មនុស្សមិនដែលមានពេលវេលាគ្រប់គ្រាន់ក្នុងជីវិតទេ មិនថាពួកគេមានអាយុដល់ ៤០ឆ្នាំ ឬ ១០៦ឆ្នាំ ។ ដូច្នេះពួកគេមិនគួរខ្ជះខ្ជាយពេលវេលាលើអ្វីដែលមិនជួយដល់ការងារ អាជីវកម្ម ឬសុភមង្គលរបស់ខ្លួនឡើយ ។ បើអ្នកស្ថិតក្នុងចំណោមមនុស្សដែលចង់ផ្លាស់ប្តូរជីវិតនៅឆ្នាំ ២០២០ ថ្មីនេះ អ្នកគួរតែរៀនតាមអ្នកដែលជោគជ័យ និងមានទ្រព្យសម្បត្តិបើអ្នកចង់មានជោគវាសនាដូចគ្នាដែរ ។ ខាងក្រោមនេះគឺជាអ្វីដែលអ្នកអាចសាកល្បងធ្វើបានដើម្បីខិតទៅរកភាពជោគជ័យ និងសុភមង្គលក្នុងជីវិត៖
១. ចាប់ផ្តើមក្រុមហ៊ុន ឬអាជីវកម្មមួយខ្លួនឯង៖
អ្នកមិនអាចរៀនបានច្រើនទេប្រសិនបើអ្នកមិនរៀនធ្វើវាដោយខ្លួនឯង ។ មានន័យថា បើអ្នកចង់រៀនពីការគ្រប់គ្រងអាជីវកម្ម វិធីដែលល្អជាងគេគឺបើកអាជីវកម្មមួយដោយខ្លួនឯង ។ វាជាបទពិសោធន៍មួយដែលអ្នកមិនអាចយកលុយទៅទិញ ឬទៅរៀនចេញពីសាលារៀនណាមួយឡើយ ។
ប្រាកដណាស់ ការធ្វើជាម្ចាស់អាជីវកម្មមួយដោយខ្លួនឯង គឺពោរពេញទៅដោយស្ត្រេស និងកិច្ចការជាច្រើន ហើយអ្នកថែមទាំងអាចបរាជ័យថែមទៀតផង ។ ប៉ុន្តែបើវាជាអ្វីដែលអ្នកចង់សម្រេច អ្នកមិនគួរភ័យខ្លាចនឹងវាឡើយ ។
២. មើលថែសុខភាព៖
មានមនុស្សដែលជោគជ័យ និងមានទ្រព្យសម្បត្តិស្តុកស្តម្ភជាច្រើនស្តាយក្រោយព្រោះតែមិនបានមើលថែសុខភាពខ្លួនពេលដែលនៅវ័យក្មេង ។ ជាទូទៅពួកគេតែងតែលះបង់ពេលវេលាមើលថែសុខភាពដើម្បីសម្រេចគោលដៅ ឬរកលុយបន្ថែម ។ ប៉ុន្តែសុខភាពគួរតែទទួលបានអាទិភាពខ្ពស់សម្រាប់មនុស្សម្នាក់ៗ ។
៣. កសាងឈ្មោះសម្រាប់ខ្លួនឯងក្នុងវិស័យរបស់អ្នក៖
បើអ្នកមិនចង់បាត់បង់ការងារ ឬបរាជ័យក្នុងអាជីវកម្មទេនោះ អ្នកត្រូវតែចេះបង្កើតឈ្មោះមួយសម្រាប់ខ្លួនឯងក្នុងវិស័យរបស់អ្នក ។ មានន័យថាអ្នកត្រូវតែធ្វើឲ្យអ្នកដទៃស្គាល់ និងទទួលស្គាល់ពីអ្នក ។ តើអ្នកអាចធ្វើវាបានដោយវិធីណា? វិធីងាយៗរួមមានការចែករំលែកចំនេះដឹងនិងបទពិសោធន៍ជាមួយអ្នកដទៃ ឬធ្វើការផ្សព្វផ្សាយដែលទាក់ទាញអតិថិជនឲ្យស្គាល់និងជឿជាក់អ្នកជាដើម ៕ កែសម្រួលដោយ ៖ សុឃាក់
ចែករំលែកព័តមាននេះ