ខេត្តសៀមរាប ៖ ចាប់ពីថ្ងៃទី១ ខែមករា ឆ្នាំ២០២០ នេះតទៅដោយទុកលទ្ធភាពឱ្យក្រុមការងារជំនាញផ្នែកអភិរក្សបំពេញការងាររបស់ខ្លួនរហូតបានរួចរាល់ជាស្ថាពរ ។ អាជ្ញាធរជាតិអប្សរាប្រកាសបិទចរាចរណ៍ឡើង-ចុះ វង់ទស្សនាជាន់ទី៣ (ប្រាង្គកណ្តាល)…
ខេត្តសៀមរាប ៖ ចាប់ពីថ្ងៃទី១ ខែមករា ឆ្នាំ២០២០ នេះតទៅដោយទុកលទ្ធភាពឱ្យក្រុមការងារជំនាញផ្នែកអភិរក្សបំពេញការងាររបស់ខ្លួនរហូតបានរួចរាល់ជាស្ថាពរ ។ អាជ្ញាធរជាតិអប្សរាប្រកាសបិទចរាចរណ៍ឡើង-ចុះ វង់ទស្សនាជាន់ទី៣ (ប្រាង្គកណ្តាល) នៃប្រាសាទបាយ័ន្ត នៅដើមឆ្នាំ២០២០ ។ បច្ចុប្បន្នដោយកត្តាអាយុកាលនិងកត្តាផ្សេងៗទៀតបានបង្កឱ្យជាន់ទី៣ (ប្រាង្គកណ្តាល) នៃប្រាសាទបាយ័ន្ត មានភាពសឹករេចរិល និងកំពុងប្រឈមនឹងហានិ ភ័យយ៉ាងធ្ងន់ធ្ងរមួយចំនួន។
ក្នុងស្ថានភាពនេះ អ្នកជំនាញការចំពោះកិច្ចផ្នែកអភិរក្សនៃគណៈកម្មាធិការអន្តរជាតិកិច្ចគាំពារអភិរក្សនិងអភិវឌ្ឍន៍រមណីយដ្ឋានប្រវត្តិសាស្ត្រអង្គរ (ហៅកាត់ថា អាយស៊ីស៊ី-អង្គរ) បានផ្តល់ អនុសាសន៍ឱ្យបិទការទស្សនានៅជាន់ទី៣មនៃប្រាសាទបាយ័ន្តដើម្បីផ្តល់លទ្ធភាពដល់ក្រុមអ្នកជំនាញសិក្សាអំពីការខូចខាត និងបញ្ហាប្រឈមនានា ដើម្បីរៀបចំផែនទីហានីនិភ័យ ព្រមទាំងកំណត់ទីតាំងអាទិភាពក្នុងការពង្រឹងស្ថានភាព និងជួសជុលផ្នែកដែលប្រឈមនឹងគ្រោះថ្នាក់ទាំងអស់នោះ។
ក្នុងន័យនេះដើម្បីថែទាំនិងការពារប្រាសាទ ក៏ដូចជាការគិតគូរយ៉ាងយកចិត្តទុកដាក់ដល់សុវត្ថិភាពភ្ញៀវទេសចរជាតិ-អន្តរជាតិ អាជ្ញាធរជាតិអប្សរា នឹងបិទចរាចរណ៍ឡើង-ចុះ វង់ទស្សនាជាន់ទី៣នៃប្រាសាទបាយ័ន្តចាប់ពីថ្ងៃទី១ ខែមករា ឆ្នាំ២០២០ នេះតទៅដោយទុកលទ្ធភាពឱ្យក្រុមការងារជំនាញផ្នែកអភិរក្សបំពេញការងាររបស់ខ្លួនរហូតបានរួចរាល់ជាស្ថាពរ។
សូមបញ្ជាក់ផងដែរថា ចំពោះទីតាំងទស្សនាសំខាន់ៗ របស់ភ្ញៀវទេសចរ ផ្នែកខាងក្រោមនៃប្រាសាទបាយ័នដែលមានចម្លាក់ក្បូរក្បាច់រចនាដ៏ល្អវិចិត្រ នៅបើកជាធម្មតា សម្រាប់ភ្ញៀវទេសចរជាតិ- អន្តរជាតិ ៕
កែសម្រួលដោយ ៖ សំណាង
ចែករំលែកព័តមាននេះ