ការបើកបរក្នុងអំឡុងរដូវភ្លៀងធ្លាក់មានកត្ដាបីធំៗដែលបង្កើនហានិភ័យនៃគ្រោះថ្នាក់ចរាចរណ៍ដែលបង្កឡើងដោយយានយន្តរួមមាន ការកាត់បន្ថយទំនាញ ភាពចុះខ្សោយនៃលទ្ធភាពមើលឧបសគ្គ និងឥរិយាបថរបស់អ្នកបើកបររថយន្ត ។ ដូចនេះដើម្បីរួមចំណែកកាត់បន្ថយក៏ដូចជាបង្ការនូវឧប្បត្តិហេតុគ្រោះថ្នាក់កើតមានឡើងនៅរដូវធ្លាក់ភ្លៀងសូមលើកយកនូវវិធីសាស្ត្រងាយៗ៦ចំណុចមកបង្ហាញដូចតទៅ ៖
– ចូរប្រុងប្រយ័ត្នឱ្យខ្ពស់បំផុតក្នុងស្ថានភាពផ្លូវព្រោះអំឡុងពេលអាកាសធាតុព្យុះខ្លាំងអ្នកបើកបរអាចភ័ន្តច្រឡំផ្លូវ ។ ដូច្នេះគួរបើកបរក្នុងល្បឿនយឺតៗ ទើបលោកអ្នកអាចឆ្លើយតបទៅនឹងស្ថានភាពផ្លូវបាន ហើយថែមទាំងអាចគេចពីគ្រោះថ្នាក់ជាយថាហេតុពីអ្នកបើកបរដទៃ
ទៀត ។
- ប៉ាន់ស្មានទុកមុននៅពេលលោកអ្នកត្រូវបើកអែបខាងហើយឈប់រថយន្ត ។ ភាពសើមនៃហ្វ្រាំងគឺជាក្ដីកង្វល់មួយសម្រាប់អ្នកបើកបរពីព្រោះថាប្រព័ន្ធហ្វ្រាំងទាំងនោះនឹងមិនដំណើរការប្រកបដោយប្រសិទ្ធភាពឡើយនៅពេលអ្នកជាន់ហ្វ្រាំងបញ្ឈប់យានយន្តហើយប្រព័ន្ធហ្វ្រាំងនឹងបង្កើនសម្ពាធបន្តិចម្ដងៗ រហូតដល់អ្នកបញ្ឈប់ទាំងស្រុង ។ នៅពេលបន្តដំណើរចូរលោកអ្នកជាន់ហ្វ្រាំងថ្នមៗដើម្បីសម្ងួតជាតិទឹកនៅសំណុំហ្វ្រាំង ។ ការធ្វើបែបនេះនឹងការពារអ្នកពីការរអិល ឬបាត់បង់ម្ចាស់ការខណៈពេលជួបឧបសគ្គខាងមុខហើយជាន់ហ្វ្រាំងបន្ថយល្បឿនយានយន្ត ។
– ចូរកុំបើករថយន្តនៅពីក្រោយរថយន្តរបស់គេកៀកគ្នាឱ្យសោះ ។ ការធ្វើបែបនេះគឺដើម្បីឱ្យអ្នកងាយគេចឬជាន់ហ្វ្រាំងបន្ថយល្បឿនយានយន្តភ្លាមៗនៅពេលរថយន្តខាងមុខជួបឧបសគ្គចំពោះមុខហើយជាន់ហ្វ្រាំងបញ្ឈប់ទាំង
បង្ខំ ។
– ចូរប្រើប្រាស់ភ្លើងសញ្ញាឱ្យបានត្រឹមត្រូវពិសេសនៅពេលភ្លៀងធ្លាក់ លោកអ្នកគួរបើកភ្លើងមុខដើម្បីធ្វើឱ្យប្រសើរឡើងនូវលទ្ធភាពមើលឧបសគ្គខាងមុខ ។ ចូរសីុផ្លេនៅពេលបន្ថែមជែងរថយន្តដទៃ ។
– ប្រសិនជាអាចចូរបើកចៀសតំបន់ដក់ទឹក ឬទឹកលិច ។ បើកបរប្រកាន់យកចំណែកផ្លូវកណ្ដាលឬទីទួលដែលទឹកមិនអាចជ្រាបចូល
បាន ។ បើស្ថានភាពផ្លូវត្រូវជន់លិចក្នុងជម្រៅជ្រៅសូមឈប់ឬអែបចតរថយន្តលើចិញ្ចើមផ្លូវឬកន្លែងសមគួរណាមួយសិនមុនបន្តដំណើរទៅមុខទៀតបង្ការកុំឱ្យខូចម៉ាសីុនរថយន្ត ។
ការប្រើប្រាស់សម្បកកង់រថយន្តក៏ជាកត្ដាមួយសំខាន់ដែរពីព្រោះថាតាមការឱ្យដឹងពីអ្នកឯកទេសរបស់ក្រុមហ៊ុនផលិតសម្បកកង់រថយន្តមួយបានលើកឡើងថា សម្បកកង់រថយន្តមួយចំនួនមានប្រសិទ្ធភាពចំពោះការបើកបរនៅរដូវភ្លៀងពោលគឺវាមានកម្លាំងទំនាញល្អក្នុងស្ថានភាពផ្លូវរអិល ៕
ចែករំលែកព័តមាននេះ