យោងទៅតាមលោកមហាសេដ្ឋី រេយ ដាលីអូ (Ray Dalio) ដែលជាស្ថាបនិកក្រុមហ៊ុន Bridgewater Associates បានឲ្យដឹងថា ជំហានទីមួយឆ្ពោះទៅរកភាពជោគជ័យគឺការកំណត់គោលដៅបានច្បាស់លាស់ហើយជម្រើសរបស់អ្នកជាអ្វីដែលតម្រង់ទិសដៅរបស់អ្នក…
យោងទៅតាមលោកមហាសេដ្ឋី រេយ ដាលីអូ (Ray Dalio) ដែលជាស្ថាបនិកក្រុមហ៊ុន Bridgewater Associates បានឲ្យដឹងថា ជំហានទីមួយឆ្ពោះទៅរកភាពជោគជ័យគឺការកំណត់គោលដៅបានច្បាស់លាស់ហើយជម្រើសរបស់អ្នកជាអ្វីដែលតម្រង់ទិសដៅរបស់អ្នក ។
ប៉ុន្តែបើអ្នកចង់កំណត់គោលដៅដែលជួយឲ្យអ្នកជោគជ័យ និងមានទ្រព្យសម្បត្តិស្តុកស្តម្ភនោះ លោកមហាសេដ្ឋីខាងលើប្រាប់ថាអ្នកត្រូវជៀសវាងចំណុចខាងក្រោមនេះពេលដែលកំណត់គោលដៅ៖
១. មើលរំលងគោលដៅបន្ទាប់បន្សំ៖
ជាដំបូងអ្នកត្រូវសម្រេចចិត្តលើអ្វីដែលអ្នកចង់សម្រេចជាងគេមុន ដែលតម្រូវឲ្យអ្នកបោះបង់គោលដៅដទៃទៀតដែលមិនសំខាន់សម្រាប់អ្នក ។ លោកបានចែករំលែកថា មានមនុស្សជាច្រើនដែលបរាជ័យក្នុងការលះបង់គោលដៅបន្ទាប់បន្សំដើម្បីគោលដៅដែលសំខាន់ជាងគេសម្រាប់ពួកគេ ។ ជាលទ្ធផល ពួកគេព្យាយាមសម្រេចគោលដៅច្រើនក្នុងពេលតែមួយ និងធ្វើឲ្យពួកគេចុងក្រោយសម្រេចបានតិចជាងអ្នកដទៃទៅវិញ ។
២. យល់ច្រឡំថាមហិច្ចតាជាគោលដៅ៖
គោលដៅ គឺជាអ្វីដែលអ្នកចាំបាច់ត្រូវតែសម្រេចក្នុងជីវិតរបស់អ្នក ខណៈដែលមហិច្ចតាជាអ្វីដែលអ្នកចង់បាន តែអាចធ្វើឲ្យអ្នកមិនអាចសម្រេចគោលដៅអ្នកបាន ។ ឧទាហរណ៍ដូចជាគោលដៅរបស់អ្នកគឺការមានរាងកាយមាំមួន តែមហិច្ចតារបស់អ្នកគឺបរិភោគអាហារដែលមិនល្អសម្រាប់សុខភាពជាដើម ។
៣. ផ្តោតស្មារតីលើលទ្ធផលខុស៖
កត្តាជំរុញទឹកចិត្តអ្នកឲ្យសម្រេចគោលដៅគួរតែមានច្រើនជាងលុយបើយោងតាមលោកមហាសេដ្ឋីដាលីអូ ។ លោកបានបន្តថា មនុស្សដែលងប់ងល់នឹងស្បែកជើងតម្លៃ ១ពាន់ដុល្លារ ឬរថយន្តទំនើបៗមិនតែងតែមានសុភមង្គលទេព្រោះពួកគេមិនដឹងថាខ្លួនចង់បានអ្វីពិតប្រាកដ ដូច្នេះមិនមានសម្ភារៈអ្វីដែលអាចធ្វើឲ្យពួកគេសប្បាយចិត្តឡើយ ។
៤. មានក្តីស្រម៉ៃតូចពេក៖
គោលដៅរបស់អ្នកមិនគួរមានកម្រិតទេ ។ លោកបានរំលឹកមកថា ការរពឺងទុកខ្ពស់អាចបង្កើតឱកាស និងសមត្ថភាពច្រើនឲ្យមនុស្ស ដូច្នេះបើអ្នកកំណត់គោលដៅតាមតែសមត្ថភាពរបស់អ្នកទេនោះ អ្នកប្រៀបដូចជាកំពុងដាក់កម្រិតលើខ្លួនឯងទៅវិញទេ ៕ កែសម្រួលដោយ ៖ សុឃាក់
ចែករំលែកព័តមាននេះ