គំនិតមនុស្សអាចក្លាយទៅជាពាក្យសម្តី ដែលអាចក្លាយទៅជាសកម្មភាព ដែលក្លាយទៅជាទម្លាប់ ហើយក្លាយជាអត្តចរិតដែលជះឥទ្ធិពលដល់វាសនារបស់មនុស្សម្នាក់ៗ ។ មានន័យថាបើអ្នកចង់មានជីវិតដែលស្រណុកស្រួលនៅថ្ងៃមុខ អ្នកត្រូវតែរៀនមានទម្លាប់ល្អជារៀងរាល់ថ្ងៃ ។ យោងតាមការតាមដាន និងសិក្សាពីមនុស្សដែលជោគជ័យ…
គំនិតមនុស្សអាចក្លាយទៅជាពាក្យសម្តី ដែលអាចក្លាយទៅជាសកម្មភាព ដែលក្លាយទៅជាទម្លាប់ ហើយក្លាយជាអត្តចរិតដែលជះឥទ្ធិពលដល់វាសនារបស់មនុស្សម្នាក់ៗ ។ មានន័យថាបើអ្នកចង់មានជីវិតដែលស្រណុកស្រួលនៅថ្ងៃមុខ អ្នកត្រូវតែរៀនមានទម្លាប់ល្អជារៀងរាល់ថ្ងៃ ។ យោងតាមការតាមដាន និងសិក្សាពីមនុស្សដែលជោគជ័យ និងមានទ្រព្យសម្បត្តិស្តុកស្តម្ភមួយចំនួនបានឲ្យដឹងថា អ្នកដែលសម្រេចបានច្រើនក្នុងជីវិតភាគច្រើនមានទម្លាប់ប្រចាំថ្ងៃដូចខាងក្រោមនេះ៖
១. និយាយឲ្យច្បាស់ពីអ្វីដែលអ្នកចង់បានពីអ្នកដទៃ៖
ក្នុងនាមជាអ្នកដឹកនាំក្នុងស្ថាប័នការងារ ឬអាជីវកម្ម អ្នកដឹកនាំត្រូវតែនិយាយឲ្យបានច្បាស់ពីអ្វីដែលខ្លួនចង់បានពីមនុស្សដែលធ្វើការជាមួយ ។ មិនថាជាការសុំរបៀបវារៈមុនពេលប្រជុំ ផ្ញើអ៊ីមែលបន្ទាប់ពីការពិភាក្សា ឬចែករំលែកមតិយោបល់ផ្សេងៗទេ ។ ការនិយាយឲ្យបានច្បាស់លាស់ពីអ្វីដែលអ្នករំពឹងចង់បាននេះនឹងធ្វើឲ្យអ្នកដទៃជុំវិញខ្លួនអ្នកអាចធ្វើការដោយមានប្រសិទ្ធិភាពជាងមុន និងជំរុញដល់ការសហការគ្នាផងដែរ ។
២. គិតពីកិច្ចការសំខាន់ៗសម្រាប់ថ្ងៃស្អែក៖
ជារៀងរាល់ព្រឹក អ្នកគួរមានទម្លាប់គិតពីកិច្ចការប្រចាំថ្ងៃដែលអ្នកត្រូវបំពេញក្នុងថ្ងៃនោះ ។ អ្នកត្រូវមានតារាងកិច្ចការពីរព្រោះមួយគឺសម្រាប់កិច្ចការដែលសំខាន់ៗមិនថាជាកិច្ចការប្រចាំថ្ងៃ ឬកិច្ចការនៅកន្លែងធ្វើការឬក្នុងអាជីវកម្មឡើយ ខណៈដែលតារាងមួយទៀតគឺការងារដែលចាំបាច់ប្រញាប់ត្រូវសម្រេច ។
៣. ទុកពេលដើម្បីមនុស្សដែលនៅជុំវិញខ្លួន ៖
ការបញ្ចប់ការងារ និងបង្កើតទំនាក់ទំនងដើម្បីអាជីវកម្មរបស់អ្នកមានសារៈសំខាន់ តែការចេះទុកពេលវេលាដើម្បីមនុស្សនៅជុំវិញខ្លួនក៏មានសារៈសំខាន់ខ្លាំងដែរមិនថាជាមនុស្សក្នុងគ្រួសារ ឬនៅកន្លែងការងារឡើយ ។
៤. កែសម្រួលបរិស្ថានដែលនៅជុំវិញអ្នក៖
មនុស្សយើងអាចធ្វើការដោយមានប្រសិទ្ធិភាពនៅពេលដែលយើងដឹងច្បាស់ពីបរិស្ថានដែលជះឥទ្ធិពលដល់ទម្លាប់យើង ។ មនុស្សមិនតែងតែធ្វើការសម្រេចចិត្តដោយអាស្រ័យទាំងស្រុងលើភាពសមហេតុសមផលទេ ។ ដោយហេតុដូចនេះ ពេលខ្លះមនុស្សត្រូវកែសម្រួលបរិស្ថានជុំវិញឲ្យស្របទៅនឹងទម្លាប់ការងារ ។ ឧទាហរណ៍ដូចជាអ្នកជាមនុស្សដែលចូលចិត្តភាពស្ងប់ស្ងាត់ដើម្បីគិតជាដើម នោះអ្នកគួរចេះទុកពេលវេលាដែលមិនមានការរំខានដើម្បីគិតម្នាក់ឯងពីការសម្រេចចិត្តសំខាន់ៗ ៕ កែសម្រួលដោយ ៖ សុឃាក់
ចែករំលែកព័តមាននេះ