ខេត្តព្រះសីហនុ ៖ នៅល្ងាចថ្ងៃទី៣១ ខែធ្នូ ឆ្នាំ២០១៩ នេះ ភ្ញៀវទេសចរណ៍ជាតិ និងអន្តរជាតិជាច្រើនកុះករបានមកចូលរួមលេងកំសាន្តក្នុងខេត្តក៏ដូចជាតាមបណ្តាឆ្នេរនានា ដោយពួកគាត់បានសម្តែងការសប្បាយរីកក្នុងឱកាសបុណ្យចូលឆ្នាំសកលឆ្នាំថ្មីឆ្នាំ២០២០ នេះ…
ខេត្តព្រះសីហនុ ៖ នៅល្ងាចថ្ងៃទី៣១ ខែធ្នូ ឆ្នាំ២០១៩ នេះ ភ្ញៀវទេសចរណ៍ជាតិ និងអន្តរជាតិជាច្រើនកុះករបានមកចូលរួមលេងកំសាន្តក្នុងខេត្តក៏ដូចជាតាមបណ្តាឆ្នេរនានា ដោយពួកគាត់បានសម្តែងការសប្បាយរីកក្នុងឱកាសបុណ្យចូលឆ្នាំសកលឆ្នាំថ្មីឆ្នាំ២០២០ នេះ ។
យោងតាមប្រភពពីមន្ត្រីសាលាខេត្តព្រះសីហនុប្រាប់ថា ក្នុងពិធីបុណ្យចូលឆ្នាំសកលនេះរដ្ឋបាលព្រះសីហនុ ពុំមានការរៀបចំតុបតែង ឬលំអរអ្វីទេ ដោយសារខេត្តកំពុងមមារញឹកក្នុងការស្ថាបនាផ្លូវទាំង៣៤ខ្សែរក្នុងគម្រោង។
ដោយឡែកលោក តាំង សុចិត្តគ្រឹះស្នា ប្រធានមន្ទីរទេសចរណ៍ខេត្ត បានបញ្ជាក់ថា ស្ថានភាពភ្ញៀវទេសចរ ដែលមកកម្សាន្ដនៅខេត្តព្រះសីហនុ ក្នុងពិធីឆ្លងឆ្នាំ ថ្ងៃទី៣១ ខែធ្នូ ឆ្នាំ២០១៩ នេះ មានដូចខាងក្រោម
១-ភ្ញៀវសរុបចំនួន ៣៥,០២៧នាក់ ថយចុះ ២៧.៦៣% ភ្ញៀវជាតិ ២៩.៤៤៥៧នាក់ ថយចុះ២៨.១៥% និងភ្ញៀវអន្តរជាតិ ៥.៥៧០នាក់ថយចុះ២៤.៧៩% ។
២-ភ្ញៀវចូលតាមព្រលានយន្តហោះអន្តរជាតិក្រុងព្រះសីហនុ ១៨ជើង មានភ្ញៀវ ១,៨០០នាក់ ក្នុងនោះភ្ញៀវជាតិ ៥០នាក់ស្មើនឹង ២.៧៧% និងភ្ញៀវអន្តរជាតិ ១,៧៥០នាក់ ស្មើនឹង៩៧.២៧% ។
៣-ភ្ញៀវទេសចរទៅកម្សាន្តតាមកោះនានាសរុប ២,៦៩១នាក់ ភ្ញៀវជាតិ១.៧៥០នាក់ស្មើនឹង៦៥.០៣% និងអន្តរជាតិ ៩៤១នាក់ស្មើនឹង៣៤.៩៧%។
៤-ភ្ញៀវទៅកម្សាន្តតាមរមណីយដ្ឋាននានាសរុបរួម ៖ ២.២២៦នាក់ ជាតិ ២.១៩៧នាក់ ស្មើនឹង៩៨.៦៩% អន្តរជាតិ ២៩នាក់ស្មើនឹង១.៣១%។
៥-ភ្ញៀវកម្សាន្នមតាមបណ្តាឆ្នេរនានាក្នុងខេត្ត សរុបរួម ១៣.២៦៥នាក់ ជាតិ ១២.៨១៥នាក់ ស្មើនឹង ៩៦.៦០ និងអន្តរជាតិ ៤៥០នាក់ ស្មើនឹង ៣.៤០%។
មន្ត្រីជំនាញក៏បានណែនាំដល់អាជីវករលក់ដូរ ឬម្ចាស់សណ្ឋាគារ ផ្ទះសំណាក់ទាំងឡាយសូមមេត្តាកុំឡើងថ្លៃ ហើយលោកក៏បញ្ជាឱ្យសមត្ថកិច្ចធានាឱ្យបានពីសុខសុវត្ថិភាពជូនប្រជាពលរដ្ឋ ក្នុងឱកាសបុណ្យចូលឆ្នាំសកលនេះ ។ (កែសម្រួលដោយ ៖ បុប្ផា)
ចែករំលែកព័តមាននេះ