រកាំរកួសជាមួយថ្នាក់លើ ធ្លាយដំណឹង Neymar ចង់ត្រឡប់ទៅ Barcelona វិញ
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីរូបថតរបស់ Neymar ឈរជាមួយនឹង Lionel Messi និង…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីរូបថតរបស់ Neymar ឈរជាមួយនឹង Lionel Messi និង…
តាមប្រភពព័ត៌មាន Soccer Laduma បានឱ្យដឹងថា បន្ទាប់ពីរូបថតរបស់ Neymar ឈរជាមួយនឹង Lionel Messi និង Luis Suarez ត្រូវបានចែកចាយពេញបណ្តាញសង្គម មានព័ត៌មានលើកឡើងថា Neymar នៅចង់ត្រឡប់មកលេងនៅ Barcelona។
កីឡាករវ័យ ២៧ឆ្នាំរូបនេះបានព្យាយាមចាកចេញពី Paris Saint-Germain នៅដើមនៃយុទ្ធនាការនាពេលបច្ចុប្បន្ន ប៉ុន្តែនៅតែបន្តនៅប្រទេសបារាំង បន្ទាប់ពីអតីតក្លិបរបស់គាត់ត្រូវបានគេរាយការណ៍ថាមិនបានផ្តល់មធ្យោបាយ ដើម្បីផ្តល់ហិរញ្ញប្បទានដល់កិច្ចព្រមព្រៀងដ៏មានសក្តានុពលនេះ។
បើទោះបីជាមានទំនាក់ទំនងមិនសូវល្អជាមួយក្រុមប្រឹក្សាភិបាលរបស់ PSG និងអ្នកគាំទ្រក៏ដោយ ក៏ Neymar នៅតែបញ្ជូនបាល់នៅលើទីលានសម្រាប់ម្ចាស់ជើងឯក Ligue 1 នៅរដូវកាលនេះ បើយោងតាមការចុះផ្សាយរបស់អេស្ប៉ាញ Sport បានឱ្យដឹងថា កីឡាករសញ្ជាតិប្រេស៊ីលរូបនេះនៅតែមានចេតនាចង់ចូលរួមជាមួយ Barcelona ដែលគាត់បានចំណាយពេល៤ឆ្នាំ (២០១៣ដល់២០១៧)។
តាមការរាយការណ៍បានឱ្យដឹងថា អតីតកីឡាករ Santos រូបនេះនឹងធ្វើអ្វីគ្រប់យ៉ាងដើម្បីជំរុញឱ្យមានការផ្លាស់ប្តូរត្រឡប់ទៅទឹកដី Catalonia ដែលជាកន្លែងដែលអតីតមិត្តរួមក្រុមរបស់គាត់បានអំពាវនាវឱ្យមានការវិលត្រឡប់របស់គាត់។
Messi ដែលជាប្រធានក្រុមនិងជាអ្នកស៊ុតបាល់បញ្ចូលទីច្រើនជាងគេរបស់ក្លិប បាននិយាយជាច្រើនដងថា រូបគេចង់ឃើញកីឡាករសញ្ជាតិប្រេស៊ីលរូបនេះពាក់អាវក្រុម Barcelona ខណៈដែលកីឡាករ Suarez និង Gerard Pique ក៏បាននិយាយបែបនេះផងដែរ ៕
កែសម្រួលដោយ ៖ សំណាង
ចែករំលែកព័តមាននេះ