ការចាប់ឆ្នោត និងពិធីប្រគល់រង្វាន់ដល់អ្នកឈ្នះក្នុងការបង់ថ្លៃសេវាកម្មប្រើប្រាស់អ៊ីនធើរណេតឌីជី តាមរយៈ Pay&GO បានរៀបចំធ្វើយ៉ាងកក់ក្តៅ កាលពីថ្ងៃទី១៩ ខែមិថុនា ឆ្នាំ២០១៤ ដោយមានការចូលរួមដោយផ្ទាល់ពីអ្នកតំណាង និងថ្នាក់ដឹកនាំនៃក្រុមហ៊ុនទាំងពីរ។
ក្រោយពីការប្រកាស និងលើកទឹកចិត្តឲ្យអតិថិជនឌីជីទាំងអស់ឲ្យបង់វិក័យបត្រតាមរយៈសេវាកម្ម Pay&GO ដើម្បីឈ្នះរង្វាន់ ដែលបានធ្វើឡើងនៅចន្លោះថ្ងៃទី២១ ខែមេសា ដល់ថ្ងៃទី១០ ខែមិថុនា ឆ្នាំ២០១៤ កន្លងមកនេះ នៅទីបំផុតកម្មវិធីផ្តល់រង្វាន់លើកនេះ បានរកឃើញអ្នកមានសំណាងទាំងដប់រូប ដើម្បីចូលរួមក្នុងការចាប់ឆ្នោតចុងក្រោយនៅក្រុមហ៊ុនឌីជីអ៊ីនធើរណេត។ ដើម្បីឲ្យកម្មវិធីកាន់តែរំជួលចិត្តទៀតនោះ ក្រុមហ៊ុនទាំងពីរបានអញ្ជើញអ្នកមានសំណាងទាំងដប់រូបមកចូលរួមនៅក្នុងកម្មវិធីចាប់ឆ្នោតដោយផ្ទាល់រួមគ្នា នៅថ្ងៃទី១៩ ខែមិថុនា ឆ្នាំ២០១៤ ដោយម្នាក់នៅក្នុងចំណោមពួកគេនឹងទទួលបាន iPad មួយគ្រឿង ឯប្រាំបួននាក់ផ្សេងទៀត ក៏បានទទួលរង្វាន់លើកទឹកចិត្តពីក្រុមហ៊ុនផងដែរ។ ម្ចាស់រង្វាន់ iPad ឈ្មោះលាង រ៉ាទី ដែលជាអតិថិជនឌីជី ក៏បានបង្ហាញពីអារម្មណ៍ដ៏រីករាយដែលខ្លួនមិនត្រឹមតែបានប្រើនូវសេវាកម្មអ៊ីនធើរណេតដែលមានល្បឿនលឿន ព្រមទាំងការផ្តល់ជូននូវសេវាកម្មផ្សេងៗរាប់មិនអស់ប៉ុណ្ណោះទេ ថែមទាំងបានទទួលនូវរង្វាន់នៅពេលដែលខ្លួន គ្រាន់តែបង់វិក័យបត្រតាមរយៈម៉ាស៊ីន PayGo ថែមទៀត។ អ្នកទទួលបាននូវរង្វាន់លើកទឹកចិត្តដទៃទៀត ក៏បានប្រាប់ផងដែរថា វាកាន់តែមានភាពងាយស្រួលនៅពេលដែលពួកគេអាចប្រើអ៊ីនធើរណេត ហើយមិនចាំបាច់ចំណាយពេលយូរនៅក្នុងការបង់វិក័យបត្រ ព្រោះថា ពួកគេម្នាក់ៗសុទ្ធសឹងតែជាមនុស្សរវល់ ហើយភាគច្រើនចំណាយពេលធ្វើការ ដោយមិនសូវមានពេលទំនេរ ដូចនេះនៅពេលដែលក្រុមហ៊ុនទាំងពីរមានការសហការគ្នាបែបនេះ វាពិតជាបង្កើតភាពងាយស្រួលសម្រាប់ពួកគេពិតប្រាកដមែន។ ហើយនេះជាកំណត់សម្គាល់មួយ ដែលបង្ហាញពីការរីកចម្រើននៃការផ្តល់ និងការប្រើប្រាស់ សេវាកម្ម និងបច្ចេកវិទ្យានៅក្នុងសង្គម ដែលសម្រួលដល់ការរស់នៅប្រចាំថ្ងៃរបស់ប្រជាជនខ្មែរ។ ហើយដើម្បីយល់ច្បាស់ពីការប្រើប្រាស់សេវាកម្ម Pay&Go អ្នកអាចចូលទៅកាន់គេហទំព័រ www.paygo24.com នោះអ្នកនឹងដឹងថា អ្វីជាភាពងាយស្រួល។
ការចាប់ឆ្នោតនេះដែរ គឺជាលើកទីពីរហើយ ដោយគ្រាន់តែរាប់នៅត្រឹមពាក់កណ្តាលឆ្នាំ២០១៤ ហើយនេះក៏បញ្ជាក់ឲ្យឃើញពីការយកចិត្តទុកដាក់របស់ក្រុមហ៊ុនក្នុងការលើកទឹកចិត្តអតិថិជន ដោយមិនត្រឹមតែពង្រឹងនូវសេវាកម្មដ៏ល្អ ប៉ុន្តែក្រុមហ៊ុនបានសម្រួល និងបង្កើតកម្មវិធីជាច្រើនសម្រាប់អតិថិជនរបស់ខ្លួន។ ដោយឡែកចំពោះអ្នកដែលមានចំណាប់អារម្មណ៍នឹងកម្មវិធី ព្រមទាំងការប្រើប្រាស់អ៊ីនធើរណេតទាំងអស់ ឲ្យចូលទៅកាន់គេហទំព័រ www.digi.com.kh ឬទំព័រហ្វេសប៊ុក www.facebook.com/digiclub ដើម្បីតាមដាន និងទទួលបានដំណឹងអំពីឱកាសឈ្នះក្រោយៗ ព្រមទាំងអំពីការបន្ថែមជូនពិសេសៗពីក្រុមហ៊ុន បានកាន់តែច្រើនបន្ថែមទៀត។
ចែករំលែកព័តមាននេះ