រាជធានីភ្នំពេញ ៖ នៅមុននេះបន្តិចនាវេលាម៉ោងប្រហែល១០និង៣០នាទី ថ្ងៃទី០៤ ខែមករា ឆ្នាំ២០២០ មានករណីបង្កការភ្ញាក់ផ្អើលយ៉ាងខ្លាំងក្នុងសង្កាត់កាំបូល ខណ្ឌកាំបូល ដោយមានផ្សែងខ្មួលខ្មាញ់ឆេះចេញពីបន្ទាយទាហានកងពលតូចពិសេសឆត្រយោង៩១១ ។
តាមប្រភពព័ត៌មានបានឱ្យដឹងថា ក្នុងហេតុការណ៍នោះផងដែរបានបង្កឱ្យមានការភ្ញាក់ផ្អើលជាខ្លាំងចំពោះប្រជាពលរដ្ឋដែលរស់នៅជុំវិញទីតាំងបន្ទាយទាហាននោះដោយម្នាក់ៗមានការងឿងឆ្ងល់គ្រប់ៗគ្នាថា ការឆេះដោយមានផ្សែងសន្ធោសន្ធៅនៅបន្ទាយទាហាននោះឆាបឆេះអ្វីឱ្យពិតប្រាកដ ។
ទោះបីជាយ៉ាងណាតាមប្រភពពីមន្ត្រីយោធាដែលយាមក្នុងបន្ទាយទាហានឱ្យបានឱ្យដឹងថា ការដែលមានផ្សែងខ្មួលខ្មាញបង្កឱ្យមានការភ្ញាក់ផ្អើលនោះគឺជាការដុតកងឡាន និងបណ្តាលឱ្យមានផ្សែងបែបនោះតែប៉ុណ្ណោះ មិនមែនជាការឆាបឆេះផ្ទះ ឬបន្ទាយទាហានអ្វីនោះទេ ។ ក្រោយបង្កឱ្យមានការភ្ញាក់ផ្អើលដល់ប្រជាពលរដ្ឋរួចមកមេបញ្ជាការក្នុងបន្ទាយទាហានខាងលើក៏បានបញ្ជាឱ្យយកទឹកពន្លត់ដើម្បីកុំឱ្យមានផ្សែងបង្កការភ្ញាក់ផ្អើលបន្តទៀតផងដែរ ៕
កែសម្រួលដោយ ៖ សំណាង
ចែករំលែកព័តមាននេះ