ។
- កាតព្វកិច្ចពន្ធនាំចូលទំនិញ និងអាករផ្សេងៗជាបន្ទុករបស់អ្នកដេញថ្លៃ ។ អត្រាបង់ពន្ធគិតជាភាគរយ (26,50%) ត្រូវបានកំណត់ដោយសមត្ថកិច្ចគយ និងរដ្ឋាករកម្ពុជា ។ ការគណនាពន្ធនាំចូលគឺយកតម្លៃដែលដេញថ្លៃឈ្នះគុណនឹងអត្រាភាគរយដែលបានកំណត់នៅលើទំនិញនីមួយៗ ។
- រាល់ការរៀបចំ និងចំណាយនៅក្នុងការលើកដាក់ ដឹកជញ្ជូនយកចេញនូវទំនិញដែលដេញថ្លៃបានគឺជាបន្ទុករបស់អ្នកដេញថ្លៃ ។
- នៅក្នុងករណីដែលអ្នកទិញខកខានមិនបានយកទំនិញដែលទិញបាននោះចេញពីទីតាំងលក់ត្រឹមម៉ោង ៥ល្ងាច ថ្ងៃទី ២១ ខែឧសភា ឆ្នាំ ២០២១, ស្ថានទូតអាមេរិកនៅភ្នំពេញចាត់ទុកថា អ្នកដេញថ្លៃឈ្នះបានបោះបង់ចោលឡូត៍ដែលខ្លួនដេញបាន ហើយបាត់បង់សិទ្ធិក្នុងការយកទំនិញដែលទិញបាននោះ និងប្រាក់ទាំងអស់ដែលបានបង់ ។
- ដើម្បីយកទំនិញចេញពីទីតាំងលក់បាន អ្នកទិញត្រូវបង្ហាញបង្កាន់ដៃបង់ប្រាក់ទៅគណនេយ្យធនាគាររបស់ស្ថានទូតអាមេរិកគ្រប់ចំនួន សំណៅនៃការបង់ពន្ធទំនិញ និងសំណៅនៃឯកសារលើកលែងពន្ធទំនិញ (ចំពោះស្ថាប័នដែលស្នើសុំការលើកលែងពន្ធ) ។
- បុគ្គលិករបស់ស្ថានទូតអាមេរិកដែលធ្វើការទាក់ទងនឹងផ្នែកភស្តុភាក្នុងការដេញថ្លៃនេះត្រូវបានហាមមិនអោយធ្វើការដេញថ្លៃទេ ។
- សម្រាប់ព័ត៌មានបន្ថែម សូមទាក់ទងតាមរយៈលេខទូរស័ព្ទ ៖ 023 728 503 រៀងរាល់ម៉ោងធ្វើការ ៕ ដោយសហការ
ចែករំលែកព័តមាននេះ