ខេត្តបន្ទាយមានជ័យ ៖ បុរសម្នាក់បានកាន់ដបសាំងដើរចូលគ្លីនិកមួយកន្លែងរួចចាក់សាំងដុតឱ្យឆេះផ្អើលទាំងកណ្តាលថ្ងៃទី៦ មករា ។ ទោះជាបែបណា គេមិនទាន់ដឹងមូលហេតុភ្លាមៗនោះទេ ។ទីតាំងកើតហេតុនៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ដែលមានម្ចាស់គ្លីនិកឈ្មោះ មុល សារី ប្រពន្ធឈ្មោះ ជ្រឹង ចន្ធូ ។
តាមស្ត្រីម្ចាស់ទីតាំងប្រាប់តាមទូរស័ព្ទថា មុនកើតហេតុបុរសម្នាក់ជាអ្នកភូមិជាមួយគ្នាបានដើរចូលទៅក្នុងគ្លីនិករបស់គាត់ និងកាន់ប្រេងសាំង១ដបទឹកបរិសុទ្ធចំណុះ១លីត្រកន្លះ រួចចាក់ស្រោចក្នុងបន្ទប់ខាងមុខហើយដុតឱ្យឆេះតែម្តងបាននាំគ្នាជួយពន្លត់ ។ ស្ត្រីខាងលើប្រាប់ថាករណីដុតឱ្យឆេះនេះគាត់ពុំមានគ្រោះថ្នាក់ទេព្រោះរត់គេចទាន់ប៉ុន្តែឆេះខូចខាតទ្រព្យសម្បត្តិមួយចំនួន ។
្ត្រីម្ចាស់គ្លីនិកខាងលើអះអាងថា គាត់មិនដែលមានទំនាស់អ្វីជាមួយ បុរសជាអ្នកបង្កហេតុនេះឡើយ និងស្គាល់ត្រឹមកន្លងមកធ្លាប់ ឲ្យគ្រួសារគាត់ព្យាបាលជំងឺតែប៉ុណ្ណោះ ។ ទោះយ៉ាងណាជនបង្កត្រូវកម្លាំងកងរាជអាវុធហត្ថស្នាក់ការសន្តិសុខ៥៦៨ ក្រុងប៉ោយប៉ែតឃាត់ខ្លួនបានហើយ ។ លោក ស សុភ័ក្ត្រា ប្រធានស្នាក់ការសន្តិសុខ៥៦៨ អាវុធហត្ថក្រុងប៉ោយប៉ែតប្រាប់តាមទូរស័ព្ទថាជនបង្កហេតុឱ្យមានការភ្ញាក់ផ្អើលនោះខាងលោកឃាត់ខ្លួនបានហើយ ប៉ុន្តែមិនទាន់ដឹងពីមូលហេតុនៅឡើយទេព្រោះកំពុងសាកសួរនៅឡើយ ។
គួរបញ្ជាក់ថា សមត្ថកិច្ចចាប់ខ្លួនបុរសរូបនេះក្នុងបទចោទប្រកាន់ ចាក់សាំងដុតកន្លែងកើតហេតុព្រោះខ្លួនខឹងរឿងកន្លងមកពេលទៅព្យាបាលនៅទីនោះ ។ តែអ្នកស្រុកថាជននេះមានសតិមិនសូវគ្រប់ទេ ។តាមព័ត៌មានចុងក្រោយដែលទទួលបានឱ្យដឹងថា ជនបង្កឈ្មោះ អូន ម៉ាឡា ភេទប្រុស អាយុ៨ឆ្នាំ មុខរបររើសអេតចាយ មានទីលំនៅក្នុងភូមិសង្កាត់កើតហេតុ ។
តាមសមត្ថកិច្ចប្រាប់ថាក្រោយបញ្ចប់និតិវិធីសួរនាំនិងកសាងសំណុំរឿងបញ្ជូនទៅទីបញ្ជាការអាវុធហត្ថខេត្តដើម្បីចាត់ការតាមនីតិវិជីច្បាប់ ។ចំពោះមូលហេតុដែលបុរសរូបនេះយកសាំងចាក់ដុតមុខគ្លីនិកនេះមិនមានការបង្ហាញពីចំណុចណាមួយឱ្យពិតប្រាកដនោះឡើយ គ្រាន់តែថា ជននេះចោទគ្លីនិកផ្តេសផ្តាសដូចជាការដាក់សេរ៉ូមយកតម្លៃ១០០០បាតជាដើម ។ អ្វីដែលត្រូវបានកត់សម្គាល់នោះ គឺជននេះមានសតិមិនល្អ ហើយសង្ស័យពីការប្រើប្រាស់គ្រឿងញៀនថែមទៀតផង ៕
ចែករំលែកព័តមាននេះ