អ្នកមានជំនឿឆ្វេងដូចជាជឿលើមង្គលភ្ញាក់ផ្អើល ជឿលើមន្តអាគម ស្រោចទឹក ចងខ្សែ បន់ស្រន់ ស្រោចទឹករំដោះគ្រោះ បួងសួងសុំនេះសុំនោះជាដើមសុទ្ធតែស្ថិតនៅក្នុងចំពូកបុគ្គលអវិជ្ជា ។
អវិជ្ជានេះមិនមែនមានសម្រាប់តែអ្នកមិនកាន់សាសនា ឬសម្រាប់តែអ្នកកាន់សាសនាផ្សេងៗទេ សូម្បីតែអ្នកកាន់ព្រះពុទ្ធសាសនាក៏ដោយ ដរាបណានៅក្នុងភាពជាបុថុជ្ជន តែងតែមានគ្រប់គ្នាទាំងអស់ ប្លែកគ្នាត្រង់ថា បើបុថុជ្ជននុ៎ះ បានអាស្រ័យនឹងធម៌របស់ព្រះមានព្រះភាគច្រើន អវិជ្ជាក៏មិនសូវគ្របសង្កត់ខ្លាំង ។
តែប្រសិនបើមិនបានយកធម៌របស់ព្រះមានព្រះភាគជាទីតាំងទេ អវិជ្ជាក៏គ្របសង្កត់ខ្លាំងតាមលំដាប់ រហូតធ្វើឲ្យអ្នកនោះជឿរឿងមង្គលភ្ញាក់ផ្អើលផ្សេងៗ មានការបន់ស្រន់ ស្រោចទឹក ជម្រះគ្រោះចង្រៃ ជាដើម ដែលជាជំនឿឆ្វេង ហើយផ្ទុយគ្នាស្រឡះអំពីធម៌របស់ព្រះសម្មាសម្ពុទ្ធ ។
ហេតុដែលនាំឱ្យមិនដឹងមិនស្គាល់ទាំងអស់នេះគឺសុទ្ធតែផ្តើមចេញមកអំពីអវិជ្ជានេះឯងជាប្រភព ។ ដោយសាន សារិន
ចែករំលែកព័តមាននេះ