រាជធានីភ្នំពេញ ៖ ក្រុមហ៊ុន Samsung កាលពីល្ងាចថ្ងៃទី ២១ មិថុនា នេះបានរៀបចំកម្មវិធីសម្ពោធផលិតផលថ្មីរបស់ខ្លួនជាផ្លូវការក្នុងគោលបំណង ដើម្បីណែនាំផលិតផលបច្ចេកវិជ្ជាថ្មីនេះ ដល់គ្រួសារទាន់សម័យ និងជប់លៀងថ្លែងអំណរគុណដល់ដៃគូចែកចាយរបស់ខ្លួន ព្រមទាំងមានការចាប់រង្វាន់ផ្តល់ជួនដល់អតិថិជនបានគាំទ្រជាច្រើន ហើយម្យ៉ាងទៀត ដើម្បីពង្រឹងទំនាក់ទំនងឲ្យកាន់តែរឹងមាំក្នុងការចាប់ដៃគ្នាដើរលើវិថីនៃភាពជោគជ័យគ្មានទីបញ្ចប់។ ពីធីសម្ពោធផលិតផលទំាងពីរនេះ ធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ ដោយមានការអញ្ចើញចូលរួមពីលោក ហ្គីហាន់លី នាយកគ្រប់គ្រងថៃសំាសុង អេឡិចត្រូនិក ប្រចំាកម្ពុជា និងឡាវ រួមទំាងតំណាងចែកចាយផលិតផលសំាសុងជាច្រើនផ្សេងទៀត។
លោក ហ្គីហាន់លី នាយកគ្រប់គ្រងថៃសំាសុង អេឡិចត្រូនិក ប្រចំាកម្ពុជា និងឡាវ មានប្រសាសន៍ថា ព្រឹត្តិការណ៍ថ្ងៃនេះ មានគោលបំណង២ សំខាន់ៗ៖ ទី១- គឺកម្មវិធីជប់លៀងសម្រាប់ដៃគូចែកចាយទំាងអស់ ដើម្បីបង្ហាញពីការដឹងគុណ ក៏ដូចជា សូមអរគុណអស់ពីចិត្ត ចំពោះការខិតខំប្រឹងប្រែងជាមួយក្រុមហ៊ុន សំាសុង និងទី២- គឺការបង្ហាញផលិតផលបច្ចេកវិជ្ជាច្នៃប្រឌិតថ្មី២ របស់សំាសុង សម្រាប់គ្រួសារទាន់សម័យ គឺទូរទឹកកក Samsung Food Showcase និងម៉ាស៊ីនបោកសម្លៀកបំពាក់ Samsung ww ៩០០០។
ទូរទឹកកក Samsung Food Showcase បានរចនាឡើង ដើម្បីអនុញ្ញាតឲ្យប្រើប្រាស់តាមកម្រិតដែលពូកគេចង់ប្រើ ដោយមានការចែកជាថ្នាក់ៗដ៏ឆ្លាកវៃនៅក្នុងទូរទឹកកក។ ការបង្កើតថ្មីនេះ ផ្តោតយ៉ាងសំខាន់លើផ្នែក Showcase និង InnerCase ។ ដោយផ្នែក Showcase សម្រាប់ដាក់របស់ដែលត្រូវការជាញឹកញាប់ ដូចជា ភេសជ្ជៈជាដើម ចំណែក InnerCase វិញ គឺសម្រាប់ទុកដាក់គ្រឿងផ្សំផ្សេងៗដែលទុកបានយូរ។
លោកបន្ថែមថា ផ្នែក Showcase ត្រូវបានបង្កើតឡើងសម្រាប់រៀបចំ និងការប្រើប្រាស់លើផ្នែកម្ហូបអាហារមានភាពងាយស្រួលត្រូវបានបែងចែកជា៣ផ្នែក ថតលើដាក់ម្ហូបអាហារ ថតកណ្តាលដាក់ទឹកជ្រលក់ ឬប័រ និងថតក្រោមសម្រាប់ដាក់ភេសជ្ជៈ រួមទំាងចំណីសម្រាប់កុមារ ដើម្បីបង្កភាពងាយស្រួលក្នុងទាញរបស់នៅថតក្រោមបាន ដោយមិនមានការបារម្ភ ។ InnerCase បង្កើតឡើង ដើម្បីរក្សាទុកម្ហូបអាហារ ឬសាច់បន្លែ និងផ្លែឈើ ជាលទ្ធផលវាអាចរក្សាភាពស្រស់ល្អនៃផ្លែឈើ និងបន្លែ។
និយាយអំពីម៉ាស៊ីនបោកសម្លៀកបំពាក់ Samsung ww ៩០០០ អ្នកប្រាកដជាភ្ញាក់ផ្អើលជាមួយនឹងការរចនារូបរាងតូចច្រលឹងយ៉ាងប្រណីត សមឥតខ្ចោះជាមួយនឹងគេហដ្ឋានដ៏ទំនើបរបស់លោកអ្នក ជាមួយនិងប្រព័ន្ធដំណើរការដ៏ឆ្លាតវៃ ។ ម៉ាស៊ីនបោកសម្លៀកបំពាក់ Samsung ww ៩០០០ថ្មីនេះ នឹងផ្លាស់ប្តូរបទពិសោធន៍ វិធីបោកសម្លៀកបំពាក់មានភាពងាយស្រួល ដោយធ្វើការបញ្ជានៅលើអេក្រង់ Touch Screen ដែលអនុញ្ញាតឲ្យអ្នកជ្រើសរើស និងកំណត់បាន។ លើសពីនេះ វាក៏មានបំពាក់នូវបច្ចេកវិជ្ជា ecobubble បោកត្រជាក់អាចជួយសន្សំសំចៃថាមពលបានខ្ពស់ និងនៅមានលក្ខណៈ ពិសេសជាច្រើនដូចជា សម្លេងស្ងាត់ល្អ កម្រិតញ័រតិច ប្រព័ន្ធដំណើរការអស្ចារ្យ និងនូវមានចំណុចពិសេសៗជាច្រើនទៀត។ ហើយអ្វីដែលអស់ទាស់នោះ គឺអ្នកប្រើប្រាស់អាចបញ្ញាបោកសម្លៀកបំពាក់តាមរយៈទូរស័ព្ទដៃស្មាតហ្វូនផងដែរ។ Samsung Electronics co., Ltd គឺជាក្រុមហ៊ុននាំមុខគេក្នុងពិភពលោក លើផលិតផលបច្ចេកវិជ្ជាដ៏សម្បូរបែបតាមរយៈការបង្កើតថ្មី និងរបកគំហើញឥតឈប់ឈរ។ យើងមានបុគ្គលិកចំនួន២៨៦.០០០នាក់ នៅទូទាំង៨០ប្រទេស ដោយមានបរិមាណលក់ប្រចាំឆ្នំាចំនួន២១៦.៧ពាន់លានដុល្លារអាមេរិក។ ព័ត៌មានបន្ថែមសូមមើលគេហទំព័រ www.samsung.com៕
ចែករំលែកព័តមាននេះ