ព្រះសម្មាសម្ពុទ្ធទ្រង់ត្រាស់ថា ម្នាលភិក្ខុទាំងឡាយ ក្នុងកាលអតីតជាតិ តថាគតឈ្មោះសង្ខព្រាហ្មណ៍ តថា គតបានដកស្មៅ ក្នុងលានព្រះចេតិយនៃព្រះបច្ចេកពុទ្ធ ព្រះនាមសុសិមៈ ដោយផលនៃបុញ្ញកម្មនោះ ជនទាំងឡាយទើបធ្វើផ្លូវ៨យោជន៍ឲ្យរាបស្មើដោយល្អ…
ព្រះសម្មាសម្ពុទ្ធទ្រង់ត្រាស់ថា ម្នាលភិក្ខុទាំងឡាយ ក្នុងកាលអតីតជាតិ តថាគតឈ្មោះសង្ខព្រាហ្មណ៍ តថា គតបានដកស្មៅ ក្នុងលានព្រះចេតិយនៃព្រះបច្ចេកពុទ្ធ ព្រះនាមសុសិមៈ ដោយផលនៃបុញ្ញកម្មនោះ ជនទាំងឡាយទើបធ្វើផ្លូវ៨យោជន៍ឲ្យរាបស្មើដោយល្អ ប្រាសចាកបន្លានិងដង្គត់ទាំងឡាយ ។
តថាគតចាក់ខ្សាច់កៀរឲ្យស្មើក្នុងលានព្រះចេតិយនោះ ដោយផលនៃបុញ្ញកម្មនោះ ជនទាំងឡាយទើបចាក់ខ្សាច់កៀរឲ្យស្មើក្នុងផ្លូវ៨យោជន៍ ។
តថាគតធ្វើការបូជាដោយផ្កាឈើព្រៃចំពោះព្រះចេតិយនោះ ដោយផលនៃបុញ្ញកម្មនោះ ជនទាំងឡាយទើបរោយផ្កាឈើមានពណ៌ផ្សេងៗ នៅតាមដងផ្លូវចម្ងាយ៨យោជន៍ ទន្លេគង្គាក្នុងទីប្រមាណមួយយោជន៍ ដេរដាសទៅដោយផ្កាបទុម៥ពណ៌ ។
តថាគតបានប្រោះព្រំក្នុងទីលានព្រះចេតិយនោះ ដោយទឹកដ៏ក្រអូប ដោយផលនៃបុញ្ញកម្មនោះ ភ្លៀងដែលមានគ្រាប់ដ៏បរិសុទ្ធធ្លាក់ចុះនៅក្នុងក្រុងវេសាលី ។
តថាគតបានលើកទង់ផ្ទាំងសំពត់ឡើង និងចងឆត្រទុកក្នុងព្រះចេតិយនោះ ដោយផលនៃបុញ្ញកម្មនោះ ចក្កក្រវាឡទាំងមូលទើបហាក់ដូចជាមានមហោស្រពជាមួយគ្នា ដោយទង់ជ័យ ទង់ផ្ទាំងសំពត់ និងឆត្ររួត រហូតដល់ឋានព្រហ្ម ។
ម្នាលភិក្ខុទាំងឡាយ ព្រោះហេតុដូច្នោះឯង ទើបការបូជានេះកើតឡើងដល់តថាគតមិនមែនដោយពុទ្ធានុភាព ឬដោយអានុភាពនៃអ្នកណាទេ តែនេះកើតឡើងដោយអានុភាពនៃការបរិច្ចាគមានប្រមាណតិចតួចនៅក្នុងអតីតជាតិនោះឯង ។ ដោយសាន សារិន
ចែករំលែកព័តមាននេះ