ខេត្តបន្ទាយមានជ័យ ៖ សង្ក្រាន្តប្រាសាទបន្ទាយឆ្មារ ឆ្នាំ២០២០ បានរៀបចំសំដែងល្ខោនខោល និងប្រគុំតន្ត្រីដើម្បីអបអរសាទរឆ្នាំថ្មីប្រពៃណីខ្មែរដែលប្រជុំរៀបចំរចនាសម្ព័ន្ធក្រុមការងារកាលពីថ្ងៃទី២៦ ខែធ្នូ ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ។ លោក…
ខេត្តបន្ទាយមានជ័យ ៖ សង្ក្រាន្តប្រាសាទបន្ទាយឆ្មារ ឆ្នាំ២០២០ បានរៀបចំសំដែងល្ខោនខោល និងប្រគុំតន្ត្រីដើម្បីអបអរសាទរឆ្នាំថ្មីប្រពៃណីខ្មែរដែលប្រជុំរៀបចំរចនាសម្ព័ន្ធក្រុមការងារកាលពីថ្ងៃទី២៦ ខែធ្នូ ឆ្នាំ២០១៩ នៅសាលប្រជុំសាលាខេត្តបន្ទាយមានជ័យ។
លោក អ៊ុំ រាត្រី អភិបាលខេត្តបន្ទាយមានជ័យបានប្រសាសន៍កោតសសើរចំពោះក្រុមសហភាពសហព័ន្ធយុវជនកម្ពុជាខេត្តបន្ទាយមានជ័យដែលដឹកនាំរៀបចំដោយលោក ស សុខា អនុប្រធានសហភាព សហព័ន្ធយុវជនកម្ពុជា និងជារដ្ឋលេខាធិការក្រសួងអប់រំយុវជននិងកីឡា ដែលរៀបចំសង្ក្រាន្តបន្ទាយឆ្មារឆ្នាំ២០២០ខាងមុខនេះដើម្បីអបអសាទរបុណ្យចូលឆ្នាំថ្មីប្រពៃណីជាតិខ្មែរ។
លោក អ៊ុំ រាត្រី បានមានប្រសាសន៍ថ្លែងអំណគុណចំពោះលោកជំទាវ ម៉ៅ ម៉ាល័យ កែ គឹមយ៉ាន តែងតែយកចិត្តទុកដាក់និងចំណាយថវិការផ្ទាល់ខ្លួនរៀបចំប្រាសាទបន្ទាយឆ្មារ និងប្រាសាទបន្ទាយទ័រ និងប្រាសាទមេបុណ្យដែលកសាងស្ពានឈើជិត១គីឡូម៉ែត្រ និងកែលំអរអាងជើងគ្រួសក្លាយជាតំបន់រមណីយដ្ឋានក្នុងខេត្តបន្ទាយមានជ័យ។
លោក ស សុខា អនុប្រធានសហភាពសហព័ន្ធយុវជនកម្ពុជាបានមានប្រសាសន៍ថា សង្ក្រាន្តបន្ទាយឆ្មារ២០២០នេះត្រូវបានប្រជុំបង្កើតរចនាសម្ព័ន្ធ ក្រុមការងារនិងតួនាទីភារកិច្ចសម្របសម្រួលយុវជននិងបរិស្ថានធ្វើការជ្រើសរើសនិងចងក្រងក្រុមយុវជនស្ម័គ្រចិត្ត ដើម្បីបែងចែកតួនាទីដល់សមាជិកសង្ក្រាន្តបន្ទាយឆ្មារ២០២០ខាងមុខានេះ។
លោក ស សុខា បានបញ្ជាក់ថា សង្ក្រាន្តបន្ទាយឆ្មារ២០២០នេះត្រូវបានរៀបចំសិល្បៈ តន្ត្រី សាសនា និងស្ថាបនា រចនា ផលិត និងសម្របសម្រួលរៀបចំពិធីមាន១-កម្មវិធីទទួលទេវតា និងពិធីសាសនា, ២-ពិធីថ្លែងអំណរគុណឱពុកនិងម្តាយ, ៣-ពិធីសំដែងសិល្បៈល្ខោនខោល, ៤-ប្រគុំតន្ត្រីខ្នាតតូច, ៥-ក្រុមការងារសិល្បករសម្រាប់ការសម្តែង ៦-សំលៀកបំពាក់សម្រាប់ការសំដែងនីមួយៗ ៧-រៀបចំការហាត់សម ៨-រៀបចំប្លង់មេ ស្តង់សម្រាប់អាជីវករ និង៩-ស្វែងរកអាជីវករ លក់ដូរផលិតផលផ្សេងៗដើម្បីចូលរួមក្នុងព្រឹត្តការណ៍៕(កែសម្រួលដោយ ៖ ធីតា)
ចែករំលែកព័តមាននេះ