ប្រព័ន្ធអ៊ីនធើណេត និងប្រព័ន្ធសង្គមបានផ្តល់ភាពកាន់តែងាយស្រួលដល់មនុស្សក្នុងការចំណាយលើសម្ភារផ្សេងៗដែលរួមទាំងសម្ភារប្រេនៗផងដែរខណៈដែលសេដ្ឋកិច្ចកម្ពុជាបន្តអភិវឌ្ឍន៍ទៅមុខពីមួយឆ្នាំទៅមួយឆ្នាំ ។ ប៉ុន្តែការសិក្សាមួយរបស់ Boston College និង Harvard Business School…
ប្រព័ន្ធអ៊ីនធើណេត និងប្រព័ន្ធសង្គមបានផ្តល់ភាពកាន់តែងាយស្រួលដល់មនុស្សក្នុងការចំណាយលើសម្ភារផ្សេងៗដែលរួមទាំងសម្ភារប្រេនៗផងដែរខណៈដែលសេដ្ឋកិច្ចកម្ពុជាបន្តអភិវឌ្ឍន៍ទៅមុខពីមួយឆ្នាំទៅមួយឆ្នាំ ។ ប៉ុន្តែការសិក្សាមួយរបស់ Boston College និង Harvard Business School បានឲ្យដឹងថា ការចាយវាយលើផលិតផលប្រេនៗទាំងនោះអាចនឹងធ្វើឲ្យអ្នកទិញមានអារម្មណ៍កាន់តែមិនល្អលើខ្លួនឯង ។
ជាទូទៅយើងតែងតែគិតថាការទិញសម្ភារទាំងនេះតែងតែធ្វើឲ្យមនុស្សមានអារម្មណ៍ល្អព្រោះវាជួយឲ្យអ្នកទិញមានជំនឿចិត្តលើខ្លួនឯង និងមានអារម្មណ៍ថាអ្នកដទៃទទួលយកអ្នកជាដើម ។ ប៉ុន្តែវាជះឥទ្ធិពលនេះដល់មនុស្សគ្រប់រូបទេ ។
ផ្ទុយមកវិញ អ្នកស្រាវជ្រាវបានឲ្យដឹងថាមនុស្សមួយចំនួនបែរជាបាត់បង់ជំនឿចិត្តទៅវិញពេលដែលមានសម្ភារៈប្រេនៗប្រើ ព្រោះពួកគេមានអារម្មណ៍ថាមិនមែនជាខ្លួនឯង ។ ឧទាហរណ៍ដូចជាមនុស្សម្នាក់អាចនឹងមានអារម្មណ៍ខ្មាសអៀនទៅវិញពេលដែលពាក់គ្រឿងអង្ការមានតម្លៃ ឬប្រើសម្ភារៈថ្លៃៗ ។សម្រាប់ក្រុមមនុស្សខ្លះ ពួកគេមិនមានបញ្ហាក្នុងការអួតអាងសម្ភារៈដែលខ្លួនមានទេព្រោះពួកគេគិតថាពួកគេមានសិទ្ធិក្នុងការមានវា ឬគិតថាពួកគេអាចធ្វើវាបានក្នុងកាលៈទេសៈណាមួយជាដើម ។ ប៉ុន្តែសម្រាប់អ្នកដែលមានអារម្មណ៍ខ្មាសអៀនវិញភាគច្រើនគិតថាសម្ភារៈទាំងនេះមិនស័ក្កិសមនឹងខ្លួនឯងបើទោះជាពួកគេមានសមត្ថភាពក្នុងការទិញវាជាងអ្នកដទៃពិតមែនក្តីឦការស្រាវជ្រាវនេះផ្តល់ជាមេរៀនសំខាន់មួយដល់មនុស្សគ្រប់រូបមិនឲ្យរំពឹងគិតថាការចាយវាយលើសម្ភារៈដែលមានតម្លៃអាចផ្តល់ភាពរីករាយឬសុភមង្គលដល់អ្នកបាន។ ផ្ទុយមកវិញ អ្នកទិញគួរតែគិតឲ្យបានច្បាស់ថា សម្ភារៈដែលអ្នកមានគម្រោងទិញពិតជាស្របទៅនឹងអ្វីដែលអ្នកចង់បានពិតមែនទេ?
ប្រសិនបើចម្លើយគឺទេ នោះអ្នកមិនគួរចុះចាញ់នឹងសម្ពាធពីសង្គម ឬមនុស្សជុំវិញខ្លួនឡើយ ព្រោះអ្នកអាចនឹងត្រូវចាយវាយលើអ្វីដែលមិនធ្វើឲ្យអ្នកមិនសប្បាយចិត្ត ឬមិនប្រើទាំងស្រុង ៕ កែសម្រួលដោយ ៖ សុឃាក់
ចែករំលែកព័តមាននេះ