រាជធានីភ្នំពេញ ៖ បន្ទាប់ពីបានសម្រាកមួយសប្ដាហ៍ ការប្រកួតដណ្ដើមខ្សែក្រវាត់វគ្គផ្ដាច់ព្រ័ត្រយកចំណាត់ថ្នាក់លេខ១វគ្គទី២ក្នុងកម្មវិធី «កម្ពុជា សង្វៀនគុនខ្មែរ» គណៈកម្មការរៀបចំការ ប្រកួតបានសម្រេចដាក់គូប្រកួតមិត្តភាពអន្តរជាតិជំនួសវិញ ដែលសុទ្ធតែជាកំពូលអ្នកប្រដាល់ទម្ងន់ធ្ងន់ចំនួន៣គូ នៅលើសង្វៀនស្ថានីយទូរ…
រាជធានីភ្នំពេញ ៖ បន្ទាប់ពីបានសម្រាកមួយសប្ដាហ៍ ការប្រកួតដណ្ដើមខ្សែក្រវាត់វគ្គផ្ដាច់ព្រ័ត្រយកចំណាត់ថ្នាក់លេខ១វគ្គទី២ក្នុងកម្មវិធី «កម្ពុជា សង្វៀនគុនខ្មែរ» គណៈកម្មការរៀបចំការ
ប្រកួតបានសម្រេចដាក់គូប្រកួតមិត្តភាពអន្តរជាតិជំនួសវិញ ដែលសុទ្ធតែជាកំពូលអ្នកប្រដាល់ទម្ងន់ធ្ងន់ចំនួន៣គូ នៅលើសង្វៀនស្ថានីយទូរ ទស្សន៍ស៊ីអិនស៊ី នៅថ្ងៃសៅរ៍ទី៤ ខែមករា ឆ្នាំ២០២០។
សម្រាប់គូប្រកួតដែលត្រូវប៉ះគ្នាលើកនេះ កីឡាករ ព្រំ សំណាង មកពីក្លិបកងទ័ពពិសេសឆត្រយោង៩១១ ប្រកួតជាមួយកីឡាករមកពី ប្រទេសស្វ៊ីស Stojanov Gligor ក្នុងប្រភេទទម្ងន់៧៥គីឡូក្រាម ។
កីឡាករ ព្រំ សំណាង ដោយសាតែគេមានទម្ងន់ធ្ងន់ពេក ទើបមួយរយៈពេលយ៉ាងយូរមក
នេះ មិនសូវដែលឃើញគេលេចមុខនៅលើសង្វៀន ប្រកួតញឹកញាប់ដូចកីឡាករដទៃទៀតឡើយ ។
ប៉ុន្តែលើកនេះ អ្នករៀបចំកម្មវិធីប្រកួតប្រចាំសង្វៀនស្ថានីយទូរទស្សន៍ស៊ីអិនស៊ី បានខិតខំស្វែងរកកីឡាករបរទេសដែលមានទម្ងន់ធ្ងន់ដូចគ្នាឱ្យមកប្រកួតជាមួយទាល់តែបាន ហើយគេក៏សង្ឃឹមថា គូប្រកួតដែលមានគីឡូធ្ងន់បែបនេះកម្របានឃើញណាស់ ដូច្នេះប្រហែលជាមានការប្លែកភ្នែកមិនខាន ។
កីឡា ឡុង សុវណ្ណឌឿន មកពីក្លិបសាលវ័ន្តកីឡា ប្រកួតជាមួយកីឡាករ ថៃ ភិតមុន្នី មួតរ៉ាំងសារ៉ាខាម ក្នុងប្រភេទទម្ងន់៧១គីឡូក្រាម។ កីឡាករ ឡុង សុវណ្ណឌឿន ក៏ជាអ្នកប្រដាល់ដែលពិបាករកគូប្រកួតណាស់ដែរ ជាពិសេស សម្រាប់កីឡាករកម្ពុជាដូចគ្នាមិនអាចរកអ្នកដែលមានសមត្ថភាពប្រកួតជាមួយគេបានទេ មានតែកីឡាករបរទេសប៉ុណ្ណោះ ។
លើកនេះ គេមកប៉ះជាមួយអ្នកប្រដាល់ឆ្លងដែនមកពីថៃ ហើយអ្នករៀបចំកម្មវិធីប្រកួតរៀបចំឱ្យមានការប្រកួតប្រភេទគីឡូធំបែបនេះ គ្រាន់តែចង់ឱ្យប្លែកភ្នែកប៉ុណ្ណោះ ឯរឿងចាញ់ឈ្នះជារឿងធម្មតានោះទេ ។
កីឡាករ ថា សារុន មកពីក្លិបពុទ្ធសេរីវង្សពោធិ៍សែនជ័យ ប្រកួតជាមួយកីឡាករថៃយ៉តប៉ាន់ភុត ប៉.យុទ្ធភូមិ ក្នុងប្រភេទទម្ងន់៦០គីឡូក្រាម ។ កីឡាករ ខាំ សូរិយា មកពីក្លិបរ៉ាហាប់ស្វាយប៉ាក ប្រកួតជាមួយកីឡាករ តាំង តាក់ មកពីក្លិបរស្មីភូមិគាប ខេត្តបន្ទាយមានជ័យ ៕ (កែសម្រួលដោយ ៖ បុប្ផា)
ចែករំលែកព័តមាននេះ