លោកស្រី កែ ឡេង ប្រកាសថា កាន់តែភ័យក្រោយលេចដំណឹងឡើងផ្កាយ2
- ភ្នំពេញ
រាជធានីភ្នំពេញ ៖ បន្ទាប់ពីគេដឹងថា បានឡើងឋានន្តរស័ក្តិផ្កាយ១មួយរយៈមកហើយ ការទម្លាយកាន់តែច្បាស់ កាន់តែអះអាងថា លោក ស្រី កែ ឡេង…
រាជធានីភ្នំពេញ ៖ បន្ទាប់ពីគេដឹងថា បានឡើងឋានន្តរស័ក្តិផ្កាយ១មួយរយៈមកហើយ ការទម្លាយកាន់តែច្បាស់ កាន់តែអះអាងថា លោក ស្រី កែ ឡេង…
រាជធានីភ្នំពេញ ៖ បន្ទាប់ពីគេដឹងថា បានឡើងឋានន្តរស័ក្តិផ្កាយ១មួយរយៈមកហើយ ការទម្លាយកាន់តែច្បាស់ កាន់តែអះអាងថា លោក ស្រី កែ ឡេង ដែលគេចាត់ទុកជាវីរនារីនៅក្នុងកីឡាប៉េតង់ ពិតជាត្រៀមឡើងឋានន្តរស័ក្តិផ្កាយ២ ដោយនៅរង់ចាំតែការប្រកាសផ្លូវការប៉ុណ្ណោះ។ ទោះជាយ៉ាងណា លោកស្រីនិយាយថា ឡើងកាន់ តែខ្ពស់កាន់តែបារម្ភ គឺមិនមែនសប្បាយដល់ថ្នាក់រំភើបនឹងឋានន្តរស័ក្តិដែលត្រូវផ្ដល់ជូននោះទេ។
គួររំឭកថា កន្លងមកកីឡាការិនី កែ ឡេង បានត្រូវរាជរដ្ឋាភិបាលកម្ពុជាដំឡើងឋានន្តរស័ក្តិជាបន្តបន្ទាប់ ចាប់តាំងពីលោកស្រីបានសាងភាពល្បីល្បាញជូនជាតិនៅលើឆាកអន្តរជាតិ នៅក្នុងកីឡាប៉េតង់ ។ តាមរយៈការផ្សព្វផ្សាយជាហូរហែ គឺក្រោយពីឈ្នះមេដាយមាសពិភពលោកនៅប្រទេសបារាំងកាលពីឆ្នាំ២០១៣ រាជ រដ្ឋាភិបាលបានដំឡើងឋានន្តរស័ក្តិលោកស្រីពី អនុសេនីយ៍ទោទៅជាអនុសេនីយ៍ឯក នៅក្នុងក្របខណ្ឌក្រសួងការពារជាតិ ។ កាលពីឆ្នាំ២០១៥ លោកស្រី កែ ឡេង ក៏ត្រូវបានដំឡើងឋាន ន្តរស័ក្តិពីអនុសេនីយ៍ឯកទៅវរសេនីយ៍ត្រី បន្ទាប់
ពីលោកស្រីដណ្តើមបានមេដាយមាសពិភព លោកនៅប្រទេសថៃ ។
លោកស្រី កែ ឡេង កីឡាការិនីអាយុ៥៧ឆ្នាំរូបនេះនិយាយថា ក្នុងពេលឡើងកាន់តែខ្ពស់ គឺគាត់កាន់តែភ័យ ដោយត្រូវប្រយ័ត្នទាំងឥរិយាបថ និងគិតទាំងស្នាដៃ ដើម្បីឲ្យប្រាកដក្នុងចិត្តថា តើត្រូវមានស្នាដៃបែបណាបន្តទៀត ដើម្បីជួយដល់វិស័យកីឡា ។ ក្រៅពីប្រឹងប្រែងក្នុងការហ្វឹកហាត់ ក្នុងពេលដែលគាត់មិនទាន់ចូលនិវត្តន៍ផ្នែកកីឡាប៉េតង់ គាត់ក៏នឹងពុះពារបណ្ដុះបណ្ដាលក្មេងៗជំនាន់ក្រោយឲ្យបានល្អដែរ ដើម្បីជួយដល់វិស័យកីឡា ។ ក្នុងនោះ ក៏មានទាំងការរៀបចំឥរិយាបថក្នុងនាមជាមនុស្សរបស់មហាជនផង ដែរ ដើម្បីកុំឲ្យមានពាក្យថា ក្រោយពេលមាន
យសស័ក្តិ លោកស្រីប្រែប្រួល ។
ជាមួយនឹងការតាំងចិត្ត អ្នកគាំទ្រយល់ថា លោកស្រី កែ ឡេង គឺជាកីឡាការិនីឆ្នើមដែល មានជំហរល្អគួរឲ្យសរសើរ បើទោះជាលោកស្រីបានឡើងឋានន្តរស័ក្តិជាបន្តបន្ទាប់ ផ្ទុយពីប្រវត្តិ
សិក្សាដែលលោកស្រីគ្មានឱកាសសិក្សាបានខ្ពស់ កាលពីអតីតកាល ។
លោកស្រី កែ ឡេង ត្រូវបានដំឡើងឋានន្តរស័ក្តិជាវរសេនីយ៍ឯក ក្រោយពីឈ្នះមេដាយមាសពិភពលោកលើកទី៣នៅប្រទេសចិន និងក្រោយពីឈ្នះមេដាយមាសក្នុងការប្រកួតកីឡាស៊ីហ្គេមនៅប្រទេសម៉ាឡេស៊ីកាលពីឆ្នាំ២០១៧ ។
អ្វីដែលគួរឲ្យកត់សម្គាល់ គឺកាលពីអំឡុងខែតុលា ឆ្នាំ២០១៨ ព្រះករុណាព្រះមហាក្សត្រ បានចេញ ព្រះរាជក្រឹត្យដំឡើងឋានន្តរស័ក្តិកីឡាការិនី កែ ឡេង ពីវរសេនីយ៍ឯកទៅជាឧត្តមសេនីយ៍ត្រី (ផ្កាយ១) ។
ប្រភពផ្លូវការបង្ហើបថា ប្រសិនបើពុំមានការប្រែប្រួលទេ លោកស្រីដែលទើបឈ្នះមេដាយមាសលើវិញ្ញាសាវាយយកពិន្ទុ (Shooting) ក្នុងការប្រកួតជើងឯកពិភពលោកយុវជននិងស្ត្រីនៅ កម្ពុជាកាលពីថ្ងៃទី២២ ខែវិច្ឆិកា ឆ្នាំ២០១៩ មុន ទំនងជាអាចត្រូវរាជរដ្ឋាភិបាល ពិសេស ក្រសួងការពារជាតិដំឡើងឋានន្តរស័ក្តិពីឧត្តម សេនីយ៍ត្រី(ផ្កាយ១) ទៅជាឧត្តមសេនីយ៍ទោ (ផ្កាយ២) ។ ការបង្ហើបដែលអាចទុកចិត្តបានបន្តថា លោកស្រីត្រូវបានថ្នាក់ដឹកនាំឯកភាពស្នើដំឡើងសម្រាប់ឋានន្តរស័ក្តិនេះរួចរាល់ហើយ តែរាជរដ្ឋាភិបាលជាពុំទាន់ចេញលិខិតជាផ្លូវការនៅឡើយទេ ទើបព័ត៌មាននេះនៅមិនទាន់មានការភ្ញាក់ផ្អើល ។
ប្រភពដដែលបន្តថា លោកស្រីស័កិ្តសមនឹងទទួលបានការលើកទឹកចិត្តនេះ បើទោះជាលោកស្រីបាននិយាយដោយត្រង់ថា មិនសូវបានរៀនសូត្រជ្រៅជ្រះ ដោយសារតែធំធាត់ក្នុងជីវភាពក្រីក្រ ហើយមិនបានសិក្សាខ្ពង់ខ្ពស់ ។
សម្រាប់ចំណេះដឹង លោកស្រីមិនសមនឹងឋានន្តរស័ក្តិផ្កាយ២ទេ ប៉ុន្តែអ្វីដែលលោកស្រីបានធ្វើឲ្យកម្ពុជាមានមុខមាត់ គឺស័ក្តិសមបំផុតនឹងការដំឡើងឋានន្តរស័ក្តិនេះ ក្រោយពីលោកស្រីនៅតែបន្តដណ្ដើមបានមេដាយលើឆាកអន្តរជាតិ។
លោកស្រី កែ ឡេង សុំមិនធ្វើការបកស្រាយពីដំណឹងខាងលើនេះទេ ដោយនិយាយថា នេះជាការងាររបស់ថ្នាក់លើ ប៉ុន្តែលោកស្រីអារម្មណ៍រំភើប ប្រសិនបើត្រូវបានដំឡើងឋានន្តរស័ក្តិដូវនោះមែន ។ លោកស្រីនឹងបន្តតស៊ូក្នុងកីឡាបេ៉តង់នេះ ដោយមិនផ្លាស់ប្ដូរទេ ទោះបីជាលោកស្រីមានវ័យជ្រេបន្តិចក្តី ។
គួរបញ្ជាក់ថា ភ្លាមៗក្រោយកីឡាការិនី កែ ឡេង ឈ្នះមេដាយមាស សម្តេចតេជោនាយក រដ្ឋមន្ត្រីហ៊ុន សែន បានសរសេរសារលើទំព័រហ្វេសប៊ុក ពីការអបអរជាមួយជ័យជម្នះដែលសម្តេចចាត់ទុកថាជាមោទនភាពជាតិ និង ជាប្រវត្តិសាស្ត្រដ៏កម្រនេះ ។ ការចាត់ទុកបែបនេះ ដោយសារសម្តេចយល់ថា សមិទ្ធផលនេះកើតឡើងក្នុងព្រឹត្តិការណ៍ដែលកម្ពុជាធ្វើម្ចាស់ផ្ទះលើកដំបូង និងម្យ៉ាងទៀត កែ ឡេង ជាកីឡាការិនីដំបូងគេបង្អស់ក្នុងពិភពលោកដែលបានឈ្នះមេដាយមាសពិភពលោក៤ជំនាន់ជាប់ៗគ្នា ៕ (កែសម្រួលដោយ ៖ បុប្ផា)
ចែករំលែកព័តមាននេះ