រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានសរសើរចំពោះលោក កឹម សុខា អតីតប្រធានគណបក្សសង្គ្រោះជាតិដែលមិនបានវាយប្រហាររឿងបាក់រលំអគារនៅខេត្តកែប មិនដូចមន្ត្រីរដ្ឋាភិបាលមួយចំនួនបានវាយប្រហារលើករណីនេះ ។
សម្តេចតេជោ បានបញ្ជាក់ក្នុងសន្និសីទសារព័ត៌មាន ក្រោយបិទបញ្ចប់ការរុករកជនរងគ្រោះក្នុងគំនរអគា នៅព្រឹកថ្ងៃទី០៥ ខែមករា ឆ្នាំ២០២០ថា អ្នកណាក៏ដោយដែលមានចិត្តចង់ជួយយើងស្វាគមន៍ទាំងអស់ ។ យើងអរគុណចំពោះគាត់ (កឹម សុខា) ប៉ុន្តែយើងមិនទាន់ទទួលបានព័ត៌មានអំពីបញ្ហាថវិកាដែលគាត់ត្រូវផ្តល់ទេ ។ សម្តេចបានគូសបញ្ជាក់ទៀតថា បើទោះបីស្ថិតនៅក្នុងនិន្នាការណាក៏ដោយពេលវេលានេះមិនមែនជាពេលទាស់គ្នានោះទេ គឺគ្រប់និន្នាការនយោបាយទាំងអស់ត្រូវប្រមូលផ្តុំគ្នាខ្មែរជួយខ្មែរ ។
ដូច្នេះខ្ញុំស្វាគមន៍ចំពោះឥរិយាបថរបស់លោក កឹម សុខា បើទោះបីជាគាត់នៅមានបញ្ហានេះបញ្ហានោះក៏ប៉ុន្តែយើងត្រូវជួយប្រជាពលរដ្ឋខ្ញុំស្វាគមន៍ ។ សម្តេចបានបន្ថែមថា គ្រប់និន្នាការនយោបាយទាំងអស់ត្រូវប្រមូលគ្នាជួយខ្មែរជាជាងនាំគ្នាវាយប្រហាររាជរដ្ឋាភិបាល ឬវាយប្រហារទៅលើអ្នកនេះ អ្នកនោះដែលជារឿងមិនចាំបាច់ ។ សម្តេចតេជោ ក៏កោតសរសើរលោកកឹម សុខា គិតត្រូវជាមនុស្សមួយចំនួននៅក្នុងជួររាជរដ្ឋាភិបាលដែរ ។
សូមជម្រាបថា ការលើកឡើងរបស់សម្តេចតេជោ បន្ទាប់ពីលោកកឹម សុខា បានចូលរួមរំលែកទុក្ខដ៏ក្រៀមក្រំចំពោះឧបទ្ទេវហេតុដែលនៃការបាក់រលំអគានៅខេត្តកែប ហើយគ្រោយនឹងជួយឧតត្ថម្ភថវិកា២ពាន់ដុល្លារដល់ជនរងគ្រោះផងដែរ ៕
ចែករំលែកព័តមាននេះ