ខេត្តកែប ៖ ចំពោះករណីបាក់អគារនៅខេត្តកែបនោះសំណង់ដែលបានបាក់រលំមនុស្សជាច្រើននាក់នោះ គឺម្ចាស់សំណង់ខ្លួនឯងផ្ទាល់ជាអ្នកដែលម៉ៅការទៅលើសំណង់នោះទាំងមូលដោយមិនមានជួលក្រុមវិស្វករ ឬអ្នកម៉ៅការណាផ្សេងពិនិត្យលើកិច្ចការសាង់សង់នោះឡើយ ។ នេះបើយោងតាមប្រភពព័ត៌មានដែលទទួលបានកាលពីម៉ោង១និង៣០នាទីរសៀល ថ្ងៃទី០៤ ខែមករា ឆ្នាំ២០២០…
ខេត្តកែប ៖ ចំពោះករណីបាក់អគារនៅខេត្តកែបនោះសំណង់ដែលបានបាក់រលំមនុស្សជាច្រើននាក់នោះ គឺម្ចាស់សំណង់ខ្លួនឯងផ្ទាល់ជាអ្នកដែលម៉ៅការទៅលើសំណង់នោះទាំងមូលដោយមិនមានជួលក្រុមវិស្វករ ឬអ្នកម៉ៅការណាផ្សេងពិនិត្យលើកិច្ចការសាង់សង់នោះឡើយ ។ នេះបើយោងតាមប្រភពព័ត៌មានដែលទទួលបានកាលពីម៉ោង១និង៣០នាទីរសៀល ថ្ងៃទី០៤ ខែមករា ឆ្នាំ២០២០ នេះ ។
ប្រភពបានបន្តថា ម្ចាស់សំណង់ខាងលើមានឈ្មោះ ឯក សារុន ប្រពន្ធឈ្មោះ ខៀវ សុធី មានទីលំនៅភូមិ១ សង្កាត់៣ ក្រុង-ខេត្តព្រះសីហនុ គឺត្រូវបានសមត្ថកិច្ចធ្វើការឃាត់ខ្លួន ។
ប្រភពបានឱ្យដឹងទៀតថា នៅមុនពេលកើតហេតុប្រហែលជាង១ខែមុនបាក់រលំអគារកម្ពស់៧ជាន់គឺមានក្រុមមន្ត្រីជំនាញរបស់ខេត្ត និងអាជ្ញាធរក្រុងបានចុះទៅត្រួតពិនិត្យលើសំណង់នោះឃើញថា មានច្បាប់សាងសង់ត្រឹមត្រូវ ប៉ុន្តែនៅខណៈដែលក្រុមមន្ត្រីជំនាញចុះត្រួតពិនិត្យនោះម្ចាស់សំណង់បានសុំច្បាប់សាងសង់ត្រឹមតែ៥ជាន់ប៉ុណ្ណោះ ហើយនៅពេលនោះទៀតសោតសំណង់ខាងលើក៏ទើបតែបានសាងសង់ត្រឹមតែ៥ជាន់ដូចគ្នា ។
លុះរំលងបានមួយរយៈក្រោយពីមន្ត្រីជំនាញបានពិនិត្យរួចមក ស្រាប់តែម្ចាស់សំណង់ខាងលើសាងសង់បន្ថែមរហូតដល់៧ជាន់ដោយខុសពីបទដ្ឋានបច្ចេកទេស ទើបរហូតមកដល់ថ្ងៃទី០៣ ខែមករា ឆ្នាំ២០២០ ម្សិលមិញនេះសំណង់៧ជាន់ខាងលើក៏បានរលំបាក់តែម្តង ៕
កែសម្រួលដោយ ៖ សំណាង
ចែករំលែកព័តមាននេះ