ម្ចាស់ចុះទិញផ្លែឈើមួយភ្លែតសោះ ងាកមកវិញមិនដឹងឡានទៅណាបាត់
- ព្រះសីហនុ
ខេត្តព្រះសីហនុ ៖ តាមរបាយការណ៍របស់សមត្ថកិច្ចបានឱ្យដឹងថា កាលពីវេលាម៉ោង១១និង៣០នាទីយប់ថ្ងៃទី៤ មករា ឆ្នាំ២០២០ នៅចំណុចក្រុមទី១៤ ភូមិ៤ សង្កាត់៤ ក្រុងព្រះសីហនុ…
ខេត្តព្រះសីហនុ ៖ តាមរបាយការណ៍របស់សមត្ថកិច្ចបានឱ្យដឹងថា កាលពីវេលាម៉ោង១១និង៣០នាទីយប់ថ្ងៃទី៤ មករា ឆ្នាំ២០២០ នៅចំណុចក្រុមទី១៤ ភូមិ៤ សង្កាត់៤ ក្រុងព្រះសីហនុ…
ខេត្តព្រះសីហនុ ៖ តាមរបាយការណ៍របស់សមត្ថកិច្ចបានឱ្យដឹងថា កាលពីវេលាម៉ោង១១និង៣០នាទីយប់ថ្ងៃទី៤ មករា ឆ្នាំ២០២០ នៅចំណុចក្រុមទី១៤ ភូមិ៤ សង្កាត់៤ ក្រុងព្រះសីហនុ មានករណីលួចរថយន្តមួយគ្រឿងម៉ាកហាយឡែនឌ័រ ពណ៌ត្រាវ ពាក់ស្លាកលេខ ព្រះសីហនុ ២A-៧៨១០ របស់បុរសជនជាតិចិនម្នាក់ ខណៈពេលដែលជនរងគ្រោះចុះពីរថយន្តទៅទិញផ្លែឈើដោយមិនបានពន្លត់ម៉ាស៊ីនរថយន្ត ស្រាប់តែមានជនសង្ស័យម្នាក់បានបើករថយន្តនោះគេចបាត់តែម្តង ។
តាមប្រភពដដែលបានឱ្យដឹងបន្តថា បន្ទាប់ពីបានទទួលដំណឹងខាងលើនេះភ្លាម កម្លាំងជំនាញនៃស្នងការដ្ឋាននគរបាលខេត្តព្រះសីហនុ បានសហការគ្នា ធ្វើការរុករក និងដាក់កម្លាំងស្ទាក់ចាប់នៅតាមគោលដៅសំខាន់ៗនិងតាមបណ្តោយផ្លូវជាតិ៤ ។
តាមប្រភពដដែលបានឱ្យដឹងបន្តទៀតថា រហូតដល់វេលាម៉ោង១២និង៣០នាទីរំលងអធ្រាត្រឈានចូលថ្ងៃទី៥ មករា ឆ្នាំ២០២០ ជនសង្ស័យបានបើករថយន្តដែលលួចបាននោះសំដៅទៅរាជធានីភ្នំពេញ ពេលដល់ស្រុកព្រៃនប់ ក៏ឆ្លងកាត់កន្លែងត្រួតពិនិត្យរបស់កម្លាំងសមត្ថកិច្ច ហើយក៍នាំគ្នាស្ទាក់ហៅអ្នកបើករថយន្តអោយឈប់ តែជនសង្ស័យមិនព្រមឈប់ រួចបានបន្ថែម ល្បឿនបុកទម្លុះកន្លែងត្រួតពិនិត្យរបស់កម្លាំងសមត្ថកិច្ច តែមិនបណ្តាលអោយគ្រោះថ្នាក់ដល់កម្លាំងសមត្ថកិច្ចនោះទេ ដោយសារបានត្រៀមលក្ខណ:ជាមុន ហើយកម្លាំងសមត្ថកិច្ចក៏បានបើករថយន្តដេញតាមរហូតស្ទាក់ចាប់ឃាត់ខ្លួនបានជនសង្ស័យតែម្តង ។
តាមប្រភពដដែលបានឱ្យដឹងបន្តទៀតថា ជនរងគ្រោះឈ្មោះ WANG QIFU ភេទប្រុស អាយុ៤២ឆ្នាំ ជនជាតិចិន មុខរបរលក់ដូរ ស្នាក់នៅ ភូមិ៤ សង្កាត់៤ ក្រុងព្រះសីហនុ បានបាត់បង់ រថយន្ត១គ្រឿងម៉ាកហាយឡែនឌ័រ ពណ៌ត្រាវ ពាក់ស្លាកលេខ ព្រះសីហនុ ២A-៧៨១០ ។
ចំណែកជនសង្ស័យឈ្មោះ សុវណ្ណ សេងលៀង ភេទប្រុស អាយុ២៧ឆ្នាំ មុខរបរជាងដែក មានទីលំនៅភូមិអូរឧកញ៉ាហេង ឃុំអូរឧកញ៉ា ហេង ស្រុកព្រៃនប់ ខេត្តព្រះសីហនុ ។ រីឯវត្ថុតាងចាប់យកបានរួមមានរថយន្ត១គ្រឿង ម៉ាកហាយឡែនឌ័រ ពណ៌ត្រាវ ពាក់ស្លាកលេខ ព្រះសីហនុ ២A-៧៨១០ ។
បច្ចុប្បន្ន កម្លាំងជំនាញការិយាល័យនគរបាលព្រហ្មទណ្ឌកម្រិតស្រាលកំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីផ្តន្ទាទោសតាមច្បាប់ ៕ (កែសម្រួលដោយ ៖ ធីតា)
ចែករំលែកព័តមាននេះ