ព្រះពុទ្ធបង្រៀនថា ដើម្បីញ៉ាំងលោកិយនេះឱ្យបានប្រសើរ បុគ្គលគ្រប់រូបត្រូវតែមានទំនាក់ទំនងល្អជាមួយមនុស្សផងគ្នា ប៉ុន្តែការសេពគប់ត្រូវតែធ្វើឡើងដោយបញ្ញា ត្បិតថាបើសេពគប់ជាមួយមនុស្សប្រភេទណា យើងនឹងក្លាយជាមនុស្សប្រភេទនោះដែរជាក់ជាមិនខាន ។ អ្នកប្រាជ្ញទាំងឡាយលោកហាមមិនឱ្យសេពគប់បុគ្គលពាលជាដាច់ខាត ពាលជាមនុស្សគួរឱ្យខ្លាចជាងអ្វីៗទាំងអស់មិនត្រូវសេពគប់ជាដាច់ខាត ព្រោះកាលបើសេពគប់ជាមួយបុគ្គលប្រភេទនេះ…
ព្រះពុទ្ធបង្រៀនថា ដើម្បីញ៉ាំងលោកិយនេះឱ្យបានប្រសើរ បុគ្គលគ្រប់រូបត្រូវតែមានទំនាក់ទំនងល្អជាមួយមនុស្សផងគ្នា ប៉ុន្តែការសេពគប់ត្រូវតែធ្វើឡើងដោយបញ្ញា ត្បិតថាបើសេពគប់ជាមួយមនុស្សប្រភេទណា យើងនឹងក្លាយជាមនុស្សប្រភេទនោះដែរជាក់ជាមិនខាន ។
អ្នកប្រាជ្ញទាំងឡាយលោកហាមមិនឱ្យសេពគប់បុគ្គលពាលជាដាច់ខាត ពាលជាមនុស្សគួរឱ្យខ្លាចជាងអ្វីៗទាំងអស់មិនត្រូវសេពគប់ជាដាច់ខាត ព្រោះកាលបើសេពគប់ជាមួយបុគ្គលប្រភេទនេះ ក្រៅតែពីធ្វើឱ្យយើងវិនាសចាកប្រយោជន៍ អសោចកេរ្តិ៍ឈ្មោះ អស់ទ្រព្យសម្បត្តិ ខាតពេលវេលា ខូចគំនិតប្រាជ្ញាទៅ ក៏ថែមទាំងនាំឱ្យយើងក្លាយជាបុគ្គលពាលជាមួយនឹងគេផងទៀត ។
បណ្ឌិតលោកបានដាស់តឿនថា បើទោះជាក្នុងលោកនេះមានតែមនុស្សពីរនាក់ គឺម្នាក់ជារូបអ្នក ហើយម្នាក់ទៀតជាបុគ្គលពាល ក៏មិនគប្បីទៅសេពគប់ជាមួយបុគ្គលនោះឱ្យសោះ គឺត្រូវនៅតែម្នាក់ឯងដោយរឹងមាំចុះ។
ការចេះប្រុងប្រយ័ត្ន ហើយចៀសវាងបាននូវការសេពគប់បុគ្គលពាលយ៉ាងណានេះហើយ ជាមង្គលដ៏ឧត្តម ។ដោយសាន សារិន
ចែករំលែកព័តមាននេះ