សហភាពសហជីពកម្ពុជាសម្តែងការបារម្ភបាត់បង់ការងារចំពោះកម្មករ ប្រសិនបើ EBA ត្រូវបានផ្តាច់
- ភ្នំពេញ
រាជធានីភ្នំពេញ ៖ លោក រ៉ុង ឈុន ប្រធានសហភាពសហជីពកម្ពុជាសំដែងការបារម្ភបាត់បង់ការងារចំពោះកម្មករ ប្រសិនបើ EBA ត្រូវបានផ្តាច់ ។…
រាជធានីភ្នំពេញ ៖ លោក រ៉ុង ឈុន ប្រធានសហភាពសហជីពកម្ពុជាសំដែងការបារម្ភបាត់បង់ការងារចំពោះកម្មករ ប្រសិនបើ EBA ត្រូវបានផ្តាច់ ។…
រាជធានីភ្នំពេញ ៖ លោក រ៉ុង ឈុន ប្រធានសហភាពសហជីពកម្ពុជាសំដែងការបារម្ភបាត់បង់ការងារចំពោះកម្មករ ប្រសិនបើ EBA ត្រូវបានផ្តាច់ ។ ការលើកឡើងរបស់លោក រ៉ុង ឈុន បានថ្លែងនៅក្នុងសន្និសីទសារព័ត៌មាន នៅព្រឹកថ្ងៃទី០៣ ខែមករានេះ ដោយប្រធានសហភាព សហជីពកម្ពុជាបានលើកឡើងថា សន្និសីទសារព័ត៌មាននេះ គឺស្តីពីយុទ្ធនាការ ដើម្បីរក្សា EBA (ប្រព័ន្ធអនុគ្រោះពន្ធ) នាំទំនិញទៅកាន់សហភាពអឺរ៉ុប ។
ក្នុងសន្និសីទសារព័ត៌មាននេះ ស្ថិតនៅស្នាក់ការសហភាពសហជីពកម្ពុជា នៅសង្កាត់ចាក់អង្រែក្រោម ក៏មានការបង្ហាញពីការប្រមូលស្នាមមេដៃរបស់កម្មករ កម្មការិនីខ្មែរ ក្នុងគោលបំណងអំពាវនាវដល់ប្រមុខរាជរដ្ឋាភិបាលកម្ពុជាផងដែរ ។
លោក រ៉ុង ឈុន បានបន្តថា ការគ្រោងផ្តាច់ EBA ពីកម្ពុជាលោកយល់ថា ទាក់ទងនឹងស្ថានភាពនយោបាយនៅក្នុងប្រទេសកម្ពុជាដែលលោកមើលឃើញថា មេដឹកនាំបក្សប្រឆាំងត្រូវចាប់ខ្លួន និងឃុំខ្លួន និងគណបក្សប្រឆាំងត្រូវបានរំលាយ ។ លោករ៉ុង ឈុន បានលើកឡើងថា នៅពេលណាសហភាពអឺរ៉ុបដកការអនុគ្រោះ EBA មែននោះមានកម្មករកម្មការិនីប្រមាណមួយលាននាក់នឹងរងផលប៉ះពាល់ និងអ្នកទទួលផលដោយប្រយោងជាច្រើន អ្នកជាសាច់ញាតិ ឬឪពុកម្តាយកម្មករ កម្មការិនីទាំងនោះផង ។
លោកថា នៅពាក់កណ្តាលខែកុម្ភៈខាងមុខនេះ សហភាពអឺរ៉ុបនឹងពិចារណាថា ដក EBA ពីកម្ពុជាឬអត់ ? ។ ប៉ុន្តែកន្លងមកទាំងប្រមុខរាជរដ្ឋាភិបាល និងថ្នាក់ដឹកនាំកម្ពុជាបានលើកឡើងថា ការប្តូរនឹងអធិបតេយ្យភាព ឯករាជ្យភាព បូរណភាពទឹកដីកម្ពុជានឹង EBA កម្ពុជាមិនអាចទទួលយកបានទេ ។
ជាទូទៅ EBA គង់តែនឹងត្រូវបានគេដកវិញនៅពេលណាប្រទេសដែលទទួលបាន EBA មានការរីកចម្រើនសេដ្ឋកិច្ច និងសង្គម ។ លោក ផៃ ស៊ីផាន មិនអាចទាក់ទងនឹងអ្នកនាំពាក្យរាជរដ្ឋាភិបាលកម្ពុជាសុំការឆ្លើយតបនឹងការលើកឡើងពីលោក រ៉ុង ឈុននៅឡើយទេ ។ សូមបញ្ជាក់ថាប្រទេសសមាជិកអាស៊ានចំនួន១១មានតែបីប្រទេសទេ ដែលទទួលបាន EBA គឺកម្ពុជា ឡាវ និងភូមា ៕ កែសម្រួលដោយ ៖ សុឃាក់
ចែករំលែកព័តមាននេះ