កងទ័ពអ៊ីស្រាអែលរាយការណ៍ថា កងម៉ារីន អ៊ីស្រាអែលកាលពីថ្ងៃទី១៥ មីនា បានចាប់នាវាមួយគ្រឿងដែលដឹកមីស៊ីលក្នុងចំនួនច្រើនទៅឱ្យពួកសកម្មប្រយុទ្ធប៉ាឡេស្ទីននៅជ្រោយហ្គាហ្សាដែលអីុស្រាអែលចោទលើប្រទេសអីុរ៉ង់ ។ ឧត្តមនារី RANI BEN-YEHUDAH អះអាងថា អាវុធដែលចាប់នោះគឺជាមីស៊ីលដី-សមុទ្រ ធុន C704 ផលិតនៅប្រទេសចិន ។ លោកបានចោទប្រកាន់អ៊ីរ៉ង់ដែលមានមីស៊ីលប្រភេទនេះថា ជាអ្នកបញ្ជូនអាវុធទាំងនោះ។
នាវាកាហ្គោឈ្មោះ VICTORIA បានបើកទៅកាន់កំពង់ផែតួកគីមួយ ក៏ប៉ុន្តែកងទ័ពអ៊ីស្រាអែលអះអាងថា តួកគីពុំបានចូលរួមក្នុងការបញ្ជូនអាវុធទាំងនោះទេ ។ នាវានេះជារបស់ក្រុមហ៊ុនអាល្លឺម៉ង់មួយ ហើយគ្រប់គ្រងដោយក្រុមហ៊ុនបារាំងមួយ និងដោតទង់ជាតិលីបេរីយ៉ា។ ក្រោយចាកចេញពីតួកគីនាវានោះត្រូវចាប់នៅចម្ងាយប្រមាណជា៣២០គ.ម ក្នុងដែនទឹកនៃឆ្នេរសមុទ្រអ៊ីស្រាអែល ។ នាវាបើកសំដៅឆ្ពោះទៅកំពង់ផែ ASHDOD ៕
ចែករំលែកព័តមាននេះ