ចាញ់ភ្លាមមិនចាំយូរញញួរយក្ស West Ham ដេញគ្រូចេញភ្លែត
តាមប្រភពព័ត៌មាន Soccer Laduma បានឱ្យដឹងថា ក្រុម West Ham United បានបណ្តេញអ្នកចាត់ការទូទៅ លោក…
តាមប្រភពព័ត៌មាន Soccer Laduma បានឱ្យដឹងថា ក្រុម West Ham United បានបណ្តេញអ្នកចាត់ការទូទៅ លោក…
តាមប្រភពព័ត៌មាន Soccer Laduma បានឱ្យដឹងថា ក្រុម West Ham United បានបណ្តេញអ្នកចាត់ការទូទៅ លោក Manuel Pellegrini ចេញបន្ទាប់ពីចាញ់ក្រុម Leicester City កាលពីល្ងាចថ្ងៃសៅរ៍ ។ ការចាញ់ក្រុមកញ្ជ្រោង Leicester បានធ្វើឱ្យក្រុមញញួរធ្លាក់ចេញពីចំណាត់ថ្នាក់ទី១៧ ហើយមិនចាំបាច់ចាំយូរ ក្លិបនេះបានសម្រេចចិត្តបណ្តេញគ្រូបង្វឹក លោក Pellegrini ចោលភ្លាមៗ។
សេចក្តីថ្លែងការណ៍របស់ក្លិបបានសរសេរថា៖«ក្រុម West Ham United អាចបញ្ជាក់បានថាលោក Manuel Pellegrini បានចាកចេញពីក្លិបដោយសារតែមានបញ្ហាភ្លាមៗ»។
សារនេះបន្តថា៖«អគ្គនាយកទាំងពីររបស់ក្លិប លោក David David Sullivan និង លោកDavid Gold រួមជាមួយក្រុមប្រឹក្សាភិបាល និងអ្នករាល់គ្នានៅ West Ham United សូមថ្លែងអំណរគុណដល់លោក Manuel ចំពោះការបម្រើរបស់គាត់ក្នុងរយៈពេល ១៨ខែកន្លងមកនេះ»។
លោក Sullivan បានមានប្រសាសន៍ថា៖ «វាជាការខកចិត្តយ៉ាងខ្លាំង ដែលយើងត្រូវតែធ្វើការសម្រេចចិត្តនេះ។ លោក Manuel គឺជាសុភាពបុរស ហើយពួកយើងពិតជាមានសេចក្តីរីករាយណាស់ក្នុងការធ្វើការជាមួយនរណាម្នាក់ដែលមានសុជីវធម៌»។
លោកបានបន្តថា៖«ទោះយ៉ាងណាវាបានបង្ហាញយ៉ាងច្បាស់ថាការផ្លាស់ប្តូរមួយត្រូវបានទាមទារ ដើម្បីធ្វើឱ្យក្លិបមានដំណើរការទៅមុខ ស្របតាមមហិច្ឆតារបស់យើងនៅរដូវកាលនេះ។ យើងគិតថា វាចាំបាច់ក្នុងការធ្វើសកម្មភាពឥឡូវនេះ ដើម្បីផ្តល់ឱ្យអ្នកគ្រប់គ្រងថ្មីនូវពេលវេលាច្រើនតាមតែអាចធ្វើទៅបាន សម្រាប់ការសម្រេចគោលដៅនោះ»៕
ចែករំលែកព័តមាននេះ