* មធ្យោបាយសាមញ្ញ
នៅរាជាណាចក្រមួយនោះ ព្រះរាជធីតា ដែលជាបុត្រីទោលរបេស់ព្រះរាជា សុខៗ ស្រាប់តែកើតជំងឺ“សោយច្រើន” មួយថ្ងៃៗ គិតតែពីសោយ សោយហើយសោយទៀត អស់ពីមួយមុខដល់មួយមុខ ធ្វើឱ្យព្រះកាយ រីកប៉ោងដូចគេសប់ ។ ព្រះរាជាប្រើគ្រប់ មធ្យោបាយក្នុងការព្យាបាលបុត្រីសំឡាញ់ តែគ្មានវេជ្ជបណ្ឌិតណាជួយបុត្រីព្រះអង្គបាន។
នៅរាជាណាចក្រមួយនោះ ព្រះរាជធីតា ដែលជាបុត្រីទោលរបេស់ព្រះរាជា សុខៗ ស្រាប់តែកើតជំងឺ“សោយច្រើន” មួយថ្ងៃៗ គិតតែពីសោយ សោយហើយសោយទៀត អស់ពីមួយមុខដល់មួយមុខ ធ្វើឱ្យព្រះកាយ រីកប៉ោងដូចគេសប់ ។ ព្រះរាជាប្រើគ្រប់ មធ្យោបាយក្នុងការព្យាបាលបុត្រីសំឡាញ់ តែគ្មានវេជ្ជបណ្ឌិតណាជួយបុត្រីព្រះអង្គបាន។ ទីបំផុត ព្រះរាជាប្រកាស ៖ “អ្នកណាអាច ព្យាបាលបុត្រីយើងឱ្យសះស្បើយពីជំងឺចម្លែក នេះបាន យើងនឹងប្រទានរង្វាន់ជាមាសប្រាក់ ដ៏មហាសាល” ។ មានគ្រូពេទ្យល្បីល្បាញ ជាច្រើនរូប សុំខ្លួនព្យាបាលថ្វាយព្រះនាង តែក៏គ្មានគ្រូពេទ្យមួយណាសំរេចស្នាដៃអ្វី បាន ។ ព្រះរាជាកាន់តែបារម្ភខ្លាំងមែនទែន។
ស្រាប់តែថ្ងៃមួយមានបុរសម្នាក់ទៅពី ប្រទេសផ្សេងទូលថ្វាយព្រះរាជាថា បើឱ្យព្រះរាជធីតាយាងធ្វើទេសចរណ៍ក្នុងប្រទេស ខ្លួនត្រឹមមួយខែ ធានាថាព្រះនាងនឹងជាជំងឺ ដោយព្រះអង្គឯង មិនបាច់ប្រើថ្នាំអ្វីទាំងអស់ ។ ឮដូច្នេះ ព្រះរាជាត្រេកអរណាស់ ឱ្យរាជបុត្រីយាងទៅធ្វើទេសចរណ៍កំសាន្ដនៅប្រទេសបុរសនោះភ្លាម ។
ពិតដូចការអះអាងមែនមិនដល់មួយខែ ផង ព្រះរាជធីតាត្រឡប់ចូលប្រទេសវិញ ក្នុងសភាពជាមនុស្សធម្មតាលែង“ស្រេកឃ្លាន សោយច្រើន” ទៀត ។ ព្រះរាជាត្រេកអរ ហួសប្រមាណសួរបុរសចម្លែកៈ
-ប្រទេសអ្នកឯងមានរបស់អីបានជា គ្រាន់តែដើរកំសាន្ដមិនដល់មួយខែផងបុត្រី យើងជាជំងឺដូចគេបេះយ៉ាងនេះ ?
បុរសចម្លែកទូលតប ៖
-ក្រាបទូលព្រះអង្គ ខាងប្រទេសទូលបង្គំ មានលក្ខណៈចម្លែកមួយ គឺមនុស្សភាគច្រើន ខំដោះស្រាយតែ“រឿងចូល” អត់គិតដល់ “រឿងចេញ” ទេ ត្រូវវការ“បញ្ចេញ”ម្ដងៗ រត់តែពាស ខ្លះអែបៗគល់ឈើ ខ្លះអង្គុយ បាំងៗគុម្ពោតស្មៅ…។ ក្នុងការយាងកំសាន្ដ ទតទេសភាពផ្សេងៗរបស់ព្រះរាជធីតា ទៅ ដល់ណាក៏មានការសោយ តែបើសោយហើយ ត្រូវមានការដោះស្រាយ“រឿងចេញ” ទាស់់ តែនៅប្រទេសទូលបង្គំរកបង្គន់សាធារណៈ ពិបាកជាងរកកំណប់មាសទៅទៀត ដល់ អ៊ីចឹងទៅព្រះរាជធីតាលែងហ៊ានសោយ ទ្រាំ អត់ទាល់តែត្រឡប់មកដល់សណ្ឋាគារវិញ។ ដោយហេតុថ្ងៃណាក៏ទ្រាំអត់ហ៊ានសោយ ទើបក្លាយជាទម្លាប់លែងនឹកចង់សោយ ទៀត។
ព្រះរាជាទ្រង់ព្រះសម្រួលយ៉ាងខ្លាំង ៖
-ពិតជាចម្លែកមែន ដោយសាររកកន្លែង ដោះស្រាយ “បញ្ចេញ” មិនបានទើីបបុត្រី យើងដើរលេងអត់ហ៊ានសោយអ្វីទាំងអស់ មិននឹកស្មានថាថ្ងៃណាក៏ប្រឹងអត់ធ្មត់អត់ហ៊ាន “បញ្ចូល” បែរជាជួយឱ្យបុត្រីយើងជាសះ ស្បើយជំងឺចម្លែកទៅវិញ ។ អ្នកឯងស័ក្ដិសម បានទទួលរង្វាន់មហាសាលមែន ។ សូម អរគុណ !
ពេលផឹកស្រាស្ទើរបើកភ្នែកលែងរួចដូច គ្នា បុរសម្នាក់និយាយ ៖
-គេថាផ្ទៃព្រះចន្ទអាចផ្ទុកមនុស្សបាន រាប់រយលាននាក់ឯណោះ ពួកយើងល្មមទៅ នៅលើឋានព្រះចន្ទម្ដងហើយ ទីនោះត្រជាក់ ស្រួលណាស់ ។
បុរសម្នាក់ឆ្លើយវិញ ៖
-អ្នកណាចង់ទៅ ទៅចុះ… ខ្ញុំមិនហ៊ាន ទៅទេ ។
-ម៉េចអ៊ីចឹង ?
-គិតមើល ឡើងទៅនៅរាប់រយលាន នាក់ ដល់ពេលព្រះចន្ទរនោចសល់តែបន្ដិច មិនធ្លាក់ត្រឡប់ក្បាលមកផែនដីវិញទេឬ ?
-អើ មែន !
ស្ដ្រីចំណាស់ម្នាក់ត្រឡប់ពីផ្សារវិញ ឃើញអាវប្រឡាក់ឈាមមួយព្យួរត្រង់មាត់ទ្វារ ។ គាត់គិតថា ប្រហែលអ្នកណាចង់កំប្លែងលេង ជាមួយគាត់ ក៏យកអាវនោះទៅចោលក្នុងធុងសម្រាម ។ លុះថ្ងៃត្រង់ ទូរស័ព្ទលើតុរោទ៍ឡើង សម្លេងគ្រលរៗមួយនិយាយគំរាម ៖
-មុនម៉ោង៨យប់ បើអាវប្រឡាក់ឈាមនោះ បោកមិនស្អាតទេប្រយ័ត្ន…
ស្ដ្រីចំណាស់ភិតភ័យប្រញាប់រត់ទៅយក អាវប្រឡាក់ឈាមពីធុងសំរាមមកបោកគក់ តែធ្វើយ៉ាងណាក៏មិនបាត់ស្នាមឈាម។ លុះម៉ោង៥ល្ងាច សម្លេងដដែលគំរាមតាមទូរស័ព្ទ ទៀត តម្រូវឱ្យត្រូវតែបោកឱ្យស្អាតមុនម៉ោង ៨យប់ជាដាច់ខាត ។ ស្ដ្រីចំណាស់កាន់តែ ភ័យខ្លាំងឡើង ខំបោកអាវប្រឡាក់ឈាមជា លើកទីពីរ ។ ដល់ម៉ោង៨យប់អ្នកគំរាម ស្រែកសួរតាមទូរស័ព្ទ ៖
-ម៉េចដែរ បោកស្អាតហើយនៅ ? អីក៏ ល្ងង់ម្ល៉េះ ម៉េចមិនប្រើសាប៊ូម៉ាក… ទៅមាន តែសាប៊ូហ្នឹងទេទើបបោកស្អាត ឃើញថ្មី ចែស !
បុរសម្នាក់ចូលធ្វើការងារក្នុងក្រុមហ៊ុន មួយ បាន២ថ្ងៃក៏សួរបុគ្គលិកដែលធ្វើការនៅ ទីនោះមុនខ្លួនរាប់ខែៈ
-ម្សិលមិញ ខ្ញុំឃើញលោកនាយកជេរ បញ្ចោរបងម្នាក់យ៉ាងចាស់ដៃ តែជេររួចគាត់ លូកហោប៉ៅយកលុយមួយកំភ្លូសហុចឱ្យចាយ ម៉េចអ៊ីចឹង ?
-ចរិតលោកនាយកយើងអ៊ីចឹងហើយ ជេរឆ្អែតឱ្យលុយចាយធម្មតា ។
ឮដូច្នេះ បុរសជាបុគ្គលិកថ្មីសប្បាយចិត្ដ ណាស់ ខំរកមធ្យោបាយធ្វើឱ្យលោកនាយក ជេរ ដឹងអីជេរឆ្អែតលោកនាយកដេញឱ្យ ឈប់ធ្វើការបណ្ដោយ ។ បុរសបុគ្គលិកថ្មីឆ្ងល់ ពេក ស្កាត់ទៅជួបអ្នកដែលខ្លួនសួរថ្ងៃមុន ៖
-បងឯងនិយាយម្ដងទៀតមើល ត្រូវជេរ ដូចគ្នា ហេតុម៉េចម្នាក់នោះបានលុយចាយ ចំណែកខ្ញុំបែរជាត្រូវបណ្ដេញឱ្យឈប់ធ្វើការ?
-មកពីម្នាក់នោះជាកូនប្រុសគាត់ ចំណែក បងឯងអ្នកផ្សេង ប្រៀបធៀបគ្នាម៉េចកើត?
យមបាលនាំព្រលឹងយុវជន៣នាក់ចូល គាល់យមរាជ ។ បើកបញ្ជីមរណៈមើលរួច យមរាជសួរព្រលឹងទាំងបីដោយងឿងឆ្ងល់ៈ
-អ្នករាល់គ្នាមិនទាន់អស់អាយុសង្ខារទេ ហេតុម៉េចនាំគ្នាចុះមកទីនេះ ?
ព្រលឹងយុវជនទីមួយតប ៖
-ក្រាបទូល, ម្សិលមិញទូលបង្គំនិង សង្សារណាត់ជួបគ្នាត្រង់កន្លែងមួយ ។ ទូល បង្គំទៅដល់កន្លែងណាត់តាមម៉ោងកំណត់ តែ រូបនាងមិនដឹងមានការអីអត់ឃើញមក សោះ ។ អន្ទះសាពេក ទូលបង្គំដើរទៅដើរ មកលើចិញ្ចើមថ្នល់ស្រាប់តែគ្រឹប! សន្លប់ស្ដូក លុះដឹងខ្លួនវិញ ឃើញជាប់ឈ្មោះនៅទីនេះ ព្រោះស្លាប់ដោយសារធ្លាក់ចូលលូអត់គំរប ។
យមរាជសួរព្រលឹងយុវជនទីពីរៈ
-ចុះអ្នកឯង ?
-ក្រាបទូល, ម្សិលមិញទូលបង្គំណាត់ជួប សង្សារដែរ ទៅដល់កន្លែងណាត់មិនឃើញ នាងមកក៏ឈរផ្អែកបង្គោលភ្លើងសម្រាក កំលាំងត្រូវអគ្គិសនីឆក់ស្លាប់ ។ តាមពិត បង្គោលភ្លើងនោះច្រែះចាប់ ឯខ្សែភ្លើងរលាត់ ស្រោមលៀនចេញក្រៅគួរឱ្យខ្លាច តែទូល បង្គំមិនបានពិនិត្យមើលទើបរងគ្រោះដូច្នេះ។
យមរាជសួរព្រលឹងយុវជនទីបី ៖
-ចុះអ្នកឯង ?
ក្រាបទូល, ម្សិលមិញទូលបង្គំណាត់ជួប សង្សារនៅសួនច្បារមួយ ពេលកំពុងឈរចាំ សង្សារស្រាប់តែមេឃចាប់ផ្ដើមធ្លាក់ភ្លៀង និងមានខ្យល់កួច ។ ទូលបង្គំមិនទាន់រក កន្លែងជ្រកភ្លៀងបានផង ក៏ត្រូវមែកឈើប៉ុន ភ្លៅបាក់ធ្លាក់ចំក្បាលបណ្ដាលឱ្យធ្លាយខួរ… មកដល់កន្លែងព្រះអង្គតែម្ដង ។
យមរាជដកដង្ហើមវែង ៖
-អ្នកទាំងបីស្លាប់ក្រឡុញឆឹកព្រោះរឿង ស្នេហាដូចគ្នា ។ យើងអាណិតណាស់ដែល ចង់សប្បាយមិនបានសប្បាយ ។ ដូច្នេះយើង អនុញាតឱ្យត្រឡប់ទៅឋានកណ្ដាលម្ដង ទៀតចុះតែកុំឱ្យមានករណីបែបនេះជាលើកទីពីរឱ្យសោះ ។ ចេះប្រយ័ត្ន្នខ្លួនផង ។ យើង គ្មានសិទ្ធិហៅលោកសាធារណការនិងលោកអគ្គិសនីនៅឋានកណ្ដាលមកសួរដេញដោល រកយុត្ដិធម៌ឱ្យទេ .
ស្ដ្រីមានប្ដីបីនាក់និយាយប្រាប់គ្នា ៖
-ប្ដីគ្នាធ្វើការខាងកុំព្យូទ័រ ពេលថ្ងៃគោះ ច្រើនពេកយប់ឡើងមមើគោះហើយគោះ ទៀត រកតែដេកលក់ស្រួលមិនបាន ។
-ប្ដីគ្នាក៏អ៊ីចឹង គាត់ធ្វើការនៅរោងចក្រ ខាងផ្នែកមួលខ្ចៅ យប់ឡើងងាកមួលៗ ជួនកាលគ្នាទើបរលីវៗត្រូវមួលភ្ញាក់ព្រើត។
-ដូចគ្នាម្ល៉េះ ? ប្ដីគាត់ក៏អ៊ីចឹងដែរ ។ ប្ដីគ្នាជាកីឡាករបាញ់កាំភ្លើង ហេតុនេះយប់ឡើង ងាកបាញ់មួយៗ ធ្វើឱ្យគ្នាដេកមិនដែលពេញ ភ្នែកស្រួលបួលទេ ៕
ចែករំលែកព័តមាននេះ