រាជធានីភ្នំពេញ ៖ បន្ទាប់ពីបានតស៊ូចូលដល់ការប្រឡងចម្រៀងលំដាប់ពិភពលោក ពីដំបូងរហូតទល់ពេលនេះ កម្មវិធីរបស់ស្ថានីយ៍ទូរទស្សន៍ហង្សមាស បានរកឃើញម្ចាស់សំឡេងពីរោះដាច់គេហើយ។ បេក្ខជនរូបនោះមកពីខេត្តកំពង់ចាម មានឈ្មោះភឿន សុភាព វ័យ១៤ឆ្នាំ…
រាជធានីភ្នំពេញ ៖ បន្ទាប់ពីបានតស៊ូចូលដល់ការប្រឡងចម្រៀងលំដាប់ពិភពលោក ពីដំបូងរហូតទល់ពេលនេះ កម្មវិធីរបស់ស្ថានីយ៍ទូរទស្សន៍ហង្សមាស បានរកឃើញម្ចាស់សំឡេងពីរោះដាច់គេហើយ។
បេក្ខជនរូបនោះមកពីខេត្តកំពង់ចាម មានឈ្មោះភឿន សុភាព វ័យ១៤ឆ្នាំ បានយកឈ្នះបេក្ខជន៣រូបទៀត តាមរយៈការផ្ញើសារបោះឆ្នោតពីទស្សនិកជនទូទាំងប្រទេស។
កម្មវិធីខាងលើនេះ បានបិទបញ្ចប់រដូលកាលទី១ហើយ កាលពីរាត្រីថ្ងៃទី២៩ ធ្នូ ឆ្នាំ២០១៩ ចំរដូវកាលបិទទំព័រឆ្នាំចាស់ ស្វាគមន៍ឆ្នាំថ្មី២០២០។ កម្មវិធីនេះ បានធ្វើឱ្យប្អូនៗកុមារមកពីគ្រប់ខេត្ត-ក្រុង ដែលមិនបានឆ្លងទៅវគ្គបន្តខ្លះយំសោកស្តាយក៏ឃើញ ព្រោះម្នាក់ៗចង់ក្លាយជាតារាចែងចាំង។ យ៉ាងណាមិញ ម្ចាស់ពានមានតែម្នាក់គត់ ដែលមានសមត្ថភាពពិត ត្រូវមហាជនជាអ្នកវិនិច្ឆ័យ លើការបោះឆ្នោត ។
វិនាទីចុងក្រោយដែលមានកុមារា៤រូប ចូលដល់វគ្គផ្តាច់ព្រត្រ័រួមមាន ៖ កុមារា អាត វិសាលមកពីខេត្តព្រៃវែង, កុមារា ភឿន សុភាព មកពីកំពង់ចាម, កុមារី ឈួន ស្រីណង មកពីព្រៃវែង និងកុមារី រ៉ន រ៉ានី មកពីបាត់ដំបង។ TOP 4 ទាំងនេះ តម្រូវច្រៀង២វិញ្ញាសាបុរាណ និងសម័យ។
ក្រោមការតាមដាន ក្រោយប្រកាសលទ្ធផល បេក្ខជន ភឿង សុភាព ឆក់យកបេះដូងមហាជនច្រើនជាងគេ ដោយក្លាយជាម្ចាស់ពានរដូលកាលទី១ ជាមួយកុងត្រាជាតារាហង្សមាស និងប្រាក់រង្វាន់ជាច្រើនបូកទាំងអ្នកមិនបានជាប់ ក៏ទទួលបានរង្វាន់លួងចិត្តមួយចំនួន ។ ជាពិសេសសម្តេចតេជោ និងលោកជំទាវ បានឧបត្ថម្ភដល់បេក្ខជន៤រូបនេះម្នាក់៤លានរៀនជាទឹកចិត្តបណ្តុះពន្លកសិល្បៈ។
ជាមួយនឹងភាពរំភើបនេះ លោកឪពុករបស់ ភឿន សុភាព បាននិយាយទាំងញញឹមថា កូនប្រុសគាត់នេះ ចេះច្រៀងតាំងពីអាយុ៣ឆ្នាំ ។ រូបគេជាកូនទី២ ក្នុងចំណោមបងប្អូន៤រូប ប្រុសទាំងអស់។ សុភាព រៀនដល់ថ្នាក់ទី១១ នៃវិទ្យាល័យមួយនាខេត្តកំពង់ចាម។
លោកឪពុករូបនេះបន្តថា ក្នុងនោះជាសមាជិកចេះច្រៀងច្រើនគ្នា បូកទាំងរូបលោកក៏ជាអ្នកចម្រៀងតាមភ្លេងការផងដែរ។ អ្វីដែលលោកមិនទាន់អ់ចិត្ត ដោយសារអំឡុងពេលប្រឡងមិនបាននៅកំដរកូនតាំងពីវគ្គដំបូងបំផុត ឱ្យតែបងប្រុសជួយមើល ព្រោះរវល់ធ្វើការ។ ទើបតែមកផ្តាច់ព្រត្រ័នេះទេ មកជួប ហើយរំភើបដូចនៅលើអាកាសវេហា ដោយឃើញកូនច្រៀងធ្វើឱ្យមហាជនហ៊ោរពេញឆាក រហូតឈ្នះពាន ពិតជាមានមោទនភាព។ ចំណែកប្រាក់រង្វាន់ទុកឱ្យកូនយកទៅសិក្សាចុះ ដើម្បីឱ្យមានអនាគតទៅមុខទៀត។ (កែសម្រួលដោយ ៖ បុប្ផា)
ចែករំលែកព័តមាននេះ