កាលពីថ្ងៃទី១៣ ខែមិថុនា ឆ្នាំ២០១៤ នៅគណៈកម្មាធិកាជាតិអួឡាំពិក បានរៀបចំសន្និសីទសារព័ត៌មានស្ដីពីការប្រកួតកីឡា និស្សិតឧត្ដមសិក្សា និងមធ្យមសិក្សាបច្ចេកទេសជ្រើសរើសជើងឯកទូទាំប្រទេសក្រោមអធិបតីភាពលោកវ៉ាត ចំរើន អគ្គលេខាធិការគណៈកម្មកាធិការជាតិអូឡាំពិកកម្ពុជា លោកអ៊ុក សិទ្ធិជាតិ អគ្គនាយកីឡា និងលោកដួង មាសចំរើន ប្រធាននាយកដ្ឋានអប់រំកាយ និងកីឡាសិស្ស និស្សិត ក្រសួងអបរំ យុវជន និងកីឡា ។
ក្នុងរយៈពេលជិតពីរទសវត្សរ៍ចុងក្រោយនេះ វិស័យកីឡាមានការរីកចំរើនខ្លាំងនៅកម្ពុជា ជាពិសេសការលេងកីឡានៅតាមគ្រឹះស្ថានកម្រិតឧត្ដមសិក្សា និងក្រោមឧត្ដមសិក្សា។ ប៉ុន្ដែកាបណ្ដុះបណ្ដាលដែលធ្វើឡើងនៅតាមគ្រឹះស្ថានឧត្ដមសិក្សាទាំងរដ្ឋ និងឯកជន គឺនៅមានកម្រិត ដោយសារតែគ្រូដែលមានជំនាញមិនមានគ្រប់គ្រាន់ និងទីលានសម្រាប់លេងកីឡាមិនស្របតាមស្ដង់ដា ជាពិសេសកម្រិតធនធានមនុស្សនៅកម្ពុជា នៅមិនទាន់អាចប្រៀបធៀបស្មើនឹងប្រទេសជឿនលឿនបាន ដោយសារប្រទេសកម្ពុជា មានសង្គ្រាមជាច្រើនទសវត្សរ៍ដែលធ្វើឱ្យបាត់បង់នូវធនធានមនុស្សយ៉ាងច្រើន។ ដើម្បីដើរឱ្យទាន់គេ យើងត្រូវខិតខំប្រឹងប្រែងបន្ថែមទៀត បើទោះបីជាយើងបានសម្រេចនូវសមិទ្ធផលជាច្រើនហើយក៏ដោយ ជាក់ស្ដែងក្រុមហ៊ុនស្រាបៀរកម្ពុជា ខេមប្រ៊ូវ មានស្រាបៀរអង្គរ ភេសជ្ជៈប៉ិបស៊ី និងទឹកពិសាបរិសុទ្ធ អង្គរព្យួរូ បាននិងកំពុងសហការជាមួយគណៈកម្មាធិការជាតិអូឡាំពិកកម្ពុជា បង្កើតកម្មវិធីប្រកួតកីឡានិស្សិតឧត្ដមសិក្សា និងមធ្យមកិក្សាបច្ចេកទេស ជ្រើសរើសជើងឯកទូទាំងប្រទេស ឆ្នាំ២០១៣-២០១៤ នេះឡើង ក្នុងគោលបំណងជំរុញវិស័យកីឡាកម្ពុជា ឱ្យមានភាពលេចធ្លោ និងខិតខំស្វែងរកអ្នកដែលមានសមត្ថភាព ទេព្យកោសល្យ គឺធ្វើយ៉ាងណាបណ្ដុះបណ្ដាលមុខជំនាញឱ្យបានគ្រប់គ្រាន់សម្រាប់ការប្រកួតកីឡាស៊ីហ្គេមដែលកម្ពុជានឹងធ្វើជាម្ចាស់ផ្ទះនាប៉ុន្នានឆ្នាំខាងមុខនេះ ឱ្យស្របនឹងទិសដៅអភិវឌ្ឍន៍កីឡាកម្ពុជារបស់រាជរដ្ឋាភិបាល ។ ឆ្លៀតក្នុងពេលឱកាសនេះ ក្នុងនាមក្រុមហ៊ុនស្រាបៀរអង្គរ សូមគោរពអញ្ជើញដល់មហាជនទាំងអស់ចូលរួមគាំទ្រ និងលើកទឹកចិត្ដដល់ប្អូនៗនិស្សិតឱ្យបានច្រើននៅពហុកីឡាដ្ឋានជាតិអូឡាំពិក ហើយសូមចូលរួមលេងកីឡាទាំងអស់គ្នា ព្រោះកីឡានាំមកនូវសុខភាពទាំផ្លូវកាយ និងផ្លូវចិត្ដ សន្ដិភាព និងសាមគ្គីភាព ហើយបងក៏សូមផ្ដាំផ្ញើរដល់ប្អូនៗនិស្សិតកីឡាករ-កីឡាការិនីទាំងអស់ ត្រូវគោរពតាមគោលការណ៍ និងបទបញ្ញត្តកីឡាឱ្យបានខ្ជាប់ខ្ជួន។
ចែករំលែកព័តមាននេះ